Mazano Anotibetsera Pakufunda
Fundirai “Ngoma dze ku Mwiya” nge Musoro
“Mazuwa e kuti inini ndinozwa ndakatsukwara uye ndakaora mwoyo, ndinoona kuti Djehovha anondipfadza eciseenzesa ngoma dze mu JW Broadcasting®.”—Lorraine, EUA.
Nguwa dzese Akristu anoseenzesa “ngoma dze ku mwiya” kuti anamate Djehovha. (Ako. 3:16) Kana imwimwi mukafundira kuemba ngoma dzedu, idzona dzicamubetsera kunyazi imwimwi musina mabhuku e ngoma kana kuti mucini ye magetsi. Onai mazano angamubetsera kuti mukwanise kuemba ngoma dzedu ngo musoro.
Nyasai kuziya zvinoreya soko rimwe na rimwe re ngoma. Zvinogara nyore kuedzurira ciro kana masoko akanaka kamuri. Masoko ese e ngoma dzedu anooneka mu saiti ye jw.org, kutobatanidzawo mavhidhiyo e ngoma uye no ngoma dze ana adoko. Bayai pa Bhibhiriyoteka uye pedzepo endai pakazwi ngoma.
Kopiyarii nge nyara masoko e ngoma. Izvona zvinoita kuti masoko e ngoma agare akagaravhariki mu ndangariro dzenyu.—Dhe. 17:18.
Fundirai no izwi guru. Erengai uye embai ngoma kakawanda.
Edzai kuemba ngo musoro. Edzai kuedzurira masoko musina kuona mabhii e ngoma, uye mumasure mazvo onai kuti maemba zvakanaka here.