Salamo

 2 A haamauruuru ia Iehova i te kinura.

A himene i te arueraa* ia ˈna i te mauhaa upaupa ahuru taura.

 3 A himene no ˈna i te hoê himene apî.+

A hauti ma te aravihi i te upaupa taura, ma te umere.

 4 Mea afaro hoi te parau a Iehova,+

E e nehenehe e tiaturi i te mau mea atoa ta ˈna e rave.

 6 Ma te parau a Iehova i hamanihia ˈi te mau raˈi,+

E ma te aho o to ˈna vaha, te mau mea atoa i roto.*

 7 Te haaputu nei oia i te pape o te miti mai te hoê patu.+

Te tuu nei oia i te mau pape arepurepu i roto i te fare vairaa taoˈa.

 9 Ua parau hoi oia e ua tupu ta ˈna i parau.+

Ua faaue oia e ua mau papu ta ˈna i faaue.+

10 Ua faahuru ê Iehova i te mau opuaraa* a te mau nunaa.+

Ua faahape oia i te mau opuaraa a* te mau nunaa.+

11 E vai noa râ te mau faaotiraa* a Iehova e a muri noa ˈtu.+

E vai noa te mau manaˈo o to ˈna aau i tera uˈi e tera uˈi.

12 E oaoa te nunaa o Iehova to ˈna Atua,+

Te nunaa ta ˈna i maiti ei faufaa na ˈna.+

13 Te hiˈo mai ra Iehova mai te raˈi mai.

Te ite ra oia i te mau tamaiti atoa a te taata nei.+

14 Mai to ˈna ra vahi nohoraa,

Te mataitai ra oia i to te fenua nei.

15 Na ˈna e hamani i te aau o te taata atoa.

Te hiˈopoa ra oia i ta ratou mau ohipa atoa.+

16 Aita e arii e faaorahia e te tahi nuu rahi.+

Eita te hoê taata puai e faaorahia e to ˈna mana rahi.+

17 Eita e haere i te puaahorofenua ia faaora i te taata,+

Eita to ˈna fatu e ora i to ˈna puai rahi.

18 Inaha, tei nia te mata o Iehova i te feia e mǎtaˈu ra ia ˈna,+

Te feia o te tiaturi nei i to ˈna here taiva ore,

19 No te faaora ia ratou i te pohe

E no te faaora ia ratou i te tau oˈe.+

21 Te oaoa nei to matou aau ia ˈna,

Te tiaturi nei hoi matou i to ˈna iˈoa moˈa.+

22 Ia vai to here taiva ore i nia ia matou, e Iehova,+

A tiai noa ˈi matou ia oe.+