Salamo

50 Te paraparau nei te Atua o te mau atua ra o Iehova.+

Te titau nei oia i te fenua

Mai te hitiraa mai o te mahana e tae atu i to ˈna toparaa.*

E auahi te ama ra i mua ia ˈna,+

E te paaina ra te hoê vero rahi ati aˈe ia ˈna.+

 4 Te titau nei oia i te mau raˈi e te fenua+

No te haava i to ˈna nunaa:+

 5 “A haaputuputu i mua ia ˈu i to ˈu mau taata taiva ore,

Te feia o te faaau ra i te hoê faufaa ia ˈu ra ma te tusia.”+

 6 Te faaite nei te mau raˈi i ta ˈna parau-tia,

E Haava hoi te Atua.+ (Sela)

 7 “A faaroo mai, e to ˈu nunaa e, e e paraparau vau.

E Iseraela e, e faaite au i te parau no nia ia oe.+

 8 E ere no ta oe mau tusia vau e tamaˈi ai ia oe,

E ere atoa no ta oe mau tusia taauahi i mua ia ˈu i te mau taime atoa.+

 9 Aita e faufaa ia rave au i te tahi puaatoro oni i ǒ oe,

E te puaaniho* mai roto mai i ta oe mau aua.+

10 Na ˈu hoi te mau animara oviri atoa o te uru raau,+

Te mau animara atoa i nia hoê tausani mouˈa.

11 Ua ite au i te mau manu atoa o te mau mouˈa,+

Na ˈu te animara oviri e rave rahi.

12 Ia poia noa ˈtu vau, eita vau e faaite atu ia oe,

Na ˈu hoi te fenua ruperupe e te mau mea atoa i nia iho.+

13 E amu anei au i te iˈo o te mau puaatoro oni

A inu atu ai i te toto o te puaaniho?+

14 A pûpû i te hoê aau mauruuru ei tusia i te Atua,+

E a rave i ta oe i euhe i Tei Teitei Roa ˈˈe.+

15 A tiaoro ia ˈu i te tau ahoaho.+

“Na vai i faatia ia oe ia faahiti i ta ˈu mau faaueraa+

Aore ra ia paraparau no nia i ta ˈu faufaa?+

17 Mea riri hoi na oe i te aˈoraa,*

E te tamau ra oe i te huri tua i ta ˈu mau parau.*+

18 Ia ite oe i te hoê taata eiâ, e farii maitai oe ia ˈna,*+

E te tamau ra oe i te apiti i te feia faaturi.

19 Te faaohipa ra oe i to vaha no te haaparare i te mea ino,

E te taamu ra oe i te haavare i nia i to arero.+

20 Te parahi ra oe a faaino atu ai i to oe iho taeae.+

Te faaite ra oe i te mau hapa a te tamaiti a to oe iho metua vahine.

21 I te raveraa oe i teie mau mea, ua mamû noa vau,

Manaˈo atura oe e mai ia oe atoa vau.

I teie nei râ, e tamaˈi au ia oe,

E e faaite atu vau i to ˈu peapea e o oe.+

22 A feruri na i te reira, outou o te haamoˈe ra i te Atua,+

Ia ore au ia hahae ia outou e aita e taata no te faaora ia outou.

23 Te taata o te pûpû i te aau mauruuru ei tusia, te faahanahana ra ïa oia ia ˈu,+

E tei tutava ra i te rave i te mea maitai,

E ite oia i te faaoraraa no ǒ mai ia ˈu nei.”+