Isaia
57 Ua pohe te taata parau-tia,
Eita râ hoê aˈe e haapao atu.
2 E ite oia i te hau.
E faafaaea ratou i nia i to ratou roˈi,* ratou pauroa e haerea afaro to ratou.
3 “Outou râ, a tapiri mai,
Outou te mau tamaiti a te vahine tahutahu,
Outou te mau tamarii a te tane faaturi e te vahine taiata:
4 O vai ta outou e faaooo ra?
Ia vai outou e hamǎmǎ ˈi i to outou vaha e e toro ai i to outou arero?
E ere anei outou i te tamarii no te rave hara,
Te tamarii no te haavarevare,+
5 O te ura ra i te hinaaro i raro aˈe i te mau tumu raau rarahi,+
I raro aˈe i te mau tumu raau ruperupe atoa,+
O te taparahi haapohe i te tamarii i roto i te mau peho,+
I roto i te mau afâ mato?
6 Mea au aˈe na oe te mau ofai manina o te peho.+
Oia mau, o ta oe tuhaa te reira.
I te reira atoa e ninii ai oe i te tusia uaina e e pûpû ai oe i te ô.+
Ia mauruuru anei au* i teie mau mea?
7 I nia i te tahi mouˈa teitei roa i faaineine ai oe i to oe roˈi,+
E ua pauma oe i reira no te pûpû i te tusia.+
8 I muri mai i te opani e te pou opani i tuu ai oe i ta oe haamanaˈoraa.
Ua faarue oe ia ˈu e ua tatara oe i to oe ahu.
Ua pauma oe e ua faaaano i to oe roˈi.
Ua faaau oe i te tahi faufaa ia ratou.
Ua tono oe i to oe mau tia i te atea ê,
A pou atu ai oe i te Apoo.*
10 Ua onoono oe i te haere i to oe haereraa e rave rahi,
Aita râ oe i parau: ‘Aita e apî!’
Ua itoito faahou mai oe.
No reira oe i ore ai i faaea.*
Aita oe i haamanaˈo ia ˈu.+
Aita oe i tâuˈa noa ˈˈe.+
Aita anei au i mamû noa e i ore i faaô atu?*+
Aita ïa oe i mǎtaˈu ia ˈu.
E pee pauroa te reira i te mataˈi,
E puehu te reira i te tahi noa puhiraa,
Area te taata o te haapu ia ˈu nei, no ˈna ïa te fenua
E e fatu oia i to ˈu mouˈa moˈa.+
14 E parauhia: ‘A hamani, a hamani i te tahi purumu! A faaineine i te eˈa!+
A tatara pauroa te faataupupuraa mai nia mai i te eˈa o to ˈu nunaa.’”
“Te parahi ra vau i te vahi teitei e te moˈa,+
Tei pihai iho atoa râ vau i te feia e teimaha ra e te haihai,
No te faaitoito i te taata feruriraa haihai
E te aau o te feia e teimaha ra.+
16 Eita hoi au e mârô ia ratou e a muri noa ˈtu,
E ore atoa vau e tamau noa i te riri.+
Aita anaˈe, e paruparu te feruriraa o te taata,+
Tae noa ˈtu te mau mea* ta ˈu i hamani e o te huti i te aho.
17 I riri na vau no ta ˈna hara e imi i te apî i te ohipa taviri,+
No reira vau i tairi ai ia ˈna, e i huna ˈi i to ˈu aro no to ˈu riri.
Ua tamau noa râ oia i te taiva,+ a pee ai i to ˈna aau.
18 Ua ite au i to ˈna mau haerea,
E faaora râ vau i to ˈna maˈi,+ e aratai au ia ˈna+
E e tamahanahana faahou* vau ia ˈna+ e te feia e oto ra e o ˈna.”+
19 “Te hamani nei au i te mau parau arueraa.
E horoahia te hau tamau na tei atea e na tei pihai iho mai,”+ te parau ra Iehova.
“E e faaora vau i to ˈna maˈi.”
20 “E au râ te feia ino i te miti mataare o te ore e mania,
E e faarapu noa te reira i te remu e te vari.