97 Ua riro mai Iehova ei Arii!+
Ia oaoa te fenua.+
Ia oaoa te motu e rave rahi.+
2 Te haaati ra te mau ata e te rumaruma rahi ia ˈna.+
O te parau-tia e te afaro te niu o to ˈna terono.+
3 Te haere ra te auahi na mua ia ˈna+
E te pau nei to ˈna mau enemi ati aˈe ia ˈna i te auahi.+
4 Te turama nei ta ˈna uira i te fenua.
Te ite ra e te rûrû nei te fenua i te reira.+
5 Te tahe ra te mau mouˈa mai te tapau i mua ia Iehova,+
I mua i te Fatu o te fenua taatoa.
6 Te faaite ra te mau raˈi i ta ˈna parau-tia,
E te ite ra te mau nunaa atoa i to ˈna hanahana.+
7 Ia haama te taata atoa o te tavini ra i te tii taraihia,+
Te feia o te faatietie ra i to ratou mau atua faufaa ore.+
A tipapa i mua ia ˈna, e te mau atua atoa e.+
8 Te faaroo e te oaoa ra Ziona.+
Te oaoa ra te mau oire o Iuda
No ta oe mau haavaraa, e Iehova.+
9 O oe hoi, e Iehova, Tei Teitei Roa ˈˈe i nia i te fenua taatoa.
Mea atea roa oe i nia i te tahi atu mau atua.+
10 O oe o te here ra ia Iehova, a faufau i te mea ino.+
Te tiai nei oia i te ora o to ˈna feia taiva ore.+
Te faaora nei oia ia ratou i te rima o te feia ino.+
11 Ua fa mai te maramarama no te feia parau-tia+
E te oaoa no te feia aau tia.
12 Ia oaoa outou ia Iehova, e te feia parau-tia e,
E a haamaitai i to ˈna iˈoa moˈa.