Salamo

34 E arue au ia Iehova i te mau taime atoa.

Ei nia noa i to ˈu vaha te arueraa ia ˈna.

 2 E faahanahana vau ia Iehova.+

E faaroo te feia mǎrû a oaoa ˈtu ai.

 3 E faateitei anaˈe ia Iehova,+

E faateitei anaˈe tatou paatoa i to ˈna iˈoa.

 5 Ua anaana te hohoˈa mata o te feia o tei hiˈo ia ˈna.

Aita to ratou hohoˈa mata e uteute ra i te haama.

 7 Te puhapa ra te melahi a Iehova ati aˈe i te feia o te mǎtaˈu ra ia ˈna,+

E te faaora ra oia ia ratou.+

 8 A tamata e ia ite outou i te maitai o Iehova.+

E oaoa te taata o te imi ra i te haapuraa ia ˈna ra.

 9 A mǎtaˈu ia Iehova outou paatoa o tei moˈa,

Eita hoi tei mǎtaˈu ia ˈna e ere noa ˈˈe.+

10 Ua haapohehia te mau liona apî pautuutu maitai i te poia,

Eita râ te feia e imi ra ia Iehova e ere i te mea maitai.+

11 A haere mai, ta ˈu mau tamaiti, a faaroo mai ia ˈu.

E haapii au ia outou i te mǎtaˈu ia Iehova.+

12 O vai i rotopu ia outou mea au na ˈna i te ora,

Tei hinaaro e ite e rave rahi mahana oaoa?+

13 A tapea ïa i to arero ia ore ia parau i te mea ino,+

E to vaha i te parau haavare.+

14 A fariu ê mai i te mea ino e a rave i te mea maitai.+

A imi i te hau e a tapi i te reira.+

15 Tei nia iho te mata o Iehova i te feia parau-tia,+

E te faaroo ra to ˈna tariˈa i ta ratou taparuraa i te tauturu.+

16 Te patoi nei râ Iehova i te feia e rave ra i te mea ino,

No te faaore roa i to ratou parau i nia i te fenua nei.+

17 Ua tuô ratou, e ua faaroo Iehova.+

Ua faaora oia ia ratou i to ratou mau tupuraa ahoaho atoa.+

18 Tei pihai iho Iehova i te feia o te mauiui ra,+

Te faaora nei oia i te feia aau oto.*+

19 Mea rahi te ati o te taata parau-tia,+

Te faaora nei râ Iehova ia ˈna i taua mau ati atoa ra.+

20 Te tiai nei oia i to ˈna mau ivi atoa.

Aita hoê i ofatihia.+

21 E pohe te feia ino i te ati.

E faahapahia te feia mea hae na ratou i te taata parau-tia.

22 Te hoo mai ra Iehova i te ora o ta ˈna mau tavini.

Eita te feia e imi ra i te haapuraa ia ˈna ra e faahapahia.+