A HAAMATA I TE HOÊ APARAURAA
HAAPIIRAA 1
To vetahi ê maitai
Faaueraa tumu: “Eita te here . . . e imi i to ˈna iho maitai.”—Kor. 1, 13:4, 5.
Eaha ta Iesu i rave?
1. A hiˈo i te VIDEO aore ra a taio i te Ioane 4:6-9. E a aparau i teie mau uiraa:
Eaha ta Iesu i hiˈopoa hou a haamata ˈi i te hoê aparauraa i te vahine?
Ua parau Iesu: “Horoa mai na maa pape ia inu vau.” No te aha e ravea maitai tera no te haamata i te aparauraa?
Eaha te haapii mai i to Iesu hiˈoraa?
2. E anaanatae te aparauraa ia faahiti tatou i te hoê ohipa ta te taata e rave ra.
A pee i to Iesu hiˈoraa
3. A faaau ohie. Eiaha oe e faahepo i te hoê tumu parau tamau-aau-hia. E faaohipa râ oe i te mau tumu parau e faaroo-pinepine-hia e vetahi ê. A ui ia oe iho:
‘Eaha te mau parau apî?’
‘Eaha te aparauraa a to ˈu mau taata tapiri, hoa ohipa aore ra hoa haapiiraa?’
4. A hiˈopoa. A ui ia oe iho:
‘Eaha ta te taata e rave ra? Eaha ta ˈna e manaˈo ra?’
‘Eaha ta te faaahuraa, te huru rapaeau aore ra te fare o te hoê taata e faaite ra no nia i ta ˈna tiaturiraa e peu tumu?’
‘Teie anei te taime tano no te paraparau i te taata?’
5. A faaroo.
Eiaha e paraparau rahi roa.
Faaitoito i te tahi taata ia faaite i to ˈna manaˈo. Mai te peu e nehenehe, a tuu atu i te tahi mau uiraa.