VAIRAA PAPAI NATIRARA Watchtower
Watchtower
VAIRAA PAPAI NATIRARA
Tahiti
ǎ,ě,ǐ,ǒ,ǔ,ˈ
  • ǎ
  • ě
  • ǐ
  • ǒ
  • ǔ
  • ˈ
  • BIBILIA
  • PAPAI
  • PUTUPUTURAA
  • km 2/98 api 1
  • Te mau Ite no Iehova: e feia haapii evanelia mau

Aita e video no teie tuhaa.

Eiaha e inoino, te vai ra te tahi fifi e te video.

  • Te mau Ite no Iehova: e feia haapii evanelia mau
  • Ta tatou taviniraa i te Basileia 1998
  • Papai tei tuea
  • “E rave i te ohipa a te hoê poro evanelia”
    Te Pare Tiairaa e faaite ra i te Basileia o Iehova 2004
  • E tia i te mau Kerisetiano mau atoa ia riro ei feia poro evanelia
    Te Pare Tiairaa te faaite ra i te Basileia o Iehova 1992
  • E mau poro evanelia te mau Kerisetiano mau atoa
    Te Pare Tiairaa e faaite ra i te Basileia o Iehova 2002
  • Ei taata haapii evanelia outou
    Te Pare Tiairaa e faaite ra i te Basileia o Iehova—2013
Ite hau atu â
Ta tatou taviniraa i te Basileia 1998
km 2/98 api 1

Te mau Ite no Iehova: e feia haapii evanelia mau

1 Ua horoa o Iesu Mesia i ta ˈna mau pǐpǐ atoa i te hopoia no te haapii i te evanelia, ma te faaue ru atu ia poro i te parau apî maitai o te Basileia. (Mat. 24:14; Ohi. 10:42) No reira, ua horoa ta ˈna mau pǐpǐ matamua i te hiˈoraa na roto i te parauraa ma te tuutuu ore no nia i te Basileia, eiaha noa i roto i te mau vahi haamoriraa, i te mau vahi atoa râ i reira ratou e farerei ai i te mau taata, i te vahi taata e i tera e tera fare. (Ohi. 5:42; 20:20) I teie mahana, tatou te mau Ite no Iehova, te faaite nei tatou e e feia haapii evanelia mau tatou na roto i te pororaa i te poroi o te Basileia i roto e 232 fenua e na roto i te numera o te mau bapetizoraa tei naeahia hau atu i te hoê mirioni pǐpǐ apî i te roaraa e toru noa matahiti! No te aha ta tatou ohipa haapii evanelia e manuïa rahi ai?

2 Te anaanatae rahi nei tatou i te parau apî maitai: E feia poro te feia haapii evanelia, aore ra e mau vea ratou, no te parau apî maitai. No reira, e hopoia faahiahia roa ta tatou no te faaite i te Basileia o Iehova, tera anaˈe te parau apî maitai mau e nehenehe e pûpûhia i te hoê huitaata e oto ra. Te oaoa rahi nei tatou i te ite-atea-raa e e faaohipa te mau raˈi apî i te hoê faatereraa tia i nia i te hoê fenua apî o te mau taata haapao maitai i roto i te Paradaiso i mua nei. (Pet. 2, 3:13, 17) O tatou anaˈe te atuatu ra i taua tiaturiraa ra e te hinaaro rahi nei tatou e faaite i te reira ia vetahi ê.

3 E turai te here mau ia tatou ia ohipa: E ohipa faaora te haapiiraa i te evanelia. (Roma 1:16) No reira e ite ai tatou i te hoê oaoa rahi i te puhararaa i te poroi o te Basileia. Na roto i to tatou tiaraa haapii evanelia mau, te here nei tatou i to tatou taata-tupu, na te reira e turai ia tatou ia faaite i te parau apî maitai i to tatou fetii, i to tatou feia tapiri, i to tatou mau hoa e i te rahiraa o te taata mai te peu e e nehenehe. Ua riro te raveraa i teie ohipa ma to tatou nephe atoa ei hoê o te mau ravea nehenehe roa ˈˈe no te faaite i to tatou here mau i to tatou taata-tupu.—Tes. 1, 2:8.

4 Te tauturu ra te varua moˈa o te Atua ia tatou: Te haapapu maira te Parau a te Atua e ia tanu anaˈe tatou e ia pîpî anaˈe i te huero o te Basileia, na Iehova e “faatupu.” O te ohipa mau ïa e tupu nei i roto i te faanahonahoraa i teie mahana. (Kor. 1, 3:5-7) Na te varua o te Atua e turu nei ia tatou i roto i ta tatou mau ohipa haapiiraa evanelia e e roaa mai ai te mau faahopearaa maitai roa.—Ioe. 2:28, 29.

5 Ma te tapea i roto i te feruriraa i te faaitoitoraa i horoahia i roto i te Timoteo 2, 4:5 ia “rave i te ohipa a te haapii evanelia” e ma te faatupu i te here no to tatou taata-tupu, ia hinaaro tatou e faaite i te parau apî maitai faahiahia o te Basileia i te mau taime atoa e tia ˈi, ma te tiaturi e e tamau noa Iehova i te haamaitai i ta tatou ohipa!

    Papai reo Tahiti (1985-2025)
    Haere i rapae
    Haere i nia
    • Tahiti
    • Hapono
    • Ta oe e hinaaro
    • Copyright © 2025 Watch Tower Bible and Tract Society of Pennsylvania
    • Parau no te faaohiparaa
    • Eita e puharahia
    • Maiti eaha te ore e puhara
    • JW.ORG
    • Haere i nia
    Hapono