A HAAMATA I TE HOÊ APARAURAA
HAAPIIRAA 2
Te parau au noa
Faaueraa tumu: “Te hoê parau e faahitihia i te taime tano, auê te au e!”—Mas. 15:23.
Eaha ta Philipa i rave?
1. A hiˈo i te VIDEO aore ra a taio i te Ohipa 8:30, 31. E a aparau i teie mau uiraa:
Mea nafea Philipa i te haamataraa i ta ˈna aparauraa?
No te aha mea au ia na reira e ia faaite i te hoê haapiiraa apî i te taata?
Eaha te haapii mai i to Philipa hiˈoraa?
2. Mai te peu mea au te aparauraa, e anaanatae atoa mai te taata i te faaroo i ta tatou poroi.
A pee i to Philipa hiˈoraa
3. A hiˈopoa. E nehenehe te hohoˈa mata, te apǎraa rima e faaite mai i te huru o te hoê taata. E hinaaro anei ra teie taata e paraparau ia oe? E nehenehe oe e haamata i te aparauraa Bibilia mai teie: “Ua ite anei oe e . . . ?” Eiaha e mârô mai te peu aita te taata e hinaaro e paraparau.
4. A faaoromai. Eiaha e faaô oioi i te manaˈo Bibilia, a tiai râ i te taime tano. I te tahi mau taime, e tiai roa oe i to muri mai farereiraa.
5. A faaau ohie. E nehenehe te taata e paraparau mai no nia i te hoê ohipa aita oe i manaˈo. Ia taui noa ˈtu te aparauraa Bibilia, ia ineine ïa oe i te faaite atu i te hoê manaˈo faufaa no teie taata, noa ˈtu e ere tera ta oe i manaˈo i te omuaraa.