2 Тимофейге

4 Чагыргазынга хааннай бергеш, өлүг база дириг улусту шиидер Иисус Христостуң болгаш Бурганның мурнунга сеңээ айыткап тур мен: 2 Бурганның сөзүн таарымчалыг-даа, таарымчалыг эвес-даа үеде улуска чүткүлдүг суртаалдап, чазыгларын чугаалап, кичээндирип, бүзүрет. Ынчан шыдамыккай болуп, өөредир арга-мергежилди ажыгла. 3 Улус шынныг өөредигден хая көрнүр, күзелдериниң аайы-биле, чүгле дыңнаксаан чүүлүн чугаалаар башкыларны дилээр үе чедип кээр болгай. 5 А сен бүгү чүүлге бодамчалыг бол, бергелерни туруштуг эртип, өөрүшкүлүг медээни суртаалда, бараалгалыңны долузу-биле күүсет.