Бодамчалыг чорууңар билдингир боор ужурлуг дээн. Бодуңардан: «Улус мени бодамчалыг, чайлап бээринге белен, чымчак деп билир бе? Азы дедир, кадыг кылдыр көрүп турар бе? Азы өске улусту дыңнап, оларның үзел-бодалын херек үеде хүлээп турар мен бе?» — деп айтырыңар. Бодамчалыг чорукту илереткен тудум, Иегова биле Иисуска оон-даа дөмей апаар бис. Бодамчалыг болуру дээрге-ле байдалдар өскерлирге аңаа чаңчыгып билири-дир. Ындыг өскерлиишкиннер үезинде аңгы-аңгы бергелер тыптып кээр. Чижээ, аарый берип болур бис. Экономиктиг болгаш политиктиг өскерлиишкиннер чуртталгавысты хенертен шуут өскертип болур (Эккл. 9:11). Организацияда томуйлаашкынывыс безин өскерли бээрге, биске ол шенелде апарып болур. Чаа байдалдарга белеткениринге дөрт базым дузалаар: 1) байдалды шын көөрү, 2) бурунгаар көөрү, 3) шын, эки хөөннүг боору, 4) өскелерге дузалажыры. w23.07 ар. 21—22, абз. 7, 8

Даниил көңгүс элээди турда, ону төрээн хоорайындан ыраккы Вавилонче кулданыгже апарган. Аңаа Даниилди «ызыгууртан уктуг, четпес-дудуу эвес, арын-шырайы чараш» деп улус дораан эскерип каан. Ынчангаш вавилончулар Даниилди хаанның ордузунга бедик дужаалга ажылдаарынга белеткеп эгелээн (Дан. 1:3—4, 6; 1 Хаан. 16:7). Иегова Даниилге Бурганны кызып өөртүп чорууру дээш ынак турган. Бодап көрүңер даан: Даниил чаа-ла чээрби хар ажып чорда, Иегова ону он-он чылдар ишти шынчы бараалгап келген Ной, Иов-биле кады деңге адаан (Э. д. 5:32; 6:9, 10; Иов 42:16, 17; Иез. 14:14). Иегова Даниилге хөй болуушкуннар-биле долган чуртталгазының дургузунда ынак чораан (Дан. 10:11, 19). w23.08 ар. 2, абз. 1, 2

Бажың садып алырда, бодуңар баргаш, иштин-даштын долгандыр шуптузун шинчилээр чадавас силер. Библияны база шак ынчаар номчуп, өөренип болур бис. Анаа дүрген номчуп кааптар болзуңарза, Бурганның Сөзүнүң чүгле «эге билиглерин» билип аар силер (Евр. 5:12). Ынчангаш бажың садарда ышкаш, «иштинче» киргеш, аңгы-аңгы талаларын шинчилээр болза эки. Библияны шинчилээр эки арга дээрге ооң аңгы-аңгы кезектериниң канчаар харылзажып турарын өөренип көөрү. Чүү чүвеге бүзүрээринден аңгыда, аңаа бүзүрээр кандыг чылдагааннар барын билип аарын кызыдыңар. Библияны эки билип алыр дизе, ону ханы шинчилээр болзувусса эки. Павел элчин акы-угбаларны Бурганның Сөзүнүң «кайы хире өй-хемчээл, кызыгаар чогун угааптар» кылдыр шинчилээринче кыйгырган. Ынчан оларның бүзүрели ханы дазылданыр, таваа быжыг болур (Эф. 3:14—19). Биске база шак ынчаар кылыры чугула. w23.10 ар. 18, абз. 1—3