Иаков
7 Ха-дуңма, Дээргиниң ээп кээр хүнүнге чедир шыдажып көрүңер. Тараачын кижи черниң дүжүт бээр үезин кайы хире манаарын көрүңер даан. Ол күскү болгаш часкы чаъстар чаарын шыдамык манап кээр. 8 Силер база шыдамыыңар көргүзүңер. Туруштуг болуңар, чүге дээрге Дээргиниң чедип кээр хүнү мыя бо келген-дир. 11 Туруштуг шыдашкан улусту аас-кежиктиг деп санаар бис. Иовтуң туруштуу дээш, Иегова эгээртинмес энерелин болгаш эргелиг ынакшылын көргүзүп, ону канчаар йөрээгенин дыңнаан силер. 14 Кайы-бирээңер аараан бе? Хуралдың удуртукчуларын кыйгыртып алзын, ол кижиниң бажын Иегованың адындан үс-биле чаггаш, олар мөргүүр. 15 Бүзүрел-биле мөргүүрге, аарыг кижини экирткеш, Иегова ону тургузуптар. А бачыт үүлгеткен болза, Бурган ону өршээр.