Хосталыышкын
6 Иегова ооң мурну-биле эрткеш, мынча деп чарлаан: «Иегова, Иегова энерелдиг, кээргээчел, шыдамыккай, бүзүрелдиг болгаш бердинген ынакшыл-биле долган Бурган». 7 Ол бердинген ынакшылын муң-муң салгал чедир көргүзүп турар, кем-херекти, бачытты өршээр, ынчалза-даа буруулугларны кеземче чок арттырбас; адаларның бачыды дээш, оолдарын үшкү, дөрткү салгал чедир кезедир.