КИЧЭЭЛ 33
Бурганның Чагыргазының сорулгалары
Бурганның Чагыргазы башкарып эгелээн. Ол удавас чер кырынга чугула өскерлиишкиннер кылыр. Чамдыызын көрээлиңер.
1. Бурганның Чагыргазы черге тайбыңны, чөптүг чорукту канчаар тургузар?
Удавас Бурганның Чагыргазының хааны Иисус Армагеддон дайынынга каржы-бак кижилерни болгаш чазактарны узуткаар (Ажыдыышкын 16:14, 16). «Ам бичии болгаш, бузуттуг кижи чок апаар» — деп Бурганның аазаашкыны ынчан долузу-биле күүсеттинер (Ырлар 36:10). Чагырганың дузазы-биле Иисус бүгү чер кырынга тайбыңны, чөптүг чорукту тургузар. (Номчуптуңар: Исайя 11:4.)
2. Бурганның күзели күүсеттине бээрге, чуртталга кандыг болур?
Бурганның Чагыргазынга «чөптүг-шынныг улус чер-чуртту салгап алгаш, ону кезээ мөңгеде ээлеп чурттаар» (Ырлар 36:29). Иеговага болгаш бот-боттарынга ынак буянныг кижилер-биле долган делегейни сагыштаалап көрүңер даан! Кым-даа аарывас боор, чуртталга төнчү чок уламчылаар.
3. Каржы улус узуткаттынган соонда, Бурганның Чагыргазы чүнү кылыр?
Иисус каржы-бак кижилерни узуткаан соонда, муң чыл ишти хааннаар. Ол үе дургузунда Иисус 144 000 дузалакчылары-биле кижилерге бачыттан адырлып, тергиин апаарынга дузалаар. Ол үениң төнчүзүнде чер кайгамчык дываажаң апаар. Кижилер Иегованың хоойлуларынга чагыртып чурттааш, аас-кежиктиг болур. Ынчан Иисус эрге-чагыргазын Адазы Иеговага катап хүлээдир. Иегованың ады кажангызындан артык алдаржыыр! (Матфей 6:9, 10). Иегова — эң эки Чагырыкчы, Ол чаяалгалары дээш сагыш човап турар деп, бо бүгү бадыткаар. Ооң соонда Иегова Эрликти, буктарны база оларның талазында бүгү улусту узуткаар (Ажыдыышкын 20:7—10). Бурганның Чагыргазы чурттаарынга таарымчалыг эң эки байдалды мөңгеде тургузар!
ХАНЫ ШИНЧИЛЕҢЕР
Бурган Чагыргазының дузазы-биле аазаашкыннарын шуптузун күүседиптер деп бадыткалдарны көрүңер.
4. Бурганның Чагыргазы кижи чагыргаларын узуткаар
«Кижи кижини чагырып, аңаа хора чедирип чоруур» (Экклесиаст 8:9). Ынчангаш Иегова Чагыргазы-биле шынны катап тургузар.
Даниил 2:44 биле 2 Фессалоникчилерге 1:6—8-ти номчааш, харыылаптыңар:
Кижи чагыргаларын база оларны деткип турар улусту чүү манап турар?
Иегова биле Иисус чөптүү-биле хөделир деп силерни чүү бүзүредип турар?
5. Иисус — эң-не эки чагырыкчы
Бурганның Чагыргазының хааны Иисус албатыларының эрге-ажыын бодап хөделир. Бо ВИДЕОДАН Иисус кижилерге дузалаар улуг күзелдиг база ол ону кылып шыдаар деп билип алыр силер.
Иисустуң черге кылып чораан хуулгаазыннары Бурганның Чагыргазының хааны апаргаш, ооң боттандырар ажыл-херээн көргүскен. Адаанда бижээн йөрээлдерниң кайызын эң манап турар силер? Айыткан шүлүктерни шуптузун номчуптуңар.
ИИСУС ЧЕР КЫРЫНГА: |
ИИСУС ДЭЭРДЕН: |
|---|---|
|
|
|
|
|
|
|
|
6. Бурганның Чагыргазы аас-кежиктиг чуртталганы хайырлаар
Бурганның Чагыргазы кижилерге хамаарыштыр Иегованың күзел-соруун боттандырар. Олар дываажаңга мөңге чурттаар. Иисусту таварыштыр Иегова шупту аазаашкыннарын канчаар күүседиптерин ВИДЕОДАН көрүңер.
Ырлар 144:16-ны номчааш, харыылаптыңар:
Иегова «амылыгларның күзээн чүвезин» хандырар деп аазаашкын силерге кандыг минниишкиннер оттурар-дыр?
ЧАМДЫК УЛУС МЫНЧА ДЕП БОЛУР: «Кижилер демнежип алыр болза, делегейде шупту бергелерни шиитпирлептер».
Кандыг бергелерни кижи чагыргалары кажан-даа шиитпирлеп шыдавас? Чүге ону чүгле Бурганның Чагыргазы кылып шыдаар?
КОЛ БОДАЛ
Бурганның Чагыргазы сорулгазын күүседир. Ынчан бүгү чер-делегей дываажаң апаар. Аңаа чүгле Иеговага мөңгеде бараалгаар эки кижилер чурттаар.
Катаптаашкын
Бурганның Чагыргазы Иегованың адын канчаар алдаржыдар?
Бурганның Чагыргазы Библияда аазаашкыннарны шуптузун күүседиптер деп кандыг бадыткалдар бар?
Кандыг аазаашкынның күүсеттинерин эң манап турар силер?
НЕМЕЛДЕ
Армагеддон дугайында номчуп көрүңер.
Иисустуң «коргунчуг хилинчек» деп адаан үеде чүү болур? (Матфей 24:21).
«Коргунчуг хилинчек дээрге чүл ол?» (веб-статья)
Улуг-даа, бичии-даа улус боттарын дываажаңда кылдыр канчаар сагыштаалап болурун көрүңер.
Политиктиг херектен кижи Библия номчуп эгелээш, канчаар өскерилгенин номчуп көрүңер.
«Алыс шын чуртталганы өскертир» («Таңныыл суургазы» январь 1, 2012 чыл)