Кижиниң чуртталгазы «кыска, качыгдал-биле пөккен» деп, Библия шынныы-биле чугаалаан (Иов 14:1). Ындыг чуртталганы Бурган күзээн бе? Ооң күзел-бодалы кандыгыл? Бурганның күзели бүдер бе? Ийе, идегел бар.

1. Иегова биске кандыг чуртталганы күзеп турар?

Иегова биске эң-не дээре чуртталганы күзеп турар. Адам биле Еваны чараш Эдем садынга чурттадып кааш, Бурган йөрээген: «Өзүп-көвүдеңер, черниң кырын ээлеңер» (Эге дөс 1:28). Ажы-төлдүг болурун, бүгү черни сесерлик кылдыр хуулдурарын база дириг амытаннар дээш сагыш човаарын оларга Иегова дааскан. Шупту кижилерге долузу-биле кадык болгаш мөңге чуртталганы Ол күзээн.

Бөгүнгү чуртталга көңгүс өске, ынчалза-даа Бурган сорулгазындан ойталаваан (Исайя 46:10, 11)a. Дыңнангыр кижилер эң-не дээре байдалга мөңгеде чурттазын дээн Бурганның күзели ам-даа өскерилбээн. (Номчуптуңар: Ажыдыышкын 21:3, 4.)

2. Чуртталганың ужур-утказы чүдел?

Бурган бисти Ооң-биле харылзаа тудар хереглелдиг кылдыр чаяаган. (Номчуптуңар: Матфей 5:3—6.) Ооң чоок өңнүктери апарып, ынакшылдыг, бүгү сеткиливистен бараалгаарывысты Иегова күзеп турар (Ыдыктыг хоойлуну катаптааны 10:12; Ырлар 24:14). Бергелер бар-даа болза, чүгле ынчаар ёзулуг аас-кежиктиг болур бис. Иеговага чүдүүрү чуртталгавысты алыс шын утка-биле долдурар.

3. Иегованың кижилерге күзел-бодалы дыка солун

ВИДЕОНУ көргеш, харыылаптыңар:

ВИДЕО: «Бурган черни чүү дээш чаяаганыл?» (үзүндү) (1:41)

• Бурган онзагай бөмбүрзээвисти чүге чаяап каан?

Экклесиаст 3:11-ни номчааш, харыылаптыңар:

• Бо шүлүктен Иегованың дугайында чүнү билип алдыңар?

4. Иегованың күзел-бодалы өскерилбээн

Ырлар 36:11, 29 биле Исайя 55:11-ни номчааш, харыылаптыңар:

• Иегова биске хамаарышкан сорулгазын өскертпээнин кайыын билир бис?

5. Иеговага чүдүүрү чуртталгавысты ёзулуг ужур-уткалыг болдурар

ВИДЕО: «Чуртталганың утказын билип каан мен» (5:03)

• Чуртталганың ужур-утказын билип алганы Терумиге кандыг дээштиг болган?

Экклесиаст 12:13-тү номчааш, харыылаптыңар:

• Иегованың кылган бүгү чүүлү дээш, четтиргенивисти канчаар илередип болур бис?

КОЛ БОДАЛ

Бисти черге мөңгеде, эң-не эки байдалга чурттаарын Иегова күзеп турар. Аңаа чүрээвистиң ханызындан чүдүүр болзувусса, чуртталгавыс амдан эгелеп ужур-уткалыг болур.

Катаптаашкын

• Иегова Адам биле Евага кандыг чуртталганы күзээн?

• Бурган кижилерге хамаарыштыр күзел-бодалын өскертпээнин кайыын билир бис?

• Чуртталгаңарга ужур-утканы канчаар киирип болур силер?

НЕМЕЛДЕ

Эдем сады шынап турган деп бадыткалдарны көрүңер.

«Эдем сады. Тоол бе?» («Таңныыл суургазы» январь 1, 2011 чыл)

Чер кезээ-мөңгеде чаяаттынган деп бадыткалдарны көрүңер.

«Чер узуткаттынар бе?» (веб-статья)

«Чуртталганың ужур-утказы чүдел?» деп айтырыгга Библияның харыызын номчуңар.

«Чуртталганың ужур-утказы чүдел?» (веб-статья)

Шупту чүвези бар кижиниң чуртталгазында чүү четпейн турганын билип каанын көрүңер.

«Ам мээң чуртталгам ужур-уткалыг» (3:55)

2. Иисус-биле кады кым башкарып турар?

Иисус-биле кады «янзы-бүрү дылдарлыг аймак, чон, сөөк-язы бүрүзүнден улус» черни башкарар (Ажыдыышкын 5:9, 10). Оларның саны чежел? Иисустуң үезинден бээр миллион-миллион кижилер христианнар апарган. Ооң-биле кады чүгле 144 000 кижи дээрден чагырар. (Номчуптуңар: Ажыдыышкын 14:1—4.) Арткан христианнар Бурганның Чагыргазының албатылары бооп, чер кырынга чурттаар (Ырлар 36:29).

Бурганның Чагыргазы башкарып эгелээн. Ол удавас чер кырынга чугула өскерлиишкиннер кылыр. Чамдыызын көрээлиңер.

1. Бурганның Чагыргазы черге тайбыңны, чөптүг чорукту канчаар тургузар?

Удавас Бурганның Чагыргазының хааны Иисус Армагеддон дайынынга каржы-бак кижилерни болгаш чазактарны узуткаар (Ажыдыышкын 16:14, 16). «Ам бичии болгаш, бузуттуг кижи чок апаар» — деп Бурганның аазаашкыны ынчан долузу-биле күүсеттинер (Ырлар 36:10). Чагырганың дузазы-биле Иисус бүгү чер кырынга тайбыңны, чөптүг чорукту тургузар. (Номчуптуңар: Исайя 11:4.)

2. Бурганның күзели күүсеттине бээрге, чуртталга кандыг болур?

Бурганның Чагыргазынга «чөптүг-шынныг улус чер-чуртту салгап алгаш, ону кезээ мөңгеде ээлеп чурттаар» (Ырлар 36:29). Иеговага болгаш бот-боттарынга ынак буянныг кижилер-биле долган делегейни сагыштаалап көрүңер даан! Кым-даа аарывас боор, чуртталга төнчү чок уламчылаар.

3. Каржы улус узуткаттынган соонда, Бурганның Чагыргазы чүнү кылыр?

Иисус каржы-бак кижилерни узуткаан соонда, муң чыл ишти хааннаар. Ол үе дургузунда Иисус 144 000 дузалакчылары-биле кижилерге бачыттан адырлып, тергиин апаарынга дузалаар. Ол үениң төнчүзүнде чер кайгамчык дываажаң апаар. Кижилер Иегованың хоойлуларынга чагыртып чурттааш, аас-кежиктиг болур. Ынчан Иисус эрге-чагыргазын Адазы Иеговага катап хүлээдир. Иегованың ады кажангызындан артык алдаржыыр! (Матфей 6:9, 10). Иегова — эң эки Чагырыкчы, Ол чаяалгалары дээш сагыш човап турар деп, бо бүгү бадыткаар. Ооң соонда Иегова Эрликти, буктарны база оларның талазында бүгү улусту узуткаар (Ажыдыышкын 20:7—10). Бурганның Чагыргазы чурттаарынга таарымчалыг эң эки байдалды мөңгеде тургузар!

ХАНЫ ШИНЧИЛЕҢЕР

4. Бурганның Чагыргазы кижи чагыргаларын узуткаар

«Кижи кижини чагырып, аңаа хора чедирип чоруур» (Экклесиаст 8:9). Ынчангаш Иегова Чагыргазы-биле шынны катап тургузар.

Даниил 2:44 биле 2 Фессалоникчилерге 1:6—8-ти номчааш, харыылаптыңар:

• Кижи чагыргаларын база оларны деткип турар улусту чүү манап турар?

• Иегова биле Иисус чөптүү-биле хөделир деп силерни чүү бүзүредип турар?

5. Иисус — эң-не эки чагырыкчы

Бурганның Чагыргазының хааны Иисус албатыларының эрге-ажыын бодап хөделир. Бо ВИДЕОДАН Иисус кижилерге дузалаар улуг күзелдиг база ол ону кылып шыдаар деп билип алыр силер.

ВИДЕО: «Бурганның Чагыргазы чүнү кылырын Иисус көргүскен» (1:13)

Иисустуң черге кылып чораан хуулгаазыннары Бурганның Чагыргазының хааны апаргаш, ооң боттандырар ажыл-херээн көргүскен. Адаанда бижээн йөрээлдерниң кайызын эң манап турар силер? Айыткан шүлүктерни шуптузун номчуптуңар.

6. Бурганның Чагыргазы аас-кежиктиг чуртталганы хайырлаар

ВИДЕО: «Мурнувуста кайгамчык келир үе!» (4:38)

Ырлар 144:16-ны номчааш, харыылаптыңар:

• Иегова «амылыгларның күзээн чүвезин» хандырар деп аазаашкын силерге кандыг минниишкиннер оттурар-дыр?

КОЛ БОДАЛ

Бурганның Чагыргазы сорулгазын күүседир. Ынчан бүгү чер-делегей дываажаң апаар. Аңаа чүгле Иеговага мөңгеде бараалгаар эки кижилер чурттаар.

Катаптаашкын

• Бурганның Чагыргазы Иегованың адын канчаар алдаржыдар?

• Бурганның Чагыргазы Библияда аазаашкыннарны шуптузун күүседиптер деп кандыг бадыткалдар бар?

• Кандыг аазаашкынның күүсеттинерин эң манап турар силер?

НЕМЕЛДЕ

Армагеддон дугайында номчуп көрүңер.

«Армагеддон дайыны деп чүл?» (веб-статья)

Иисустуң «коргунчуг хилинчек» деп адаан үеде чүү болур? (Матфей 24:21).

«Коргунчуг хилинчек дээрге чүл ол?» (веб-статья)

Улуг-даа, бичии-даа улус боттарын дываажаңда кылдыр канчаар сагыштаалап болурун көрүңер.

«Дываажаңга бодуңну сагыштаала» (1:50)

Политиктиг херектен кижи Библия номчуп эгелээш, канчаар өскерилгенин номчуп көрүңер.

«Алыс шын чуртталганы өскертир» («Таңныыл суургазы» январь 1, 2012 чыл)