1, 2. Иисусту орнукшуткан чевег-куйга келген херээжен улуска дээрниң төлээзи чүү дээнил? Иисус оларны чүнүң дугайында дилээн?

ДАҢ бажында, б. э. 33 чылдың нисан 16-да, каш качыгдаан херээжен улус ийи хүн бурунгаар Иисус Христосту орнукшуткан чевег-куйже бар чыдар. Олар чаагай чыттыг үстер болгаш чаар чүүлдер-биле ооң мага-бодун чаар дээш келгеннер. Чевег-куйда кым-даа чок боорга, олар кайы хире кайгаан деп! Дээрниң төлээзи Иисусту дирлип келген деп чугаалааш: «Ол... силерни мурнай Галилеяга чеде бээр. Ону аңаа көрүп каар силер» — дээн (Мф. 28:1—7; Лк. 23:56; 24:10).

⁴ Ооң шупту эдерикчилери суртаалдаар кылдыр, Иисус күзеп турар. Христос ол даалгазын чүгле 11 шынчы элчинге бербээн деп кайыын билир бис? Боданып көрээлиңер. Галилеяга ужуражылгага чүгле элчиннер турган бе? Дээрниң төлээзи херээжен улуска: «Ону аңаа [Галилеяга] көрүп каар силер» — дээн. Ынчап кээрге, ол херээжен улус демги ужуражылгага база турган. Оон аңгыда Иисус «беш чүс ажыг ха-дуңмага чаңгыс угда көзүлген» деп, Павел элчин бижээн (1 Кор. 15:6). Ол каяа көзүлген?