Чүге чуртталгавысты Бурганга бараалгадып, сугга суктурарыл?

Иеговага мөңгеде бараалгаар дээн кижи Ооң күзел-соруун чуртталгага кол кылдыр салып, чүгле Аңаа чүдүүрүн мөргүлге аазаар (Ырлар 39:9). Сугга суктурганыңар-биле чуртталгаңарны Бурганга бергениңерни өскелерге көргүзер силер. Иеговага чуртталгазын бараалгадыры — эң-не чугула шиитпир. Ол базымче кижини чүү оттурар?

1. Бурганга чуртталгазын бараалгадырынче кижини чүү оттурар?

Иеговага ынак болгаш чуртталгавысты Аңаа бараалгадырын күзээр бис (1 Иоанн 4:10, 19). Ыдыктыг Бижилгеде: Иегова Бурганыңга «бүгү-ле чүлдү-чүрээң-биле, бүгү-ле сеткил-сагыжың-биле, бүгү-ле угаан-сарыылың-биле, шыдаар-ла шааң-биле ынак бол» — дээн (Марк 12:30). Ынакшылды херектеривис-биле көргүзер бис. Чижээ, бот-боттарынга шынап ынак улус өгленирде бадыланчып алыр. Ол ышкаш, Иеговага ёзулуг ынак улус, чуртталгазын Аңаа бараалгадып, сугга суктурар.

2. Сугга суктурган бараалгакчыларынга Иегова чүнү белеткээн?

Сугга суктуруп алгаш, Иегованың улуг өг-бүлезиниң кезии апарып, Ооң ынакшылын тускайы-биле миннип, Аңаа оон-даа чоок боор силер. (Номчуптуңар: Малахия 3:16—18.) Дээрде Адаңардан аңгыда, силерге ынак бүгү делегейде акы-угбаларлыг апаар силер. (Номчуптуңар: Марк 10:29, 30.) Сугга суктурарынга эки белеткенип алырда, Бурганны билип ап, Аңаа ынак болуру чугула. Оон ыңай Иисуска бүзүрелди сайзырадып, Иеговага чуртталгазын бараалгадыр болза эки. Сугга суктурган соонда, мөңге чуртталганың оруунга туруп алыр силер. Сугга суктурары камгалал эккээрин Бижилгеде чугаалаан (1 Пётр 3:21).

ХАНЫ ШИНЧИЛЕҢЕР

3. Кымга бараалгаарыңарны шиитпирлеңер

Бурунгу Израильге чамдык улус, Иеговага-даа, меге Ваал бурганга-даа хары угда чүдүп болур деп бодап турган. Ынчалза-даа Иегова оларның кайы хире будалып турарын көргүзер дээш, медээчизи Илияны чоруткан. 3 Хааннар 18:21-ни номчааш, харыылаптыңар:

• Израильчилер кандыг шиитпир үндүрер ужурлуг турган?

Кымга чүдүүрүвүстү тодарадып алыры биске база чугула. Лука 16:13-тү номчааш, харыылаптыңар:

• Иеговага болгаш оон өске бурганнарга хары угда чүдүүрү чүге болдунмас?

• Иегованы шилип алганывысты, Аңаа канчаар көргүзүп болур бис?

4. Иегованың силерге кайы хире ынаан боданыңар

Иегова биске дыка хөй үнелиг белектер берген. А бис Бурганга чүнү берип болур бис? ВИДЕОНУ көрүңер.

ВИДЕО: «Бурганга бистиң белектеривис» (3:04)

Иегова силерге ынакшылын канчаар көргүскен? Ырлар 103:14, 15 биле 1 Иоанн 4:9, 10-ну номчааш, харыылаптыңар:

• Иеговага ылаңгыя чүү дээш өөрүп четтирер силер?

• Иегованың санап четпес белектерин бодап келгеш, чүнү миннир-дир силер?

Аянныг белек алгаш, четтиргенивисти илередиксээр бис. Ыдыктыг хоойлуну катаптааны 16:17-ни номчааш, харыылаптыңар:

• Иеговага четтиргениңерни канчаар көргүзүксээр силер?

5. Иеговага чуртталгаңарны бараалгаткаш, кажан-даа хараадавас силер

ВИДЕО: «Футбол чуртталгамга кол турган» (5:45)

• Футболга ынак турган кижи ону чүге каапкан?

• Акывыстың чуртталгазын футболга эвес, а Иеговага бараалгадыр деп шиитпири шын бе?

Христиан апаарының бетинде Павел элчин дыка эки ажылдыг турган. Иудей хоойлуну алдарлыг башкыдан өөренип алган-даа болза, шупту чүвезин каапкаш, Павел хараадаан бе? Филипчилерге 3:8-ти номчааш, харыылаптыңар:

• Павел ооң мурнунда чедиишкиннерин чүге херек чок деп санаан?

• Орнунга ол чүнү алган?

• Иеговага бараалгаары эки бе азы өске чүүлче чүткүүрү бе?

КОЛ БОДАЛ

Чуртталгавысты Иеговага бараалгадып, сугга суктурарынче ынакшыл оттурар.

Катаптаашкын

• Чүгле Иеговага бараалгаары чүге шын?

• Иегова сугга суктурган бараалгакчыларын канчаар шаңнап турар?

• Иеговага чуртталгаңарны бараалгадырын күзээр силер бе?

НЕМЕЛДЕ

Опера ыраажызы биле шылгараңгай спортсмен чүге Иеговага чуртталгазын бараалгаткан?

«Аныяктарның айтырыглары. Чуртталгада чүү эң чугула? Эрткен үени сактып...» (6:54)

Иеговага чуртталганы бараалгадыр оон ыңай кандыг чылдагааннар бар?

«Иеговага чуртталганы бараалгадыры чүге чугула?» («Таңныыл суургазы» январь 15, 2010 чыл)

Иеговага чуртталгазын бараалгаткан улустуң кайы хире өөрүшкүлүүн көрүңер даан.

«Чуртталгамны берип тур мен» (4:30)

«Чүү дээш чурттап чоруур бис?» деп боданып чораан херээжен кижиге чугула чүүлдерни өскертиринге чүү идиг болганын номчуңар.

«Алыс шын чуртталганы өскертир» («Таңныыл суургазы» ноябрь 1, 2012 чыл)