КИЧЭЭЛ 51
Чугаа-сөзүвүс-биле Иегованы канчаар өөртүп болур бис?
Иегова бисти дыл-домактыг кылдыр чаяаган. Ол белекти канчаар ажыглап турарывыс Аңаа дыка чугула. (Номчуптуңар: Иаков 1:26.) Ынчангаш чугааланыр аргавысты канчаар шын ажыглаар бис?
1. Чугаа-сөстү канчаар ажыглаар?
Ыдыктыг Бижилгеде: «Бот-боттарыңарны... аргалаңар база быжыглаңар» деп сүмелеп турар (1 Фессалоникчилерге 5:11). Чылыг-чымчак сөстерни кымга чугаалап болурун боданыңар. Ол кижиниң хөңнүн чазап, ылаңгыя кандыг эки талаларын үнелээриңерни чугаалаңар. Сорук киирер библейжи шүлүктер дыка хөй, кайы бирээзи-биле үлежип болур. Чүнү чугаалаарындан аңгыда, үнүвүстүң аяны чугула деп утпас болза эки. Кезээде эвилең-ээлдек, чылыг-чымчак кылдыр чугааланырын кызыңар (Чугаалар 15:1).
2. Кандыг чугаа-домактан ойталаары чугула?
Библияда мынча дээн: «Аксыңардан кандыг-даа бак сөс үнмезин». (Номчуптуңар: Эфесчилерге 4:29.) Ынчангаш чугаага үен-даян сөстер ажыглавас бис. Кадыг, хомуданчыг, хоранныг сөстерден ойталап, оон аңгыда хоп чугаа, нүгүл таратпас бис. (Номчуптуңар: Чугаалар 16:28.)
3. Чугаа-сөс-биле кижини канчаар сорук киирип болур?
Ишти-хөңнүвүс чугаавыстан көстүп турар (Лука 6:45). Угаанывысты, сеткил-чүрээвисти «чөптүг, арыг база ынакшылга болгаш макталга төлептиг» чүүлдер-биле долдурары чугула (Филипчилерге 4:8). Оюн-тоглаа, эш-өөр шилиирде бо сөстерни сактып, кичээнгейлиг болур бис (Чугаалар 13:20). Чугаалаар бетинде сөстеривис улуска кандыг салдарны чедирип болурун боданыр болза эки. Бижилгеде: «Хоозун чугаа хылыш ышкаш балыглап боор, а мерген угаанныг улустуң аас-сөзү — экиртир шынарлыг» — дээн (Чугаалар 12:18).
ХАНЫ ШИНЧИЛЕҢЕР
Чугаа-сөзүвүс Иеговага база өске улуска өөрүнчүг кылдыр чүнү канчаар болза эки?
4. Чугаа-сөзүңер дугайында боданыңар
Чамдыкта чугаалапкан сөстеривис дээш хараадай бээр бис (Иаков 3:2). Галатчыларга 5:22, 23-тү номчааш, харыылаптыңар:
Шын чугаа-домакка дузалаар кылдыр кайы шынар дээш мөргүп болур силер? Ол шынар канчаар дузалап болур?
1 Коринфичилерге 15:33-тү номчааш, харыылаптыңар:
Шилип алган оюн-тоглаа, эш-өөрүңер чугаа-домааңарга кандыг салдарны чедирип болур?
Чугаа-сөзүңерге чүү салдарлыг?
Экклесиаст 3:1, 7-ни номчааш, харыылаптыңар:
Кандыг байдалдарда ыыттавайн эрттирипкеш, эптиг үеде чугаалажып болур?
5. Өске кижилер дугайында эки кылдыр чугаалаңар
Улус дугайында багай чүве чугаалавазынга, сөс-биле хомудатпазынга чүү дузалаар? ВИДЕОНУ көргеш, айтырыгларга харыылаптыңар:
Чүге видеода акывыс кочуургак, хорадаачал болбас деп шиитпирлеп алганыл?
Акывыс чүнү канчалган?
Экклесиаст 7:16-ны номчааш, харыылаптыңар:
Улустуң багай талазын чугаалаар күзел тыптып келзе, чүнү сактыры чугула?
Экклесиаст 7:21, 22-ни номчааш, харыылаптыңар:
Силерниң дугайыңарда багай чүве чугаалаан болза, хомудавазынга бо шүлүктерден бодалдар канчаар дузалаар?
6. Чоок улузуңар-биле чылыг-чымчак болуңар
Чоок улузувус-биле чылыг-чымчак чугаалажырывысты Иегова күзээр. ВИДЕОНУ көргеш, айтырыгга харыылаптыңар:
Өг-бүлеңерге чылыг-чымчак чугаалажырынга силерге чүү дузалаар?
Эфесчилерге 4:31, 32-ни номчааш, харыылаптыңар:
Кандыг чугаа-сөс өг-бүлени быжыглаар?
Иегова оглунга ынакшылын ажыы-биле чугаалаан. Матфей 17:5-ти номчааш, харыылаптыңар:
Чугаа-сөске хамаарыштыр өг-бүлеге Иеговадан канчаар үлегер ап болур?
Өске улусту мактаар аргаларны дилеңер
ЧАМДЫК УЛУС МЫНЧА ДЕП БОЛУР: «Чүнү-даа чугаалаай-ла мен. Кымга кандыг деп?»
Ындыг бодал-биле чөпшээрежир силер бе? Тайылбырлаптыңар.
КОЛ БОДАЛ
Сөстерниң күжү улуг. Ынчангаш кажан, канчаар база чүнү чугаалаарын эки боданыры чугула.
Катаптаашкын
Сөс-биле кижини канчаар деткип, аргалап болур?
Кандыг сөс-чугаадан ойталаар силер?
Эки хөөннүг, чылыг-чымчак чугааланырынга чүү дузалаар?
НЕМЕЛДЕ
Эки хөөннүг чугааланырынга чүү дузалаар?
Чугаага бак сөстерден канчаар адырлып алыр?
Хоп чугааже кире бербес дээш, чүнү канчап болурун көрүңер.
Бир эр кижиге чугаазын арыглап алырынга Иегова канчаар дузалаанын номчуп көрүңер.
«Чүү дээш чурттап чоруурумну шыңгыы боданган мен» («Таңныыл суургазы» август 1, 2013 чыл)