КИЧЭЭЛ 45
Нейтралитетти канчаар сагыырыл?
Иисус өөреникчилеринге: «Бо делегейге хамаарышпас силер» — дээни-биле нейтралитетти сагыырын айыткан (Иоанн 15:19). Тодарадырга — политика болгаш дайын-чаага кайы-даа таланы эжелевес дээни ол. Ону сагыыры кезээде белен болбас, улус ол дээш биске хөңнү чок апарып, кыжырып болур. Нейтралитетти сагып, канчаар Бурганга долузу-биле бердинген болуп артарыл?
1. Күрүне чагыргазынга алыс шын христианнарның хамаарылгазы кандыгыл?
Христианнар эрге-чагырганы хүндүлээр. Иисустуң «императорга — императорнуу» деп сөстеринге дүүштүр чурттувуста хоойлу-дүрүмге чагыртып, чижээ, үндүрүглерни шынчы төлеп турар бис (Марк 12:17). Чер кырында кижилерниң эрге-чагыргаларын Бурган чөпшээрээн деп Библияда бижээн (Римчилерге 13:1). Ынчангаш эң-не дээди чагырга оларда эвес. Чер кырында бергелерни чүгле Бурганның Чагыргазы шиитпирлеп шыдаар деп бүзүреп турар бис.
2. Нейтралитетти канчаар илередип болурул?
Иегованың Херечилери политикаже киришпес. Кажан улус Иисустуң хуулгазыннар кылып турганын көргеш, хаан кылыр деп баарга, ол чөпшээрешпээн (Иоанн 6:15). Чүге? «Мээң Чагыргам бо делегейден эвес» — деп ол тайылбырлаан (Иоанн 18:36). Иисустуң өөреникчилери болганывыста, дайыннарга киришпес бис. (Номчуптуңар: Михей 4:3.) Оон аңгыда, күрүнениң тугун хүндүлээр-даа болзувусса, ону ыдыктыг деп санавас бис (1 Иоанн 5:21). Кандыг-бир партияны азы ооң кежигүнүн соңгувайн турарывыс-биле Иегованың Чагыргазынга долузу-биле бердингенивисти көргүзүп турар бис.
ХАНЫ ШИНЧИЛЕҢЕР
Нейтралитет сагыыр байдалдарда канчаар Иегованы өөртүрүн көрээлиңер.
3. Алыс шын христианнар нейтралитетти сагып турар
Бир дугаар христианнар биле Иисус биске үлегерни арттырган. Римчилерге 13:1, 5—7 биле 1 Пётр 2:13, 14-тү номчуптуңар. Оон ВИДЕОНУ көргеш, айтырыгларга харыылаптыңар:
Күрүнениң эрге-чагыргазын хүндүлээри чүге чугула?
Эрге-чагыргага канчаар дыңнангыр болурул?
Дайын үезинде чамдык чурттар нейтралитет чарлапкаш безин кайы-даа таланы деткиир боор. Ону ёзулуг нейтралитет деп болур бе? Иоанн 17:16-ны номчуптуңар. Оон ВИДЕОНУ көргеш, айтырыгга харыылаптыңар:
Христиан нейтралитет деп чүл?
Күрүнениң негелделери Бурганның хоойлузунга удур болза, канчаар алдынарыл? Ажыл-чорудулга 5:28, 29-ту номчуптуңар. Оон ВИДЕОНУ көргеш, айтырыгларга харыылаптыңар:
Күрүнениң кандыг-бир хоойлузу Бурганның хоойлузу-биле каржып турар болза, кымны дыңнаар бис?
Христиан кижи кандыг байдалдарда күрүнеге чагыртпас ужурлуг?
4. Угаан-бодалдың болгаш алдынарының нейтралитеди
1 Иоанн 5:21-ни номчуптуңар. Оон ВИДЕОНУ көргеш, айтырыгларга харыылаптыңар:
Айенге акывыс чүге патриотчу ёзулалдарга киришпес деп шиитпирлеп алган?
Чүү деп бодаар силер, ол шын кылган бе?
Кандыг байдалдарда нейтралитедивис шенеттинип болур? ВИДЕОНУ көргеш, айтырыгларга харыылаптыңар:
Аңгы-аңгы чурттар аразында спортчу маргылдаалар көрүп тургаш, нейтралитет сагыыры чүге чугула?
Политиктерниң шиитпирлери хууда биске салдарлыг апарганда, нейтралитетти канчаар сагыыр бис?
Массалыг информация база долгандыр турар улус нейтралитет сагыыр шиитпиривиске канчаар салдар чедирип болурул?
Кандыг байдалдарда угаан-бодалы, ажыл-херээ-биле нейтралитетти сагыырыл?
БИР КИЖИ МЫНЧААР АЙТЫРЫП БОЛУР: «Силер чүге тукту хүндүлевес база гимн ырлавас силер?»
Чүү деп харыылаар силер?
КОЛ БОДАЛ
Алыс шын христианнар ажыл-херээ, аксы-сөзү, угаан-бодалы-биле политикага киришпес.
Катаптаашкын
Күрүнеге кандыг харыысалгаларывыс бар?
Политикага хамаарыштыр чүге нейтралитет сагыыр бис?
Кандыг байдалдарда нейтралитет сагыыры берге болурул?
НЕМЕЛДЕ
Нейтралитет сагыыр дээш, чүден ойталап болур бис?
Өг-бүлелер нейтралитетке хамаарышкан шенелделерге баш удур канчаар белеткенип ап болур?
Чуртун камгалаарындан артык ыдыктыг хүлээлге бар бе?
«Бо делегейге хамаарышпас силер» деп дүрүмнү ажыл дилеп тургаш канчаар сагыыр?
«Кижи бүрүзү бодунуң үүрге-чүъгүн чүктээр» («Таңныыл суургазы» март 15, 2006 чыл)