1. Иисус дээрге кымыл?

Иисус — күчү-күштүг ангел. Ол Бурган-биле кады дээрде чурттап турар. Иисус — Иегова Бурганның бир дугаар чаяалгазы. Ынчангаш Библияда ону «бүгү чаяалгазының бажында эң улуг Оглу» — дээн (Колосчуларга 1:15). Иисусту оон ыңай Бурганның «эр чаңгыс Оглу» деп адаан, чүге дизе Бурган ону кымның-даа киржилгези чокка чаяаган (Иоанн 3:16). Арткан бүгү чүвени чаяарда, Иисус Иеговага дузалажып, кады ажылдажып чораан. (Номчуптуңар: Чугаалар 8:30.) Иисус биле Иегова аразында дыка чоок хамаарылгалыг. Ол Бурганны төлээлеп, Ооң Сөзүн болгаш айтыышкыннарын өске бараалгакчыларга дамчыдып турган (Иоанн 1:14).

Ада́м биле Ева Бургандан ойталаан, ооң хайындан кижилер аарып-аржып, өлүп-чидип турарa. Ынчалза-даа байдал баш муңгаш эвес. Иегова кижилерге бачыт биле өлүмден хосталыр арганы Иисусту таварыштыр берген. Ол бодунуң өлүмү-биле төлевирни төлээн. Төлевир дээрге кандыг-бир кижини хостап алыр өртек-тир. Иисустуң төлевири — ооң тергиин чуртталгазы. Черге чурттаар амы-тынын бергени-биле Иисус биске мөңге чурттаар арганы катап эгидер. Иисустуң өлүмү Иегова биле Оглунуң биске кайы хире ынаан көргүскен. Ооң кылган чүүлүн үнелээринге бо кичээл биске дузалаар (Номчуптуңар: Матфей 20:28.)

1. Иисустуң өлүмү амгы үеде биске кандыг салдарлыг?

Бачыттыг болгаш, бо-ла чазып, Иегованы хомудадыптар бис. Ынчалза-даа кылган чүүлүвүс дээш хараадап, Иисустуң ады-биле өршээл дилээр болзувусса, Бурганның өңнүктери бооп артар бис. Ынчангаш частырыгларны катаптавазы чугула (1 Иоанн 2:1). Библияда: «Христос, бистиң бачыттарывыс дээш... кем чок Боду, кем-буруулуг улустуң орнунга, силерни Бурганче эккээр дээш, хилинчек көрген» — дээн (1 Пётр 3:18).

2. Иисустуң өлүмү келир үеде чуртталгавыска кандыг салдарлыг?

Иегова Иисусту кижилер дээш амы-тынын бээр кылдыр черже чорудупкан. «Аңаа бүзүрээн кижи бүрүзү өлбезин, харын мөңге амыдыралдыг болзун дээш», Иисус тергиин чуртталгазын берген (Иоанн 3:16). Ооң ачызында Ада́мның үүлгеткен бачыдының хоразын Иегова удавас черден ап кааптар. Ынчангаш Иисустуң өргүлүнге бүзүрээр болзувусса, биске черге мөңге чурттаар арга ажыттынар! (Исайя 65:21—23).

ХАНЫ ШИНЧИЛЕҢЕР

3. Иисус бисти бачыттан болгаш өлүмден хостаан

ВИДЕО: «Иисус чүү дээш өлген?» (кезек 1) (2:01)

• Ада́м Бургандан хая көрнү бергеш, чүнү чидирип алган?

Римчилерге 5:12-ни номчааш, харыылаптыңар:

• Ада́мның бачыды чуртталгаңарга кандыг салдар чедирген?

Иоанн 3:16-ны номчааш, харыылаптыңар:

• Иегова Оглун чүге черже чоруткан?

1. А. Тергиин кижи, Ада́м, Бурганны дыңнаваанындан шупту кижилер бачыттың кулданыынче кире берген

2. Б. Иисустуң дыңнангырының ачызында, кижилерге черге мөңге чурттаар арга ажыттынган

4. Иисустуң өлүмү шупту кижилерге кандыг ачылыг?

ВИДЕО: «Иисус чүү дээш өлген?» (кезек 2) (2:00)

• Чаңгыс кижиниң өлүмү хөй кижилерни канчаар камгалаар?

1 Тимофейге 2:5, 6-ны номчааш, харыылаптыңар:

• Ада́м тергиин кижи турган. Ооң бачыды дээш, шупту кижилер өлүм биле бачытты салгап алган. Иисус база тергиин кижи турган. Ол дең өртек төлээн деп чүге чугаалап болур?

5. Иеговадан кижи бүрүзүнге белек

Иегованың өңнүктери төлевирни бодунга хуу белек дег көөр. Чижекти көрээлиңер. Галатчыларга 2:20-ни номчааш, харыылаптыңар:

• Павелдиң төлевирге хамаарылгазы кандыг турган?

Бачыт үүлгеткен соонда, Ада́м бүгү салгалы-биле өлүмге шииттирген. Ынчангаш Иегова Оглун черже чорудупкан. Бисти мөңге чурттаар аргалыг болзун дээш, Иисус амы-тынын берген.

Оглунуң хилинчектенип турарын көргеш, Иегова чүнү миннингенин боданып көрүңер. Иоанн 19:1—7, 16—18-ти номчааш, харыылаптыңар:

• Иегова биле Иисус силер дээш чүнү кылганын билип алгаш, чүнү миннир-дир силер?

КОЛ БОДАЛ

Иисустуң өлүмү бачыттарывысты өршээр үндезинни Иеговага берип турар. А биске мөңге чурттаар арганы ажыдар.

Катаптаашкын

• Иисус чүге өлген?

• Иисустуң амы-тыны төлевирге чүге таарымчалыг?

• Иисустуң өлүмү биске кандыг ачылыг?

НЕМЕЛДЕ

Иисустуң тергиин амы-тынын чүге төлевир дээрин номчуп көрүңер.

«Иисустуң өргүлү чүге хөй улусту хостаар?» (веб-статья)

Камгалалды алыр дизе, чүнү канчаарыл?

«Иисус кандыг уткалыг Камгалакчы?» (веб-статья)

Иегова аар бачыттарны өршээп болур бе?

«Айтырыгларга Библияның харыылары» («Таңныыл суургазы» май 1, 2013 чыл)

Төлевир бир эр кижиге аажы-чаңын өскертип алырынга канчаар дузалааныл?

«Каржы эвес апарган мен» (веб-статья)

1. Иегова биле Иисуска четтиргенивисти канчаар илередип болур бис?

Иисуска бүзүрээн кижи бүрүзү өлбейн, мөңге чурттаар аргалыг деп Библияда бижээн (Иоанн 3:16). Бүзүрел дээрге анаа-ла миннишкиннер эвес-тир. Ону ажыл-херектеривис, шиитпирлеривис-биле көргүзер бис (Иаков 2:17). Ынчаар бүзүреливисти көргүзер болзувусса, Иисус база ооң ачазы Иегова-биле найыралывыс быжыг болур. (Номчуптуңар: Иоанн 14:21.)