«Бурганның улузунга дуза кадар»

8:1—4; 9:7

Христиан бараалгал ийи талалыг. Бирээзи, «эптештирер даалга», азы суртаал ажылы болгаш өөреникчилер белеткээри. А өскези, «Бурганның улузунга», азы кады бүзүрээн ха-дуңмага, дуза кадары (2Кр 5:18—20; 8:4). Ынчангаш айыыл-халапка таварышкан акы-угбаларга дуза кадары — Бурганга бараалгалывыстың кезээ-дир. Бараалгалдың ол хевиринге киржип тургаш:

• Кады бүзүрээн ха-дуңманың хереглелдерин хандырып турар бис (2Кр 9:12а).

• Ха-дуңмавыска Бурганче чоокшулаарынга дузалаар чаңчыккан ажыл-херектеринче, оларның санында буянныг медээни суртаалдаарынче, эглип кээринге дузалап турар бис. Ынчалдыр олар Иеговага өөрүп четтиргенин илередип болур (2Кр 9:12б).

• Иегованы алдаржыдып турар бис (2Кр 9:13). Бистиң дуза кадып турарывыс шупту улуска, безин Иегованың Херечилеринге хамаарылгазы багай кижилерге, көскү.