КИЧЭЭЛ 49
Өг-бүлениң аас-кежии чүден хамааржыр? (кезек 1)
Өгленишкен аныяктар мөңгеде аас-кежиктиг болурун күзээр. Библейжи дүрүмнерни ажыглап турарының ачызында аас-кежиктиг чурттап чоруур христиан өг-бүлелер эвээш эвес.
1. Библия өгнүң эр ээзинге чүнү сүмелеп турар?
Иегова өг-бүлениң баштыңы кылдыр эр кижини шилээн. (Номчуптуңар: Эфесчилерге 5:23.) Эр кижи өг-бүлези дээш сагыш човаар ужурлуг. Ыдыктыг Бижилгеде эр улуска: «Кадайларыңарга ынак болуңар» — дээн (Эфесчилерге 5:25). Ынакшылдыг эр кижи кадайынга улус мурнунга-даа чылыг-чымчак хамаарылгалыг болур. Ашаа эжин айыылдан камгалап, ооң минниишкиннери дээш сагыш човап, херек бүгү чүүлү бар болзун дээш кызар (1 Тимофейге 5:8). А кол чүүл, Иегова-биле хамаарылгазын быжыглаарынга дузалаар (Матфей 4:4). Чижээ, олар кады мөргүп, Библияны номчуп болур. Ашаа кадайынга ынакшылды көргүзер болза, ол бодунуң Иегова-биле хамаарылгазын быжыглап ап турар. (Номчуптуңар: 1 Пётр 3:7.)
2. Библия өгнүң херээжен ээзинге чүнү сүмелеп турар?
Ыдыктыг Бижилгеде: «Кадайы ашаан хүндүлезин» — дээн (Эфесчилерге 5:33). Ол сүмени канчаар ажыглаар? Кадайы ашааның күштүг талаларын база өг-бүлезинге киирип турар үлүүн үнелээр боор. Ашааның чүдүлгези өске-даа болза, шиитпирлерин боттандырарынга дузалажып, ооң дугайында база ооң-биле эвилең-ээлдек чугаалажыр.
3. Ашак-кадай улус өг-бүлезин канчаар быжыглап болур?
Ыдыктыг Бижилгеде: «Олар ам ийи эвес, а чаңгыс мага-бот апаар» — дээн (Матфей 19:5). Ашак-кадай улус бот-боттарын ырадыптар чүүлдер-биле туржур болза эки. Ынчангаш үени кады эрттирип, ажыы-биле чугаалажып, минниишкиннери-биле үлежир болза эки. Оларга Иеговадан артык кым-даа, чүү-даа кол болбас ужурлуг. Өске кижи-биле чоок хамаарылга тутпас дээш, оваарымчалыг болуру чугула.
ХАНЫ ШИНЧИЛЕҢЕР
Өг-бүлеңерни кандыг библейжи дүрүмнер быжыглап болур?
4. Кадайыңга сагыш човангыр база ынак бол
Библияда: «Ашактар... бодунуң мага-бодунга дег, кадайларынга ынак боор ужурлуг» — деп чугаалаан (Эфесчилерге 5:28, 29). Ол сүмени канчаар ажыглаар? ВИДЕОНУ көргеш, айтырыгга харыылаптыңар.
Ашаа кадайынга ынакшылын, сагыш човап турарын канчаар көргүзүп болурул?
Колосчуларга 3:12-ни номчааш, харыылаптыңар:
Ашаа кадайынга бо шынарларны канчаар көргүзүп болурул?
5. Ашааңны хүндүлеп, аңаа ынак бол
Иеговага бараалгавайн-даа турар болза, ашаан хүндүлээрин Библия бижээн. 1 Пётр 3:1, 2-ни номчааш, харыылаптыңар:
Ашааңар Бурганга бараалгавайн турар болза, ол Иеговага ынак апарзын деп дыка күзээр болгай силер. Канчаар алдынып болур силер: аңаа үргүлчү суртаалдаар бе азы хүндүткелди көргүзер бе? Чүге ынча деп бодаар силер?
Колдуунда ашак-кадай улус шиитпирлерни кады хүлээр. Чамдыкта кадайы ашааның бодалы-биле чөпшээрешпейн баар. Ындыг таварылгада ол бодунуң бодалын хүндүткелдии-биле тайылбырлап берип болур. Ынчалза-даа сөөлгү шиитпирни Иегова ашаанга даасканын кадайы утпайн, ооң шиитпирин деткиир ужурлуг. Ынчалдыр ол өг-бүлезинге тайбыңны тургузуп алыр. 1 Пётр 3:3—5-ти номчааш, харыылаптыңар:
Кадайы ашаанга хүндүткелдиг болурга, Иегова чүнү миннип турар?
6. Өг-бүлелерде бергелерни шиитпирлеп болур
Тергиин өг-бүлелер чок. Ынчангаш ашак-кадай улус чаңгыс команда ышкаш хөделир болза эки. ВИДЕОНУ көргеш, айтырыгларга харыылаптыңар.
Ол ашак-кадай улустуң аразы ырап эгелээни чүден көскү?
Өг-бүлезин быжыктырар дээш, олар чүнү кылган?
1 Коринфичилерге 10:24 биле Колосчуларга 3:13-тү номчааш, айтырыгга харыылаптыңар:
Ол сүмени сагыыр болза, өг-бүле канчаар быжыгар?
Библияда бот-боттарынга эвилең-ээлдек, эжиниң үзел-бодалын, сагыш-сеткилин кичээнгейге ап, хүндүткелдиг болурун сүмелээн. Римчилерге 12:10-ну номчааш, харыылаптыңар:
Эжиңер силерге хүндүткелди бир дугаарында көргүзер ужурлуг бе? Чүге ынча деп бодаар-дыр силер?
ЧАМДЫК УЛУС МЫНЧА ДЕП БОЛУР: «Бистиң ынакшылывыс сооп калганын билип тур мен».
Чүү деп бодаар силер, оларга кандыг библейжи дүрүмнер дузалап болур?
КОЛ БОДАЛ
Ашак-кадай улус бот-боттарынга ынакшылды, хүндүткелди көргүзүп, библейжи дүрүмнерни ажыглаар болза, аас-кежиктиг болур.
Катаптаашкын
Өгнүң эр ээзи өг-бүлезиниң аас-кежии дээш, чүнү кылып болур?
Өөнүң ишти өг-бүлезиниң аас-кежии дээш, чүнү кылып болур?
Кандыг дүрүм өг-бүлеңерни быжыглап болур? (өг-бүлелиг улуска).
НЕМЕЛДЕ
Кижи бүрүзү өг-бүлениң аас-кежии дээш, чүнү кылып болурул?
Бурганның сүмелерин ажыглаарга, өг-бүле чуртталгазы кайы хире аас-кежиктиг апаарын бо хөгжүмнүг видеода көргүскен.
Ашаан чүге өг-бүлениң баштыңы дээрил, номчуп көрүңер.
«Херээжен кижи ашаанга чүге чагыртыр ужурлуг?» («Таңныыл суургазы» май 15, 2010 чыл)
Бир өг-бүле шыңгыы бергелерни, ооң санында чарлыышкынны, канчаар ажып эрткенил?
«Бурганның ачызында өг-бүлевисти катап тургузуп алган бис» (5:14)