3. а) Тимофей канчаар христиан апарган? Ооң билип ап турган чүүлдери олче кандыг салдар чедирип турган? б) Павел өөредилгениң кандыг үш талазынче Тимофейниң кичээнгейин углааныл?

³ Тимофей Иисус Христостуң дугайында б. э. 47 чылда, кажан Павел элчин Листрага бир дугаар кээп чорда, билип эгелээн чадавас. Тимофей ынчан чалыы оол турган хирезинде, билип алган билиглерин чуртталгазынга ажыглап турган. Ийи чыл эрткенде ол Павел-биле кады миссионер аян-чоруктарны кылып эгелээн. 16 хире чыл эрткенде Павел Тимофейге: «Өөренип алганың, бүзүрээниң чүүлден салдынма. Сээң башкыларың кымнар боорун билир сен, Ыдыктыг Бижилгелерни [Еврей Бижилгелерни] база чажыңдан-на билир сен. А Бижилгелер Христос Иисуска бүзүрээрин дамчыштыр кээр камгалалче аппаар мерген угаанны сеңээ берип шыдаар» деп бижээн (2 Тим. 3:14, 15). Мында Павелдиң: 1) Ыдыктыг Бижилгени билириниң, 2) быжыг бүзүрелдиң, 3) Иисус Христоска бүзүрээрин дамчыштыр кээр камгалалче аппаар мерген угаанның дугайында чугаалаанын эскерип көрүңер.

«БҮЗҮРЭЭНИҢ ЧҮҮЛДЕН САЛДЫНМА»

5. а) Кандыг-бир чүвеге ыяк бүзүрээри дээрге чүү дээни ол? б) Тимофей Иисустуң дугайында буянныг медээге быжыг бүзүреп турган деп, кайыын билир бис?

⁵ Ыдыктыг Бижилгелерни билир боору эргежок чугула. Ынчалза-даа Библияда кандыг кижилерниң болгаш болуушкуннарның дугайында тоожуп турарын анаа билири чедишпес. Тимофей бүзүрээн чүүлүнден салдынмайн турган. Бурунгу грек дылда «бүзүрээн» деп сөс бир-ле чүүлдүң алыс шынныынга ыяк бүзүрээрин илередип турар. Тимофей чажындан Еврей Бижилгелерни билир чораан. Соонда ол Иисус — Мессия-дыр деп чүүлдүң маргыш чок барымдааларын тып алган. Өскээр чугаалаарга, ооң билиглеринге быжыг бүзүрел немежип келген. Буянныг медээге Тимофейниң бүзүрелиниң күштүү ону сугга суктурарынче болгаш соонда Павел-биле кады миссионер бооп бараалгаарынче оттурган.

6. Библиядан билиглеринге быжыг бүзүрели тыптып кээр кылдыр, ада-иелер төлүнге канчаар дузалап болур?

⁶ Ажы-төлге, Тимофейниң ышкаш, быжыг бүзүрелди сайзырадырынга канчаар дузалап болур? Чүнү-даа мурнай, шыдамык болуңар. Быжыг бүзүрел хенертен тыптып келбес, ол ышкаш силерниң быжыг бүзүрелиңер ажы-төлүңерже ала чайгаар дамчып келбес. Төлүңерниң бүзүрелин быжыглаар дизиңерзе, ооң угаан-сарыылын ажылдадыры негеттинер. (Римчилерге 12:1 номчувут.) Ада-иелер, аңаа хамаарыштыр төлүңерге кымдан-даа артык чүгле силер дузалап болур силер! Оларның айтырыглар салып турар үезинде ону кылыры ылаңгыя чугула. Чижектен көрээлиңер.

7, 8. а) Бир акывыс уруун өөредип тургаш, шыдамык чорукту канчаар илередип турар? б) Ол шынарны илередири ылаңгыя кажан чугула деп бодаар силер?

⁷ Томас дээр акывыстың 11харлыг уруу өзүп орар. Ол: «Уруум чамдыкта: „Иегова бүгү дириг чүвени чаяарда эволюцияны ажыглап турган эвес бе?“ азы „Ниитилелдиң ажыл-херээнге киржиринде багай чүү бар деп, чижээ, соңгулдаларга киржиринде? Ынчаар делегейни экижидип болур болгай!“ деп айтырар. Чамдыкта дорт шыңгыы харыы бербес дээш туттунары чугула. Быжыг бүзүрел чаңгыс барымдааны билиринден тыптып келбес болгай. Ол хөй-хөй бичии барымдааларга үндезилеттинер» — деп үлешкен.

⁸ Ажы-төлдү өөредиринге шыдамык болуру чугула деп, Томас эки билир. Ол шынар шупту христианнарга херек (Кол. 3:12). Чамдык темаларны кезек болгаш-ла, катап сайгарары негеттинер. Уруунуң бүзүрелиниң быжыгарынга чедир үе херек, ол ышкаш Бижилгениң дузазы-биле ону угаашкынче оттуруп чугаалажыры чугула деп, ол билип турар. Томас: «Уруувус билип ап турар чүүлдеринге херек кырында бүзүреп, оларны чөптүг деп санап турарын билип алыр дээш, кадайым-биле чугула айтырыгларга тускай кичээнгейни салып турар бис. Ол айтырыглар салып турар болза, дыка эки, оон башка шупту чүве-биле анаа-ла чөпшээрежип туруп бээр болза, ол чүүл мени кичээндириптер ийик» — деп чугаалаан.

9. Ажы-төлдүң чүрээнге Бурганның Сөзүн шиңгээттирер дизе, чүнү канчаар?

⁹ Ада-иелер ажы-төлүн шыдамык өөреткен тудум, олар бичиилеп бүзүрелдиң «кайы хире өй-хемчээл, кызыгаар чогун» билип эгелээр (Эф. 3:18). Ажы-төлдүң харынга болгаш билиптер шаг-шинээнге дүгжүп турар айтырыгларны сайгарар болза эки. Оон олар чоорту үзел-бодалының алыс шынныынга быжыгып, өскелерниң мурнунга, оларның санында чаңгысклассчыларының мурнунга, бүзүрелин камгалап шыдаар апаар (1 Пет. 3:15). Чижээ, өлген соонда кижи-биле чүү болурун ажы-төлүңер Библия-биле тайылбырлап шыдаар бе? Олар ол тайылбыр-биле чөпшээрежип турар бе? Ынчап кээрге, ажы-төлдүң чүрээнге Бурганның Сөзүн шиңгээттирер дизе, шыдамык болуру чугула, а ооң түңнели хилис барбас! (Ы. х. к. 6:6, 7).

10. Ажы-төлдү өөредиринге оон ыңай чүү чугула?

¹⁰ Ада-иелер, ажы-төлүңерниң бүзүрелиниң быжыгарынга силерниң үлегериңер дыка чугула. Стефани дээр угбавыс үш кыстыг. Ол үлешкен: «Уругларым бичии турда-ла, бодумга мындыг айтырыгларны салып эгелээн мен: „Иегова херек кырында бар, Ол биске ынак, ол ышкаш Ооң оруктары шын деп чүүлге чүге бүзүреп турарымны ажы-төлүмге чугаалап турар мен бе? Иеговага ёзулуг ынаамны олар көрүп турар бе?“ Бодумнуң быжыг бүзүрелим чок болза, уругларымга ол ала чайгаар тыптып келбес».