Кады бүзүрээннер-биле аралажыры биске кайы хире ачы-дузалыгыл?

Кыштың соогу, чайның изии-даа дивейн, бис үргүлчү ужуражылгаларывысче кээп турар бис. Амыдыралдың бергелеринге торулбайн, могап-шылап-даа тургаш, кады бүзүрээннери-биле ужуражырынче хөй күштү үндүреринге Иегованың Херечилерин чүү оттуруп турарыл?

Ёзулуг дузаны ап турар бис. Павел элчин христиан ужуражылгаларже барып турар улуска: «Бот-боттарывыска сагыш-човангыр бооп... көрээлиңер» — деп бижээн (Еврейлерге 10:24). Ол дээрге бот-боттарывысты эки билип алыр ужурлуг бис дээни ол. Павелдиң сөстери ха-дуңманың дугайында сагыш човаарынче бисти деткип турар. Чыыш иштинде ха-дуңма-биле чоок таныжып алыр болзувусса, оларның чамдыызы бистиң-биле дөмей бергелерге таварышкаш, ону чедиишкинниг ажып эрткенин көрүп каар бис. Ол христианнарның арга-сүмези биске дузалаар.

Ёзулуг эш-өөрнү тып ап турар бис. Христиан ужуражылгаларже кээп турар улус — анаа-ла таныыр улузувус эвес, олар — бистиң чоок өңнүктеривис-тир. Бис чыыштан дашкаар бот-боттарывыс-биле аралажып, кады дыштанып турар бис. Ындыг аралажыышкынның ажык-дузазы кандыгыл? Бис бот-боттарывысты оон-даа артык үнелээрин өөренип, аравыста ынакшылывысты быжыктырып турар бис. А кажан кады бүзүрээннеривис бергелерге таваржырга, дуза кадарынга кезээде белен бис, чүге дизе аравыста быжыг найырал бар (Чугаалар 17:17). Чыыштың шупту кежигүннери-биле аралажып тургаш, бот-боттарывыс дээш сагыш човап турарывысты көргүзүп турар бис (1 Коринфичилерге 12:25, 26).

Бурганның күзел-соруун күүседип турар улустуң аразындан өңнүктерни тып алырынче силерни деткип тур бис. Ындыг эш-өөрнү Иегованың Херечилериниң аразындан тып ап болур силер. Бистиң-биле аралажырынга силерге чүү-даа шаптыктавазын!

• Христиан ужуражылгаларга аралажыры чүзү-биле үнелигил?

• Бистиң чыыжывыс-биле кажан таныжып алырын бодап алдыңар?