Истеп сүрүүшкүннерни ажып эртип шыдаар силер!

Шупту христианнар истедип сүрдүрер. Оон коргар бис бе?

1. Бисти истеп сүрер деп кайыын билир бис?

Библияда мынча дээн: «Бурганны хүндүлеп, Христос Иисус-биле сырый харылзаалыг... улустуң шуптузу истедип-сүрдүре бээр» (2 Тимофейге 3:12). Эрликтиң делегейинге хамаарышпас болгаш, Иисус истедип сүрдүрүп чораан. Бисти база эрге-чагыргалар, шажын организациялары истеп сүрерге кайгавас бис (Иоанн 15:18, 19).

2. Истеп сүрүүшкүнге канчаар белеткенип алырыл?

Амдан эгелеп, Иеговага ынанып өөренири дыка чугула. Хүннүң-не мөргүп, Библия номчуурунче үени үндүрүңер. Чыыштарны база үспеңер. Ол бүгү чүүл бисти күш киирер. Ынчан өг-бүлевистиң удурланыышкынын безин шыдажыптар бис. Истеп сүрдүрүп чораан Павел элчин: «Иегова — мээң дузалакчым, кортпас мен» — деп бижээн (Еврейлерге 13:6, Чаа делегей).

Оон аңгыда, үргүлчү суртаалдаары биске эрес-дидим болурунга, Иеговага ынанып, кижилерден кортпазынга өөредир (Чугаалар 29:25). Эрес-дидим чорукту сайзырадып алгаш, чазактар ажыл-херээвисти хоруп каарга-даа, суртаалдаарын соксатпас бис (1 Фессалоникчилерге 2:2).

3. Шенелделерге Бурганга шынчы артары чүге чугула?

Истеп сүрүүшкүннерни күзевес бис. Ынчалза-даа шенелделер дадыктырар, бүзүреливисти күш киирер. А шыдажыр аргажок апарганда, Иегова ыяап дузалап турар, ынчан найыралывыс дам быжыгар. (Номчуптуңар: Иаков 1:2—4.) Хилинчектениривиске Иеговага дыка аарышкылыг, ынчалза-даа бердинген чоруувус дээш Ол чоргаарланыр. Библияда мынча дээн: «Буянныг херектер дээш хилинчек шыдажып турар болзуңарза, Бурганны өөртүр силер» (1 Пётр 2:20, Чаа делегей). Шупту шынчы улуска Иегова кайгамчыктыг шаңналды — тайбың, мөңге чуртталганы аазап турар (Матфей 24:13).

ХАНЫ ШИНЧИЛЕҢЕР

4. Чоок улузуңар безин удур болза, шыдажыптар силер

Иеговага бараалгаарывыска чоок улузувус удур болур чадавас деп, Иисус баш удур чугаалаан. Матфей 10:34—36-ны номчааш, харыылаптыңар:

• Өг-бүлезинден кандыг хамаарылгага белен болур болза эки?

ВИДЕО: «Иегова бисти хүлээп алган» (5:13)

• Чоок улузуңар Иеговага бараалгава деп ээрежир болза, канчаар?

Ырлар 26:10 биле Марк 10:29, 30-ни номчааш, айтырыгга харыылаптыңар:

• Чоок улузуңар удурланып турар болза, силерге ол аазаашкын канчаар дузалаар?

5. Истеп сүрүүшкүннер үезинде-даа Иеговага бараалгаңар

ВИДЕО: «Истеп сүрүүшкүннер үезинде-даа эрес-дидим болуңар» (6:27)

• Бо видеода чижектер бисти канчаар сорук киирер?

Ажыл-чорудулга 5:27—29 биле Еврейлерге 10:24, 25-ти номчааш, айтырыгга харыылаптыңар:

• Эрге-чагырга улузу суртаал ажылын, чыыштарны хоруп-даа каар болза, Иеговага мөгеери чүге чугула?

6. Шупту чүвени шыдажырынга Иегова силерге дузалаар

ВИДЕО: «Иегова меңээ күштү берген» (3:40)

• Ол акы-угбаларга шынчы артарынга чүү дузалаан?

Римчилерге 8:35, 37—39 биле Филипчилерге 4:13-тү номчааш, айтырыгга харыылаптыңар:

• Кандыг-даа шенелдени ажып эртип шыдаарыңарны Бижилге канчаар бүзүредип турар?

Матфей 5:10—12-ни номчааш, харыылаптыңар:

• Истеп сүрүүшкүннер үезинде безин чүге аас-кежиктиг болуп шыдаар силер?

КОЛ БОДАЛ

Истеп сүрүүшкүннер үезинде безин бараалгап чоруурувусту Иегова бедик үнелээр. Ооң дузазы-биле чүнү-даа шыдаар бис!

Катаптаашкын

• Христианнар истеп сүрүүшкүннерге таварышкаш, чүге элдепсинмес?

• Амдан эгелеп истеп сүрүүшкүннерге канчаар белеткенип ап болур силер?

• Кандыг-даа шенелдени эртип шыдаар мен деп чүге бүзүреп болур силер?

НЕМЕЛДЕ

Аныяк Иегованың Херечизи нейтралитет дээш кара-бажыңга олурда, Бурган канчаар дузалаанын көрүңер.

«Истеп сүрүүшкүн үезинде туруштуг болур бис» (2:34)

Истеп сүрүүшкүннер үезинде хөй чылдар дургузунда Иеговага шынчы бараалгаарынга ашак-кадай улуска чүү дузалаанын көрүңер.

«Байдал өскерлип-даа турда Иеговага бараалгап турар бис» (7:11)

Истеп сүрүүшкүннер үезинде эрес дидим болурунга чүү дузалаар?

«Истеп сүрүүшкүннерге амдыгааштан тура белеткениңер» («Таңныыл суургазы» июль, 2019 чыл)

Чоок улузувустуң удурланыышкынынга кандыг хамаарылгалыг болур бис база ону канчаар шыдажырыл?

«Алыс шын „амыр-тайбың эвес, а аңгылажыг хылыжы эккээр“» («Таңныыл суургазы» октябрь, 2017 чыл)