Бистиң даштыкы хевиривис чүге чугула?

Идик-хепке, баш таартырынга база даштыкы хевир талазынга кижи бүрүзүнүң бодалы аңгы. Библейжи дүрүмнер чүгле боттарывысты көргүзер дээш эвес, а Иегованы өөртүрүнге дузалаар. Ол дүрүмнерни көрүптээлиңер.

1. Шилилге кылырынга кандыг дүрүмнер дузалаар?

Бурганны хүндүлээривис «ужур-чурумга таарыштыр кеттинип, эгениичел база бодамчалыг» болурувустан көскү болур ужурлуг (1 Тимофейге 2:9, 10). Ону тодазы-биле сайгарыптаалыңар: 1) Таарымчалыг кеттинери чугула. Чыышта акы-угбаларның кеттингени аңгы-аңгы-даа болза, идик-хеви, бажын эткени Бурганга хүндүткелдиин эскерген боор силер. 2) «Биче сеткилдиг» кеттинери — даштыкы хевири-биле шын эвес күзелдер оттурбас, бодунче хөй кичээнгей хаара тутпас дээн уткалыг. 3) Бодамчалыг кижи эмин эрттир мода сүрбес. 4) Бурганга бердинген чоруувус канчаар алдынып-кеттингенивистен кезээде көскү боор ужурлуг. Алыс шын Бурганның бараалгакчылары деп даштыкы хевиривистен өске улуска эскертингир болурун күзээр бис (1 Коринфичилерге 10:31).

2. Даштыкы хевиривис өске улуска кандыг салдарлыг?

Кижи бүрүзү канчаар кеттинерин боду билир. Ынчалза-даа даштыкы хевиривис өске улуска кандыг салдарны чедирерин боданыры чугула. Чанывыста кижиге ачылыг, бүзүрелин быжыглаар чүүлдерни кылыр ужурлуг бис. (Номчуптуңар: Римчилерге 15:1, 2.)

3. Даштыкы хевиривис дээш, бир-ле кижи алыс шынны канчаар сонуургай берип болур?

Кезээде төлептиг алдынарын кызып, чыыш азы суртаал баарда даштыкы хевиривисче кичээнгейни салып, чугула медээвистен кымны-даа чардыктырбас бис. Харын-даа кижилерни алыс шынче хаара тудуп, «Бурганывыстың өөредии кайы хире магалыг чаагайын улус көрүп каар кылдыр» күзээр бис (Титке 2:10).

ХАНЫ ШИНЧИЛЕҢЕР

4. Төлептиг даштыкы хевиривис-биле Иеговага хүндүткелди көргүзүп турар бис

Даштыкы хевиривиске кичээнгейлиг болурунга бисти чүү оттуруп турар? Ырлар 46:3-тү номчааш, харыылаптыңар:

• Иегованы даштыкы хевиривис-биле канчаар алдаржыдар бис?

• Чыыштарга-даа, суртаалга-даа даштыкы хевиривис чугула бе? Чүге ынча деп бодаар силер?

5. Шилилге кылырынга чүү дузалаар?

ВИДЕОНУ көрүңер.

ВИДЕО: «Кандыг-даа херекти... Бурганның алдар-хүндүзү дээш кылып чоруңар» (10:18)

Идик-хептиң өртек-үнези эвес, а арыг-силии, байдалга тааржыры чугула. 1 Коринфичилерге 10:24 биле 1 Тимофейге 2:9, 10-ну номчааш, чугаалап көрүңер. Идик-хевивис чүге:

• хирлиг азы чуду-кара болбас ужурлуг?

• чыпшык, ажык, шын эвес күзелдер оттурбас ужурлуг?

Моисейниң хоойлузундан христианнар Иегованың угаан-бодалын билип ап болур. Ыдыктыг хоойлуну катаптааны 22:5-ти номчааш, харыылаптыңар:

• Идик-хеви, бажын таартканы эр кижи кыс кижиге, а кыс кижи эр кижиге дөмей апаарындан ойталаары чүге чугула?

1 Коринфичилерге 10:32, 33 биле 1 Иоанн 2:15, 16-ны номчааш, харыылаптыңар:

• Даштыкы хевиривис чурттап турар черивиске база чыышка эпчок болбас кылдыр боданыры чүге чугула?

• Силерниң чериңерде идик-хептиң, баш таартырының кандыг хевирлери модада?

• Оларның чамдыызы христианнарга таарышпас деп санап турар силер бе? Тайылбырлаптыңар.

КОЛ БОДАЛ

Төлептиг даштыкы хевиривис-биле Иеговага болгаш кижилерге хүндүткелди көргүзүп турар бис.

Катаптаашкын

• Даштыкы хевиривис Иеговага чүге чугула?

• Төлептиг кеттинип, алдынарынга кандыг дүрүмнер дузалаар?

• Даштыкы хевиривисти көргеш, өске кижилер Иегованы канчаар алдаржыдып болур?

НЕМЕЛДЕ

Силерниң даштыкы хевириңер чүнү чугаалап турар?

«Даштыкы хевирим кандыг?» (веб-статья)

Татуировкага хамаарыштыр шыңгыы боданыры чүге чугулазын номчуп көрүңер.

«Татуировкага хамаарыштыр Библияда чүнү чугаалаан?» (веб-статья)

Идик-хеп шилииринге, башты канчаар таартырынга дузалаар немелде дүрүмнерни номчуп көрүңер.

«Даштыкы хевириңер-биле Бурганны алдаржыдып турар силер бе?» («Таңныыл суургазы» сентябрь, 2016 чыл)

Бир херээжен кижиге өске улустуң канчаар кеттингенин шиитпезинге чүү дузалаанын номчуп көрүңер.

«Улустуң канчаар кеттингенинге дыка таарзынмас турган мен» («Оттуп келиңер!» декабрь 22, 2003 чыл)