Биче сеткил

Библейжи дүрүм: «Куду көрдүнгеш, өскелерни боттарыңардан өрү көрүңер» (Флп. 2:3).

Павел чүнү кылып турган?

Таңныылда илчирбелеп шарып каан Павел элчин Агриппа хаан, Фест болгаш Вереника чагырыкчылар-биле хүндүткелдиг чугаалажып турар.

ВИДЕО: «Павел Агриппа хаанга суртаалдап турар»

1. ВИДЕОНУ көрүңер азы Ажыл-чорудулга 26:2, 3 номчуптуңар. Дараазында айтырыгларның дугайында боданыңар:

а) Агриппа-биле чугаалажып турган үеде Павел биче сеткилин канчаар көргүскен?
б) Павел кичээнгейни бодунче эвес, а Иеговаже база Ыдыктыг Бижилгеже салып турганы кайыын көскү? (Көрүңер: Ажыл-чорудулга 26:22.)

Павелден чүнү өөренип алыр бис?

2. Хүндүткелди болгаш биче сеткилди илередир болзувусса, ол кижи бисти күзелдии-биле дыңнаар.

Павелди өттүнүңер

3. Улусту сургава. Бодуңарны шупту чүвени билир ышкаш, а ол кижи чүнү-даа билбес кылдыр алдынмаңар. Хүндүткелдиг чугааланыңар.

4. Чугааңарның Ыдыктыг Бижилгеге даянганын көргүзүңер. Ында кижиниң чүрээнге дээштиг бодалдарны бижээн. Аңаа үргүлчү даяныр болзувусса, ол кижиниң бүзүрели бистиң эвес, а Бурганның Сөзүнге быжыгар.

5. Чылыг-чымчак болуңар. Бодуңарныы-биле турбаңар база кижи-биле маргышпаңар. Кезээде оожум-топтуг болуп база чугааны үезинде төндүрүп, биче сеткилди көргүзүңер (У. ч. 17:14; Тит. 3:2). Чылыг-чымчак чугаалажыр болзувусса, дараазында ол кижи бисти дыңнаар чадавас.

ООН-ДАА КӨРҮҢЕР:

Рим. 12:16—18; 1 Кор. 8:1; 2 Кор. 3:5