25 Li Moisese la stʼuj viniketik ti lek xtojobik li ta Israele, vaʼun la svaʼan ta bankilaletik li ta jteklume, ta bankilaletik sventa sbain jmil ta voʼ, bankilaletik sventa sbain sien ta voʼ, bankilaletik sventa sbain 50 ta voʼ xchiʼuk bankilaletik sventa sbain lajunvoʼ. 26 Jaʼ xa la xchapanik kʼalal oy kʼusi skʼan chapanele. Li kʼusi toj vokol ta chapanele jaʼ chtal yalbeik li Moisese,+ pe li bu mu toj vokoluke, te chchapan stukik.

18 »Skʼan xavaʼan jchapanvanejetik+ xchiʼuk j-abteletik ta jujun nitilulal ta skotol li lumetik ti jaʼ chakʼbot li Jeova Dios avuʼune. Tukʼ skʼan xchapanik li jteklume.

8 »Mi oy kʼusi kʼot ta pasel ta junuk alumal ti vokol ta chapanel chavaʼie, mi jaʼ skʼoplal smalel chʼichʼ,+ junuk demanda, mi oy buchʼu yayijesvan o mi jaʼ skʼoplal yan paskʼope, skʼan xabat ti bu stʼujoj li Jeova Dios avuʼune.+