11 Li Sedekiase+ 21 jabil yichʼoj kʼalal och ta ajvalile, 11 jabil ajvalilaj ta Jerusalen.+

13 Jech xtok, la stoy sba ta stojolal li ajvalil Nabukodonosore+ akʼo mi jaʼ ta smantal kʼalal laj yakʼ ye ta stojolal Dios li Sedekiase, bol* la spas sba, tsots yoʼonton xchiʼuk mu skʼan sut ta stojolal li Jeova Dios yuʼun Israele.

12 Jech xtok, jech laj kalbe li Sedekias+ ti jaʼ ajvalil ta Judae, xi laj kalbee: «Kʼatano ta anukʼik li kʼatlom teʼ yuʼun li ajvalil ta Babiloniae xchiʼuk tunanik ta stojolal xchiʼuk ta stojolal li steklumale, vaʼun kuxul chakomik.+

17 Vaʼun, li Jeremiase xi laj yalbe li Sedekiase: «Xi chal li Jeova Dios ti jaʼ bankilal yuʼun soltaroetike,* li Dios yuʼun Israele: ‹Mi laj avakʼ aba ta skʼob li bankilaletik yuʼun ajvalil ta Babiloniae, muʼyuk chavichʼ milel, muʼyuk chichʼ chikʼel ta kʼokʼ li jteklum liʼe, kuxul chakom xchiʼuk li avutsʼ avalale.*+

12 «Avokoluk, xi xavalbe li jteklum ti jtoybae: ‹¿Mi yuʼun mu xavakʼik venta kʼusitik skʼan xal taje?›. Xi xavalbe yaʼie: ‹¡Kʼelavilik! Li ajvalil ta Babiloniae tal ta Jerusalen, vaʼun la xchuk li ajvalil xchiʼuk li bankilaletik ta Jerusalene xchiʼuk laj yikʼan batel ta Babilonia.+ 13 Jech xtok, laj yikʼbe batel jun snitilulal ajvalil,+ laj yalbe ti oyuk kʼusi xal ta jamale xchiʼuk la spas jun trato xchiʼuk.+ Laje, laj yikʼ batel li viniketik ti tsots skʼoplalik ta jteklum+ 14 sventa xbikʼtaj skʼoplal li jteklume xchiʼuk sventa mu xa stam-o sba likel. Jech oxal, sventa mu xlaj skʼoplalike, persa skʼan stsakik ta venta li trato la spas ajvalil ta Babiloniae.+ 15 Pe li ajvalile* la stoy sba ta stojolal li ajvalil ta Babiloniae,+ yuʼun la stak batel yaj-almantaltak ta Ejipto sventa xtakbat tal kaʼetik+ xchiʼuk epal soltaroetik.+ ¿Mi ta van spas kanal? ¿Mi muʼyuk van chichʼ kastigo ta skoj li kʼusitik tspase? ¿Mi xuʼ van ta jech noʼox slajesbe skʼoplal li tratoe xchiʼuk ti mu xichʼ kastigoe?›.+