20 Li kʼusi kʼot ta pasel li ta Jerusalen xchiʼuk ta Judae jaʼ lik-o skʼakʼal yoʼonton li Jeovae, jaʼ yuʼun la sjip lokʼel ta yeloval sat.+ Jech xtok, li Sedekiase la stoy sba ta stojolal li ajvalil ta Babiloniae.+

12 «Avokoluk, xi xavalbe li jteklum ti jtoybae: ‹¿Mi yuʼun mu xavakʼik venta kʼusitik skʼan xal taje?›. Xi xavalbe yaʼie: ‹¡Kʼelavilik! Li ajvalil ta Babiloniae tal ta Jerusalen, vaʼun la xchuk li ajvalil xchiʼuk li bankilaletik ta Jerusalene xchiʼuk laj yikʼan batel ta Babilonia.+ 13 Jech xtok, laj yikʼbe batel jun snitilulal ajvalil,+ laj yalbe ti oyuk kʼusi xal ta jamale xchiʼuk la spas jun trato xchiʼuk.+ Laje, laj yikʼ batel li viniketik ti tsots skʼoplalik ta jteklum+ 14 sventa xbikʼtaj skʼoplal li jteklume xchiʼuk sventa mu xa stam-o sba likel. Jech oxal, sventa mu xlaj skʼoplalike, persa skʼan stsakik ta venta li trato la spas ajvalil ta Babiloniae.+ 15 Pe li ajvalile* la stoy sba ta stojolal li ajvalil ta Babiloniae,+ yuʼun la stak batel yaj-almantaltak ta Ejipto sventa xtakbat tal kaʼetik+ xchiʼuk epal soltaroetik.+ ¿Mi ta van spas kanal? ¿Mi muʼyuk van chichʼ kastigo ta skoj li kʼusitik tspase? ¿Mi xuʼ van ta jech noʼox slajesbe skʼoplal li tratoe xchiʼuk ti mu xichʼ kastigoe?›.+