VIVLIOTEKA TA INTERNET yuʼun Watchtower

VIVLIOTEKA TA INTERNET yuʼun Watchtower

VIVLIOTEKA TA INTERNET

yuʼun Watchtower

2 Kronikas 28:17

Xchʼul Kʼop Dios sventa Achʼ Balumil
- 17 Li j-edometike la stsakik ta kʼop yan velta li Judae, och ta skʼobik xchiʼuk oy buchʼutik la xchukik batel.

Salmo 137:7

Xchʼul Kʼop Dios sventa Achʼ Balumil
- 7 Kajval Jeova, vuleso me ta ajol
  ti xi laj yalik li j-edometik kʼalal laj ta tsalel li Jerusalene:
  
  «¡Jinesik! ¡Jinesik kʼalal to ta snaklebtak!».+

Lamentasiones 4:22

Xchʼul Kʼop Dios sventa Achʼ Balumil
- 22 Stseb Sion, tsʼaki xa li kastigo laj avichʼ ta skoj li amule.
  
  Muʼyuk xa buchʼu chikʼot batel ta yan lum.+
  
  Pe jaʼuk li voʼote, stseb Edom, jaʼ xa te chakʼ talel sat Dios li ta amule.
  
  Ta svinajesbot li amule.+

Amos 1:11

Xchʼul Kʼop Dios sventa Achʼ Balumil
- 11 Xi chal li Jeovae:
  ‹Ta skoj ti yoxibal, xchanibal xa velta la stoy sba li Edome,+ jpʼel skʼoplal chkʼot ta pasel li kʼusi jnopoje,
  yuʼun la snuts ta espada li xchiʼil ta vokʼele+
  xchiʼuk muʼyuk la xkʼuxubin.
  Jech-o la slilinan ta tiʼel ta skʼakʼal yoʼonton,
  jech-o xkapet sjol ta stojolalik.+

Abdias 10

Xchʼul Kʼop Dios sventa Achʼ Balumil
- 10 Ta skoj ti laj avilbajin li achiʼil ta vokʼel ti jaʼ li Jakobe,+
  chalaj ta kʼexlal,+
  chalaj-o sbatel osil.+