Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun septiembree

«¡Liʼote! Yakal chivulaʼajkutik uni jlikel sventa chkakʼkutik ta ilel jtos lekil koltael sventa lekuk xbat snupunelik li buchʼutik nupunemike. ¿Kʼusi xanaʼ ti mu xakʼ muyubajuk li nupultsʼakaletike?» Akʼo stakʼ. Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun septiembree xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.

Li Jkʼel osil ta toyole 1 yuʼun septiembre

«Yakalunkutik ta vulaʼal ta skoj ti ep buchʼutik tsjakʼik ti kʼu yuʼun yakʼoj oyuk ep vokolil li Diose. ¿Mi oy jech ajakʼojbe aba ek? [Akʼo stakʼ.] Oy kʼusi labal sba chal Vivlia ti chkʼot ta pasel ta mas jelavele, jaʼ ti muʼyuk xa vokolil mi jaʼuk kʼusi kʼux ipe [kʼelo Apocalipsis 21:4]. Li revista liʼe chalbe voʼtos srasonal tsotsik skʼoplal ti kʼu yuʼun toj ep vokolile. Chalbe skʼoplal xtok ti chal Vivlia ti tslajes vokolil li Diose.»

¡Despertad! Septiembre

«Yakal chivulaʼajkutik sventa chkakʼkutik jlik vun ti jaʼ chalbe skʼoplal jtos kʼin ti lek ojtikinbile: jaʼ li Noche de Brujas (o Halloween). Muʼyuk tspasik kʼin li jlome, yuʼun chchʼunik li kʼusi chal Vivlia ta sventa taje [kʼelo Levítico 19:31]. Oy jlom xtoke chalik ti muʼyuk li espirituetik ti mu xvinaj ta kʼelele xchiʼuk tsnopik ti muʼyuk chopol li Noche de Brujase. ¿Kʼusi chanop li voʼote? Li revista liʼe chal bu likem tal li kʼin taje.»