Echʼ tsatsal nikel ta Turquía xchiʼuk ta Siria | ¿Kʼusi chal li Vivliae?

YICHʼ ACHʼUBTASEL: 10 yuʼun fevrero ta 2023

Li ta jueves 9 yuʼun fevrero ta 2023, laj xa yichʼ tael 20 mil animaetik ta skoj li tsatsal nikel echʼ ta Turquía xchiʼuk ta Siriae. Ta smilal xa noʼox yayijem komik xchiʼuk ta smilal xa noʼox jin snaik.

Li chib Komite ti chtun ta skoltael ermanoetik ti vaʼanbilik yuʼun li stestigotak Jeovae jech˗o yakal chkoltavanik ta saʼel li krixchanoetik ti chʼayemike (Galatas 6:10). Kʼalal jaʼtik toʼox yechʼel li tsatsal nikele, oy jayvoʼ ermanoetik ta Betel ta Turquía bat koltavanikuk akʼo mi sik tajek xchiʼuk ti nom toe. Spatojbeik tal yoʼonton xchiʼuk skoltaojik talel ta mantal li buchʼutik laj yil svokolike (1 Pedro 5:2). Li kʼusitik to chichʼ pasel batele te chichʼ alel ti bu chal «Aʼyejetik».

Xi chal li Vivliae: «Nopol oy Jeovaa ta stojolal li buchʼutik muʼyuk xa te tsakal chaʼi li yoʼontonike; tskolta li buchʼutik chat yoʼontonike» (Salmo 34:18). Kʼalal tsots chavil avokole, xuʼ skoltaot li mantaletik ta Vivlia jech kʼuchaʼal liʼe:

Kʼelo li video Kʼux k’alal oy buchʼu chcham kuʼuntike, te chpatbat yoʼonton li buchʼu chamem junuk yutsʼ yalale.
Kʼelo li mantal ti xi sbie: «Koltao avalab anichʼnabik sventa mu xakʼ tajek ta yoʼontonik li kʼusitik xibal sba chvinaj ta notisiaetike», yichʼoj beiltaseletik ta Vivlia ti chkoltaat avalab anichʼnabik sventa mu svul tajek yoʼontonik ta skoj li kʼusitik chlokʼ ta notisiae.

Li ta lunes 6 yuʼun fevrero ta 2023, echʼ jun tsatsal nikel ta Turquía xchiʼuk ta Siria.

«Li lunes avie, echʼ jun tsatsal nikel ta Turquía xchiʼuk ta snoroesteal Siria ti cham mas ta 3,700 krixchanoetike. Pe mas to chakʼ vokol ta skoj ti sik tajeke, jech oxal mas to chil svokolik li buchʼutik yayijemike o ti chʼabal sna komike. Jech xtok, mas to vokol ta saʼel mi oy to buchʼutik kuxajtik kom» (Reuters, 6 yuʼun fevrero ta 2023).

«Kʼux tajek chkaʼitik kʼalal jech chkʼot ta pasele. Kʼalal jech ta jnuptantike, xuʼ jkʼanbetik vokol Jeova ti «jaʼ li Dios ti tspat koʼontontik ta skotole» (2 Korintios 1:3). Yuʼun li Diose tspat koʼontontik li ta Vivliae (Romanos 15:4).

Li ta Vivliae, xuʼ te xkaʼibetik smelolal liʼe:

Li kʼusi xa onoʼox albil skʼoplal ta sventa li nikeletike.
Ti bu xuʼ jta spatobil koʼontontike.
Ti kʼu yelan tslajesbe skʼoplal jvokoltik li Diose.

Mi chakʼan chanaʼ kʼusi chal Vivlia ta sventa taje, kʼelo li mantaletik liʼe:

a Jaʼ Jeova sbi li Diose (Salmo 83:18).