Тӥ Иеговалэн эшез луыны быгатӥськоды

Иеговалэн потэ, тӥ со сярысь тросгес мед тододы шуыса. Малы? Со возьма, тӥ со сярысь тросгес тодӥды ке,— тодӥды ке, кыӵе солэн сямъёсыз, мар солэн каремез потэ,— тӥляд солэн эшез луэмды потоз шуыса. Зэмзэ-а тӥ Инмарлэн эшез луыны быгатӥськоды? (Лыдӟе Иаковлэсь 2:23.) Мар тӥледлы кароно, солэн эшез луон понна? Библия та юанъёслы валэктонъёс сётэ. Озьы ик со вера, Иеговаен эшъяськон — со самой дуноез, мар адямилэн луыны быгатэ.

1. Мар карыны ӧте тӥледыз Иегова?

«Инмарлы матэ кариське, Со но тӥляд матады лыктоз» (Иаков 4:8). Кызьы сое валано? Иегова ӧте тӥледыз солэн эшез луыны. Куд-ог адямиослы секыт валаны, кызьы ми Инмарлэн эшез луыны быгатӥськомы, ми сое ум адӟиське ук. Но аслаз Кылаз, Библиын, Иегова вера милемлы ваньзэ, мар кулэ, соин матысь кусыпъёс тупатон понна. Куке ми лыдӟиськомы Библиысь сое, мае Инмарлэн верамез потэ, милям соин кусыпъёсмы юнмало, ми сое ноку но ӧм адӟе ке но.

2. Малы Иегова — со самой умой эш?

Иегова тӥледыз котькинлэсь юн яратэ. Солэн потэ, тӥ шудо мед луоды шуыса, но возьма, шуг-секыт кылдыку, тӥ котьку солэсь юрттэтсэ куроды шуыса. Библия ӧте: «Вань сюлмаськонъёстэс Со доры вае, уго Со тӥ сярысь сюлмаське» (1 Пётр 5:7). Иегова котьку дась юрттыны, буйгатыны но кылзыны аслэсьтыз эшъёссэ. (Лыдӟе Псалтирез 93:18, 19.)

3. Мар кароно, Иеговалэн эшез луон понна?

Иегова вань адямиосты яратэ, «нош шонер улӥсьёсын Со кусып возе» (Мадёнъёс 3:32). Иегова возьма, солэн эшъёсыз лэсьтозы шуыса сое, мае со шонерен лыдъя, но уз лэсьтэ шуыса сое, мае со шонертэмен лыдъя. Кин ке но малпаны быгатоз, со Инмарлэн куронъёсызъя улыны уз быгаты шуыса. Но Иегова туж гажась-жалясь но валась Инмар. Со яратэ ваньзэс, кин сое яратэ но тырше лэсьтыны сое, мар солы кельше (Псалтирь 146:11; Апостолъёслэн ужъёссы 10:34, 35).

МУРГЕС ЭСКЕРЕ

4. Авраам Иеговалэн эшез вал

Библиысь Авраам сярысь веран (озьы ик сое Аврам шуо вал) юрттэ валаны, мар кароно, Инмарлэн эшез луон понна. Лыдӟе Авраам сярысь Улон-вылонысь 12:1—4, собере та юанъёслы валэктонъёс сётэ:

• Мар карыны куриз Иегова Авраамез?

• Мар карыны Иегова солы кылзэ сётӥз?

• Мар кариз Авраам?

5. Мае возьма Иегова аслаз эшъёсызлэсь?

Ӵем дыръя ми эшъёсмылэсь мае ке возьмаськомы.

• Мар карыны быгатысалзы эшъёсты, тӥледыз шумпоттон понна?

Лыдӟе 1 Иоаннлэсь 5:3 но та юанлы валэктон сётэ:

• Мае возьма Иегова аслаз эшъёсызлэсь?

Иеговалэсь кылзӥськон понна, оло нош, милемлы куд-ог ужъёсмес но сямъёсмес воштоно луоз. Лыдӟе Исаиялэсь 48:17, 18 но та юанлы валэктон сётэ:

• Малы Иегова возьма, солэн эшъёсыз воштӥськозы шуыса?

6. Мар каре Иегова, эшъёсызлы юрттон понна

ВИДЕОРОЛИК: «Иегова мыным сомында лэсьтӥз!» (3:20)

• Кызьы Иегова юрттӥз та видеороликысь кышномуртлы умойтэм малпанъёссэ но кышканзэ вормыны?

Лыдӟе Исаиялэсь 41:10, 13 но та юанъёслы валэктонъёс сётэ:

• Мар карыны кылзэ сётэ Иегова аслаз эшъёсызлы?

• Кызьы тӥ малпаськоды, быгатэ-а Иегова умой эш луыны? Малы?

7. Иеговаен эшъяськон понна, соин вераськыны но сое кылзыны кулэ

Адямиослэн кусыпъёссы юнмало, куке соос ог-огенызы верасько. Лыдӟе Псалтирез 85:6, 11 но та юанъёслы валэктонъёс сётэ:

• Кызьы ми Иеговаен вераськыны быгатӥськомы?

• Кызьы Иегова милемын вераське?

ТОДЭ ВАЁН

Иеговалэн тӥледлы эш луэмез потэ. Со юрттоз тӥледлы соин матысь кусыпъёс тупатыны.

Мае тон тодӥд?

• Кызьы Иегова эшъёсызлы юрттэ?

• Малы Иегова возьма, солэн эшъёсыз воштӥськозы шуыса?

• Кызьы тӥ малпаськоды, секыт-а Иеговаен эшъяськыны? Малы тӥ озьы малпаськоды?

ТРОСГЕС ТОДЭ

Кызьы Инмарен эшъяськон тӥлесьтыд улондэс воштыны быгатэ?

«Иегова — со Инмар, кудӥныз кулэ тодматскыны» («Возьмаськон башня», 2003-тӥ ар, 15-тӥ тулыспал)

Тодэ, мар кароно, Инмарен эшъяськон понна.

«Мар кароно, Инмарен эшъяськон понна?» («Тынад юанъёсыдлы валэктонъёс. 2-тӥ том», 35-тӥ люкет)

Лыдӟе, кызьы Иеговаен эшъяськон одӥг кышномуртлэсь улонзэ умой пала воштӥз.

«Мынам кулэме уг поты вал!» («Возьмаськон башня» № 1, 2017-тӥ ар)

Кылзэ, мар верало куд-огез егит пиос но нылъёс Иеговаен кусыпъёссы сярысь.

«Мар вае Инмарен эшъяськон?» 1:46