10-ТӤ УРОК
Кыӵе пайда вайыны быгато тӥледлы Иеговалэн Адӟись-Ивортӥсьёсызлэн пумиськонъёссы?
Тӥ вал-а ини куке Иеговалэн Адӟись-Ивортӥсьёсызлэн пумиськонъёсазы? Тӥ отын ӧй вал на ке но тӥляд отчы мынэмды потэ ке, тӥ сюлмаськиськоды, луоз. Тӥ малпаськоды, дыр: кызьы со пумиськонъёс ортчо? Малы соос кулэ? Малы отчы ветлоно? Та урокысь тӥ тододы, кызьы со пумиськонъёсы ветлыса, тӥ асьтэлы пайда басьтоды но Инмарлы матэ кариськыны быгатоды.
1. Малы Иеговалэн Адӟись-Ивортӥсьёсыз ӵош люкасько?
Одӥгез Библиез гожъясь вераз валтӥсь мугез, малы ӵош люкаськылоно: «Калык люкаськон интыосын Кузё-Инмарез данъяса уло» (Псалтирь 25:12). Иеговалэн Адӟись-Ивортӥсьёсызлы туж кельше огазе люкаськылыны. Быдэс дунне вылын арнялы быдэ соос люкасько ӵош Инмарез данъяны, кырӟаны но вӧсяськыны. Озьы ик арлы быдэ соос тросгес кузя люкаськыло на.
2. Мае тӥ тододы пумиськонъёсамы?
Пумиськонъёсамы ми Библиез дышетӥськомы, сое валамон лыдӟиськомы но валэктон сётъяськомы. (Лыдӟе Неемиялэсь 8:8.) Пумиськонъёсамы ветлыса, тӥ тросгес тододы Иегова сярысь но солэн сямъёсыз сярысь. Нош Иеговалэн тӥледыз яратэмез сярысь тросгес тодӥды ке, тӥ но сое юнгес яратоды. Со сяна, тӥ тододы, кызьы со тӥледлы юрттыны быгатэ шудо луыны (Исаия 48:17, 18).
3. Кызьы тӥледлы юрттыны быгато пумиськонэ лыктэмъёс?
Иегова косэ милемыз «огмылы огмы юрттӥськыса улыны», огмылэсь огмы мылкыдмес ӝутыны «яратыса, ӟеч ужъёс лэсьтыса улыны» но ялан пумиськонъёсы ветлыны (Еврейёслы 10:24, 25). Пумиськонъёсамы тӥ тодматскоды адямиосын, кудъёсыз зэмзэ ик ог-огзэс ярато, но кудъёсызлэн, тӥляд кадь ик, Инмар сярысь тросгес тодэмзы потэ. Тӥ кылоды, кызьы, Библиысь малпанъёсты вераса, соос ог-огзэс юнмато. (Лыдӟе Римъёслы 1:11, 12.) Озьы ик тӥ быгатоды вераськыны кузпалъяськем но кузпалъяськымтэ адямиосын, кудъёсыз, шуг-секытъёсын пумиськыса но, шумпотонзэс уг ышто. Та куд-огез гинэ мугъёс, малы Иеговалэн потэ, ми ялан пумиськонъёсы мед ветломы шуыса.
МУРГЕС ЭСКЕРЕ
Ойдолэ тодомы, кызьы ортчо Иеговалэн Адӟись-Ивортӥсьёсызлэн пумиськонъёссы но малы отчы ветлоно.
4. Иеговалэн Адӟись-Ивортӥсьёсызлэн пумиськонъёссы
Нырысетӥ даурын христианъёс ялан ӵош люкаськылӥзы, Иеговалы йыбырттон понна (Римъёслы 16:3—5). Лыдӟе Колоссыослы 3:16 но та юанлы валэктон сётэ:
Кызьы нырысетӥ христианъёс Иеговалы йыбыртъязы?
Туннэ но Адӟись-Ивортӥсьёс ялан огазе люкасько. Пумиськонъёслэсь кызьы ортчемзэс тодон понна, учке ВИДЕОРОЛИКЕЗ. Собере учке суредэз но та юанъёслы валэктонъёс сётэ:
Мар огкадьзэ тӥ адӟиды отысь, кызьы ортче пумиськон Эксэйлык юртын но мар гожтэмын Колоссыослы 3:16?
Мар тӥледлы кельшиз, видеороликез но суредэз учкыса?
Лыдӟе 2 Коринфъёслы 9:7 но та юанлы валэктон сётэ:
Малы Иеговалэн Адӟись-Ивортӥсьёсыз пумиськоназы лыктэм понна коньдон уг куро?
Дышетӥсеныды ӵош учке, мар сярысь вераськон мыноз матысяз пумиськонын.
Матысь пумиськонлэн кыӵе люкетэз тӥледлы тунсыкогес но пайдаёгес потэ?
Тодӥськоды-а тӥ?
Кытын но ку ортчо пумиськонъёс быдэс дунне вылын, тодыны быгатоды jw.org сайтысь.
А. Пумиськонъёсамы речьёс верало, ваче вераськонъёс но видеороликъёс возьмато. Пумиськонъёс кутско но йылпумъясько кырӟанэн но вӧсяськонэн
Б. Лыктэмъёс пумиськонлэн куд-ог люкетъёсаз юанъёслы валэктонъёс сётъяны быгато
В. Пумиськонэ лыктыны быгато ваньмыз: кузпалъяськемъёс но, кузпалъяськымтэос но, арлыдоос но, егитъёс но
Г. Пумиськонэ лыктэм понна дун тыроно ӧвӧл. Иеговалэн Адӟись-Ивортӥсьёсыз пырыку но, потыку но коньдон уг бичало
5. Пумиськонъёсы ветлон понна, кужым пононо
Учкомы Иисуслэн семьяезлэсь примерзэ. Арлы быдэ храме ветлон понна, соослы Назаретысь Иерусалиме 100 иськем пала гурезё интытӥ мыноно вал. Лыдӟе Лукалэсь 2:39—42 но та юанъёслы валэктонъёс сётэ:
Кызьы тӥ малпаськоды, капчи-а вал Иерусалиме сюрес?
Мар тӥледлы люкетыны быгатоз пумиськонъёсы ветлыны?
Кызьы тӥ малпаськоды, кулэ-а тыршыны пумиськонъёсы ветлыны? Малы?
Библиын верамын, Иеговаез данъян понна, туж кулэ шуыса огазе люкаськыны. Лыдӟе Еврейёслы 10:24, 25 но та юанлы валэктон сётэ:
Малы пумиськонъёсты кельтылыны кулэ ӧвӧл?
КИН КЕ НО ВЕРАНЫ БЫГАТОЗ: «Пумиськонъёсы ветлытэк но, Библиез дорын дышетыны луэ».
Библиысь кыӵе кылбур яке пример возьматэ, мае возьма Иегова?
ТОДЭ ВАЁН
Пумиськонъёс юрттозы тӥледлы Иегова сярысь тросгес тодыны но соин кусыпъёстэс юнматыны. Озьы ик, пумиськонъёсы ветлыса, тӥ быгатоды мукетъёсыныз ӵош Иеговаез данъяны.
Мае тон тодӥд?
Малы Иегова ӧте милемыз пумиськонъёсы ветлыны?
Мае тӥ тододы Иеговалэн Адӟись-Ивортӥсьёсызлэн пумиськонъёсазы?
Кызьы тӥ малпаськоды, кыӵе эшшо пайда ваёзы на тӥледлы пумиськонъёс?
ТРОСГЕС ТОДЭ
Тӥ возьдаськиськоды ке пумиськонэ мыныны, учке, мар юрттӥз пиосмуртлы, кудӥз нырысь озьы ик возьдаське вал, пумиськонъёсты яратыны.
Учке, малы егит пилы кельшо вал пумиськонъёс но мар со кариз, отчы ветлон понна.
Лыдӟе, мар верало куд-ог адямиос пумиськонъёс сярысь.
«Малы ветлоно христиан пумиськонъёсы, кудъёсыз Эксэйлык юртын ортчытӥсько?» (jw.org сайтысь статья)
Тодэ, кызьы Иеговалэн Адӟись-Ивортӥсьёсызлэн пумиськонъёсазы ветлон туж лек адямилэсь улонзэ воштӥз.
«Мон котьку пистолетэн ветлӥсько вал» («Возьмаськон башня», 2014-тӥ ар, 1-тӥ пӧсьтолэзь)