«Улон но ужан-тыршон» ужан тетрадьлы малпанъёс
7—13-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 10, 11
Духовной марӟанъёсты утчаськомы
(Левит 10:8—11) Кузё-Инмар Ааронлы тазьы вераз, тазьы шуиз: 9 «Тон но, тынад пиосыд но медад кулэ шуыса, вӧсяськон скинияе пырыкуды, вина но, кудӟытӥсь юонъёсты огзэ но эн юэ; та тӥляд выжыостылы пумтэм вапумъёс ӵожелы сётэм пуктон-косон, 10 дун-чылкытэз дун-чылкыт луисьтэмлэсь, кырсез чылкытлэсь висъяны мед быгатоды, 11 израиль пиосты Кузё-Инмарлэн Моисей пыр соослы верам вань пуктон-косонъёсызлы дышетыны мед быгатоды».
w14 15/11 17 б., 18 абз.
Милемлы котьма ласянь дун-чылкытэсь луыны кулэ
18 Дун-чылкыт луон понна, милемлы Священной Гожтэмъёсты мур эскероно но Инмарлэсь эриксэ быдэсъяно. Ойдолэ тодамы ваёмы Ааронлэсь пиоссэ, Надавез но Авиудэз. Соос быдтэмын вал, малы ке шуоно Инмар азе «вайыны косымтэзэ тылэз» вайизы, кудӟеменызы сэрен, вылды (Лев. 10:1, 2). Висъялэ саклыктэс, мар Инмар собере вераз Ааронлы. (Лыдӟы Левитэз 10:8—11.) Возьмато-а та кылбуръёс, христиан пумиськонъёс азьын вина юыны уг яра шуыса? Малпаськомы тани мар сярысь: ми Моисейлэн законэзъя ум улӥське (Рим. 10:4). Куд-ог шаеръёсын кенешлэн пумиськонъёсыз азьын огъя оскисьёсмы сиськыкузы кӧня ке вина юо. Пасхаез пусйыку, ньыль чаша вина пукто вал. Тодэ ваён ӝытанэз пусъёнэз пыртыкуз, Иисус апостолъёсызлы вина сётӥз, кудӥз солэсь вирзэ возьматэ вал (Матф. 26:27). Библия мултэс вина юыны но юыса улыны уг лэзьы (1 Кор. 6:10; 1 Тим. 3:8). Тросэзлэн христианъёслэн возьытлыксы уг лэзьы соосты вина юыны Инмарлы йыбыртъянэн герӟаськем ужъёсы пыриськон азьын. Озьы ке но котькуд шаерын аслаз калык сямъёсыз вань. Соин ик христианъёслы туж кулэ «дун-чылкытэз дун-чылкыт луисьтэмлэсь» висъяны, соослэн ужъёссы дун-чылкытэсь мед луозы но Инмарез шум мед поттозы шуыса.
(Левит 11:8) соослэсь сӥльзэс эн сие, шӧйзы борды киыныды эн йӧтӥське; кырсесь соос тӥ понна.
it «Животные», «Чистые и нечистые животные» подзаг., 4 абз.
Пудо-животъёс
Тае лэсьтыны уг яра вал соослы гинэ, кинъёс Моисейлэн законэзъя уло вал. Левитын 11:8 гожтэмын: «Кырсесь соос тӥ понна». Та кылъёс верамын вал Израиль калыклы гинэ. Куке Иисус Христос аслэсьтыз улонзэ курбонлы сётӥз, Закон ужамысь дугдӥз, озьы ик та курон но. Со дырысен вань адямиос выльысь улыны кутскизы со возетъя, кудӥз сётэмын вал Нойлы Ву тудӟон бере (Кл 2:13—17; Ул 9:3, 4).
14—20-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 12, 13
Духовной марӟанъёсты утчаськомы
(Левит 12:2) «Израиль пиослы вера: „Кышномурт, секытэн луыса, пи нуны вайиз ке, со сизьым нунал ӵоже кырсь шуыса лыдъяськоз; саптаськыса висён дыръяз кадь ик со кырсь луоз;
(Левит 12:5) Со ныл нуны вайиз ке, чылкытатӥськон дырыз ортчыку, кык арня ӵоже со кырсь шуыса лыдъяськоз, куатьтон куать нунал ӵоже со, вирызлэсь сузяськыса, гуртаз пукыны кулэ.
w04 15/5 23 б., 2 абз.
Левит книгаысь тунсыко малпанъёс
12:2, 5 — Малы нуны ваемез бере кышномурт кырсь шуыса лыдъяськиз? Нылпи ваён мугор люкетъёс сётэмын вал, тырбыдэс адямиез вордон понна. Но выжем сьӧлыклэн бервылъёсыныз сэрен, нылпилы вордскыкуз тырбыдэстэм но сьӧлыко улон выже. Куке кышномурт пинал вае яке солэн саптаськонэз потэ но мугорысьтыз вир вия, яке пиосмуртлэн кидысэз кисьтӥське, соку со адями огдырлы «кырсь» луэ вал. Со израиль калыклы Адамлэсь выжем сьӧлык сярысь тодаз вайытылӥз (Левит 15:16—24; Псалтирь 50:7; Римъёслы 5:12). Чылкытатӥськон-сузяськонэн герӟаськем курон-косонъёс юртто вал израиль калыклы валаны, соос понна мозмытӥсь курбон сётыны кулэ шуыса, кудӥз сьӧлыклэсь бервылъёссэ быдтыны но адямиосты выльысь тырбыдэс карыны быгатысал. Озьы Закон соос понна «Христос доры нылпиосты валтыса нуллӥсь кадь» луиз (Галатъёслы 3:24).
(Левит 12:3) тямысэтӥ нуналаз пичи пилы вандӥськон сямез ортчытозы;
wp18.1 7 б.
Вужмиз яке дырзэ азьпалтӥз?
• Вандӥськон сям
Инмарлэн Законэз косэмъя, али вордскем пиослы тямысэтӥ нуналаз вандӥськон сямез ортчыто вал (Левит 12:3). Вож нуныослэн, вордскем беразы арня ортчыса гинэ, вирзы орсмыны кутске. Вандӥськон сямез тямысэтӥ нуналаз гинэ ортчытон нылпиосты утиз. Малы ке шуоно со дыръёсы умой эмъюрттэт сётыны уг быгато на вал.
21—27-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 14, 15
Духовной марӟанъёсты утчаськомы
(Левит 14:14) соку янгыше сюрем понна сётӥськись курбон пудолэсь вирзэ священник басьтоз но чылкытатӥськись-сузяськись муртлэн бурпал пельдураз поноз, бур киызлэн бадӟым чиньы вылаз, бур пыдызлэн бадӟым чиньы вылаз поноз;
(Левит 14:17) нош кырым пыдэсаз кылем вӧйзэ священник чылкытатӥськись-сузяськись муртлэн бур пельызлэн дураз поноз, солэн бур киысьтыз бадӟым чиньы вылаз, бур пыдысьтыз бадӟым чиньыез вылэ поноз, янгыше сюрем понна курбон сётэм пудолэн вирызлэн бервылаз поноз;
(Левит 14:25) янгыше сюрем понна курбонлы ваем такаез вандоз, священник янгыше сюрем понна ваем курбон такалэсь вирзэ кутоз но чылкытатӥськись-сузяськись муртлэн бурпал пель дураз поноз, бур киызлэн бадӟым чиньы вылаз, бур пыдызлэн бадӟым чиньы вылаз поноз;
(Левит 14:28) кырым пыдэсысьтыз вӧез священник чылкытатӥськись-сузяськись муртлэн бурпал пель дураз поноз, бур киысьтыз бадӟым чиньы вылаз, бур пыдысьтыз бадӟым чиньы вылаз поноз,— янгыше сюрем понна курбон сётэм пудолэн вирызлэн бервылаз поноз;
it «Ухо», 9 абз.
Пель
Израильын священникъёсты пуктыкуз, Моисейлы кулэ вал курбон такалэсь вирзэ кутыны но соин зырӟыны Ааронлэсь но солэн вань пиосызлэсь бур пель дурзэс, озьы ик бур кизэс но бур пыдзэс. Со возьматэ вал: со, мае соос кылзозы, кыӵе ужез быдэсъялозы но кызьы улозы, соослэн сӥзиськеменызы герӟаськемын луыны кулэ шуыса (Лв 8:22—24). Озьы ик Законъя священник, гижлочерен висись муртэ чылкытатон-сузян дыръяз, янгыше сюрем понна курбонлы ваем такалэн вирыныз но вӧйын чылкытатӥськись-сузяськись муртлэсь бурпал пельдурзэ зырӟыны кулэ вал (Лв 14:14, 17, 25, 28). Со выллем ик лэсьто вал, куке адями кузёез доры пыраклы ляльчие кыльыны мылкыд каре вал: сое ӧс доры ваё вал но, кузёез пежъянэн солэсь пельзэ пасья вал. Пель бордысь сыӵе адӟиськись пус возьматӥз, вылды, ляльчилэн кузёезлэсь кылзӥськыса улэмез потэ шуыса (Пот 21:5, 6).
(Левит 14:43—45) Изъёсты бералляса поттэм бере, корка пушез вуштыса выль наштанэн наштам бере нош яра потӥз но аляны кутскиз ке, 44 соку священник лыктыса учкоз-чаклалоз но, яра корка пушкы вӧлмем ке, со курыт гижлочерлэн корка бордысь тодметэз луэ, соку со корка кырсь шуыса лыдъяськоз; 45 та коркаез сэрттыны кулэ, вань изъёссэ, наштам бервылэз, пуоссэ, город сьӧры поттыса, кырсь арбериосты куян интые кисьтоно.
g 1/06 14 б., рамка
Малэн ке пурысьтамез милемлы эш но, тушмон но луыны быгатэ
ВЕРАСЬКЕ-А БИБЛИЫН МАЛЭН КЕ ПУРЫСЬТАМЕЗ СЯРЫСЬ?
Библиын верамын «коркаос вылысь гижлочерлэн яраез» сярысь (Левит 14:34—48). Куд-огъёсыз лыдъязы, «гижлочерлэн яраез», кудзэ озьы ик «курыт гижлочерен» нимало вал, со корка бордысь пурысьтам вал шуыса. Нош зэмзэ-а со озьы, тодмо ӧвӧл. Кызьы гинэ медам луы, Инмарлэн Законэз косэмъя, коркалэн кузёосызлы сыӵе коркалэсь яраё изъёссэ бералляса поттоно вал, нош корка пушез быдэссэ вуштоно но ваньзэ, мар вылэ гижлочер алямын кадь адске, город сьӧрысь «кырсь арбериосты куян интые» поттоно вал. Нош «яра» выльысь потэ ке, соку быдэс коркаез кырсь шуыса лыдъяло но куашкато вал. Таӵе пыр-поч курон-косонъёс возьматӥзы, Иегова аслэсьтыз калыксэ юн яратэ но соос сярысь сюлмаське шуыса.
28-ТӤ ТОЛСУР — 3-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 16, 17
Духовной марӟанъёсты утчаськомы
(Левит 16:10) нош кыре лэзён понна пус усем кечтакаез улэпкын Кузё-Инмар азе со султытоз калыклы чылкытатон-сузян сямез ортчытон понна, собере сое луоё кыр дуннее келяса лэзьыны мед луоз шуыса.
it «Азазел», 6 абз.
Азазел
Иисус аслэсьтыз тырбыдэс адями улонзэ вань адямиослэн сьӧлыкъёссы понна курбонэ сётӥз. Кызьы валэктӥз апостол Павел, таин Иисус тросгес лэсьтӥз солэсь, мае лэсьтыны луэ вал «ошъёслэн но кечъёслэн вирзылы» луыса (Евр 10:4, 11, 12). Кыре лэзён понна кечтака выллем, Иисус милесьтым «висёнъёсмес Ас вылаз нуиз» но «законлы пумит улэммы понна... курадӟытэмын вал» (Ис 53:4, 5; Мф 8:17; 1Пт 2:24). Мукет кылъёсын вераса, Иисус ас вылаз басьтӥз сьӧлыкъёссэс ваньмызлэсь, кинъёс солэн дуно луись курбонэзлы оско. Со возьматӥз, Инмар сьӧлыкез быдэсак быдтыны малпа шуыса. Соин ик вераны луоз, «кыре лэзён понна кечтака» Иисус Христослэсь курбонзэ возьматэ шуыса.
(Левит 17:10, 11) Израиль калык пӧлысь, сьӧрлось тӥ пӧлын улыны лыктэм муртъёс пӧлысь кин ке но кыӵе ке но вирез сииз ке, соку Мон ымнырме со адями луллы пумит, вирез сиисьлы пумит, берыкто, со адямиез ас калыкез пӧлысь быдто, 11 малы ке шуоно мугорлэн лулыз вир пушкын улэ, тӥлесьтыд лулдэс чылкытатон-сузян понна курбон сётон ӝӧк вылэ вир мед поноды шуыса Мон сыӵе косон тӥледлы сётӥ, уго таӵе вир лулэз чылкытатэ-сузя;
w14 15/11 10 б., 10 абз.
Малы милемлы дун-чылкыт луыны кулэ
10 Лыдӟы Левитэз 17:10. Иегова израиль калыклы нокыӵе вирез сиыны ӧз лэзьы. Христианъёслы но уг яра адямиослэсь но пудо-животъёслэсь вирзэс уже кутыны (Ап. уж. 15:28, 29). Ми малпаны ик кышкаськомы, Инмар ымнырзэ милемлы пумит берыктоз но милемыз кенешысь поттоз шуыса. Ми Инмарез яратӥськомы, но милям солэсь кылзӥськеммы потэ. Улонмылы кышкытлык кылдэ ке но, милям юн мылкыдмы вань сётскытэк улыны соослы, кинъёс Иеговаез уг тодо но солэсь кылзӥськемзы уг поты. Ми тодӥськомы, вирез уже кутыны пумит луэммы понна, милемыз мыскыллялозы шуыса. Озьы ке но ми ужпум кутӥмы Инмарлэсь кылзӥськыса улыны (Иуда 17, 18). Мар юрттоз милемлы юн луыны, ми вирез медам сие но сое мугорамы медам лэзе шуыса? (К. Зак. 12:23).