Библиез эскерыкуды, дась луэ мае ке выльзэ тодыны

Мае ке эскеремдылэсь азьло малпаське, мае тӥляд тодэмды потэ. Со дыре ик эн вунэтэ, эскерон ортчытыкуды, Иегова тӥледлы мукет но малпанъёсты усьтыны быгатэ шуыса. Соин ик дась луэ малы ке вылезлы дышетскыны. Мар со понна кароно?

Визьлык сярысь вӧсяське. Куре Иеговаез, со тӥледлы мед юрттоз шуыса адӟыны, малы солэн тӥледыз али дышетэмез потэ (Иак. 1:5). Тӥ тодмо юанэз эскериськоды ке но, эн малпалэ, тӥ со сярысь ваньзэ тодӥськоды ини шуыса (Мад. 3:5, 6).

Эн вунэтэ, Библилэн туж бадӟым кужымез вань шуыса. «Инмарлэн кылыз улэп» (Евр. 4:12). Соин ик Библия пӧртэм дыре пӧртэм сямен юрттыны быгатэ. Но со юрттоз соку гинэ, куке ми дась солэсь визь-кенешъёссэ улонамы пыртыны.

Дунъялэ ваньзэ, мае сётэ Иегова. Духовной сиён, кудзэ сётэ Иегова,— «кӧё-вӧё сиёнъёс» кадь (Ис. 25:6). Соин ик, куд-ог юанъёс тӥледлы туж ик «ческытэсь» уг пото ке но, соосты эскерыса утчалэ. Тӥ паймоды, дыр, соос тӥледлы пайда но, шумпотон но вайыны быгато шуыса!