Суредаське, йырады кемалыгес мед кылёз шуыса

Котькудмылы куддыръя секыт тодамы вайыны сое, мае ми али гинэ эскеримы. Со дыре ик милемлы капчи тодамы вайыны, малы кемалась дышетӥз Иисус. Малы? Со вералляз сыӵе примеръёс, кудъёссэ капчи син азе пуктыны — соосты кылыку, йырын чебересь суредъёс кылдо кадь. Ми но эскероно материалмес син азямы пуктыны быгатӥськомы. Мар милемлы юрттоз? Суредаськон.

Соослэн, кинъёс мае ке выльзэ эскеро но суредасько, ӵем дыръя материал йыразы умойгес пыре. Суреданы луэ нимысьтыз кылъёсты но, быдэс малпанъёсты но. Одно ик туж чебер суредаськоно ӧвӧл — огшоры суредъёс тырмыт. Та амал туж тупа арлыдоослы.

Мукет дыръя мае ке эскерыкуды, тырше суреданы сое, мае тодӥды. Тӥ паймоды но шумпотоды, дыр, солы, макем трос тӥляд йырады кылиз!