Кызьы Христослэн кулэмез милемыз мозмытэ?

Адямиос сьӧлыкало, курадӟо но куло, малы ке шуоно нырысетӥ адямиос, Адам но Ева, Инмарлэсь ӧз кылзӥськеa. Но милям осконмы вань, ваньмыз воштӥськоз шуыса. Иегова аслэсьтыз Пизэ, Иисус Христосэз, музъем вылэ ыстӥз, со ми понна мед кулоз но милемыз сьӧлыклэсь но кулонлэсь мед мозмытоз шуыса. Библиын верамын, кулыса Иисус дун тыриз шуыса. Со дун тыриз озьы ик, кызьы дун тыро, куке кинэ ке кытысь ке мозмытэмзы потэ. Дун, кудзэ Иисус тыриз,— со солэн сьӧлыктэм адями улонэз. (Лыдӟе Матфейлэсь 20:28.) Иисуслэн правоез вал пумтэм вапумъёс ӵоже музъем вылын улыны. Но со правоезлэсь со куштӥськиз. Озьы со милемлы луонлык сётӥз басьтыны ваньзэ, мае ыштӥзы Адам но Ева. Со сяна, Иисуслэн кулэмез возьматӥз, макем со милемыз яратэ. Озьы ик со возьматӥз, макем юн яратэ милемыз Иегова. Та урок юрттоз милемлы эшшо но тросгес дунъяны сое, мар кариз ми понна Иисус.

1. Кызьы Христослэн кулэмез туннэ ик ини милемлы пайда вайыны быгатэ?

Ми ваньмы сьӧлыкоесь. Соин ик тросэз, мае ми лэсьтӥськомы, Иеговаез ӝоже уськытэ. Но ми жаляськомы ке со сярысь, мае лэсьтӥмы, Иисус Христос пыр куриськомы ке Иеговаез милемыз простить карыны но тыршиськомы ке азьланяз сыӵе янгышъёс лэсьтытэк улыны, ми быгатӥськомы Иеговалэн матысь эшъёсыз луыны (1 Иоанн 2:1). Библиын верамын: «Асьмеды Инмар доры ваён понна, асьмелэн сьӧлыкъёсмы понна, Христос но одӥг пол курадӟон адӟиз. Сьӧлыкоос понна Шонер Улӥсь мугорыныз виемын» (1 Пётр 3:18).

2. Кызьы Христослэн кулэмез милемлы азьланяз пайда вайыны быгатэ?

Иегова Иисусэз музъем вылэ ыстӥз, со адямиос понна мед кулоз шуыса. Иисус аслэсьтыз сьӧлыктэм улонзэ сётӥз, «котькудӥз но Солы оскись мурт медаз быры, солэн быронтэм улонэз мед луоз шуыса» (Иоанн 3:16). Иисуслэн кулэмезлы луыса, Иегова ӝоген быдтоз вань урод бервылъёсты, кудъёссэ вайиз адямиослы Адамлэн пумит ӝутскемез. Озьыен, ми оскиськомы ке, Иисус ми понна кулӥз шуыса, милям луонлыкмы кылдэ пумтэм вапумъёс ӵоже рай музъем вылын шумпотыса улыны! (Исаия 65:21—23).

МУРГЕС ЭСКЕРЕ

3. Иисус милемыз сьӧлыклэсь но кулонлэсь мозмытӥз

ВИДЕОРОЛИК: «Малы Иисус кулӥз?» (1-тӥ люкет) (2:01)

• Мае ыштӥз Адам, куке Инмарлэсь ӧз кылзӥськы?

Лыдӟе Римъёслы 5:12 но та юанлы валэктон сётэ:

• Кытчы вуттӥз Адамлэн сьӧлыкамез?

Лыдӟе Иоаннлэсь 3:16 но та юанлы валэктон сётэ:

• Малы Иегова аслэсьтыз Пизэ музъем вылэ ыстӥз?

1. А. Сьӧлыктэм адями, Адам, Инмарлэсь ӧз кылзӥськы. Соин вань адямиос сьӧлыклэн но кулонлэн ляльчиоссы луизы

2. Б. Сьӧлыктэм адями, Иисус, Инмарлэсь кылзӥськиз. Соин адямиослэн луонлыксы кылдӥз сьӧлыктэм луыны но пумтэм вапумъёс ӵоже улыны

4. Иисуслэн кулэмез вань адямиослы пайда вайыны быгатэ

ВИДЕОРОЛИК: «Малы Иисус кулӥз?» (2-тӥ люкет) (2:00)

• Кызьы одӥг адямилэн кулонэз вань адямиослы пайда вайыны быгатэ?

Лыдӟе 1 Тимофейлы 2:5, 6 но та юанлы валэктон сётэ:

• Адам сьӧлыктэм адями вал. Но со сьӧлыказ, соин адямиос сьӧлыко луизы но куло. Иисус но сьӧлыктэм адями вал. Соин ик мар карыны быгатэ вал Иисус?

5. Дун тырон — со Иеговалэн тӥледлы кузьымез

Иеговалэн эшъёсыз дун тыронэз кузьымен лыдъяло, кудзэ Иегова соослы кузьмаз. Тани одӥг пример. Лыдӟе Галатъёслы 2:20 но та юанлы валэктон сётэ:

• Кызьы Павеллэн кылъёсыз возьмато, дун тыронэз со кузьымен лыдъя вал шуыса, кудзэ Иегова солы кузьмаз?

Адам сьӧлыказ бере, со но солэн вань нылпиосыз кулыны кулэ вал. Но Иегова Пизэ сётӥз, ми пумтэм вапумъёс ӵоже улыны мед быгатомы шуыса.

Та кылбуръёсты лыдӟыкуды, тырше валаны, мар шӧдэ вал Иегова, Пиезлэсь курадӟемзэ адӟыса. Лыдӟе Иоаннлэсь 19:1—7, 16—18 но та юанлы валэктон сётэ:

• Кыӵе тӥляд шӧдонъёсты кылдо, Иеговалэсь но Иисуслэсь тӥ понна мар каремзэс тодыса?

ТОДЭ ВАЁН

Иисуслэн кулэмезлы луыса, Иегова милесьтым сьӧлыкъёсмес куштыны быгатэ но милям луонлыкмы кылдэ пумтэм вапумъёс ӵоже шумпотыса улыны.

Мае тон тодӥд?

• Малы кулӥз Иисус?

• Малы Иисуслэн сьӧлыктэм улонэз, кудзэ со адямиос понна сётӥз, адямиосты сьӧлыклэсь мозмытыны быгатэ?

• Кыӵе пайда вае тӥледлы Иисуслэн кулэмез?

ТРОСГЕС ТОДЭ

Тодэ, малы Иисуслэн кулэмез дун тырон луэ.

«Малы Иисуслэн кулэмез — со дун тырон?» (jw.org сайтысь статья)

Мар кароно утиськон понна?

«Малы Иисус — со Утись?» (jw.org сайтысь статья)

Быгатэ-а Иегова бадӟым сьӧлыкъёсты простить карыны?

«Библиысь юанъёслы валэктонъёс» («Возьмаськон башня», 2013-тӥ ар, 1-тӥ куартолэзь)

Тодэ, кызьы Христослэн кулэмез юрттӥз одӥг пиосмуртлы воштӥськыны.

«Мон лекъяськонлэн ляльчиез ӧвӧл ни» (jw.org сайтысь статья)