Ӝытанэз пусъён вакытлы ужпумъёс пукты

Котькуд аре Иеговалэн ужась-тыршисьёсыз Ӝытанэз возьмало. Ӝытанэз пусъён вакытэ милям трос луонлыкъёсмы вань Христослэн курбонэз понна Иеговаез данъяны но солы тау карыны (Еф 1:3, 7). Кылсярысь, ми тыршиськомы Ӝытанэ мукет адямиосты ӧтьыны. Куд-ог вын-агайёс но сузэр-апайёс ужъёссэс радъяло озьы, южтолэзе но оштолэзе юрттӥсь пионер луыса ужаны-тыршыны мед быгатозы шуыса (30 яке 50 час). Потэ-а тынад но Ӝытанэз пусъён вакытэ тросгес тодытэмед? Потэ ке, мар тыныд юрттоз?

Ӵем дыръя ми тросгес лэсьтӥськомы, азьло ик дасяськиськомы ке (Мд 21:5). Дыр ӝог ортче, соин ик Ӝытанлы али ик ини дасяськоно. Малпаськы, кыӵе удысъёсын тынад тросгес ужамед-тыршемед потэ но мар тыныд юрттоз. Нош собере кур Иеговаез тыршемдэ бакель карыны (1Ин 5:14, 15).

Мар карыны тон быгатод, Ӝытанэз пусъён вакытэ тросгес ужан-тыршон понна?