Пайдаё визь-кенешъёс. Мае эскерыны луэ

Мае нырысь ик эскероно?

Милям котькудмылэн ас поннамы Библиез эскерон понна трос ик дырмы ӧвӧл. Кызьы та дырмес пайдаен кутыны луоз? Нырысь ик, эн дыртэ. Трос информациез дыртыса учкем интые, умойгес луоз ӧжыт материалэз пыр-поч эскерыны.

Кыкетӥез, валаны тырше, мар кулэгес луэ (Еф. 5:15, 16). Тани кӧня ке визь-кенешъёс:

• Библиез котькуд нунал лыдӟе (Пс. 1:2). Нырысь ик лыдӟыны луоз со люкетъёсты, кудъёссэ ми котькуд арняе ужан нуналъёсы ортчись пумиськонъёсын эскериськомы.

• Эскеронэ пыриськон понна, дасяське «Возьмаськон башняысь» статьяез эскеронлы но ужан нуналъёсы ортчись пумиськонлы (Пс. 21:23).

• Дырды вань ке, эн вунэтэ мукет духовной сиён сярысь но. Кылсярысь, лыдӟе вӧлмытон понна журналъёсты, jw.org сайтысь статьяосты но учке видеоез.

• Малпалэ, мар тӥледлы тунсыко потэ, но эскерон ортчытэ. Шуом, тӥляд тодэмды потэ, кызьы кыӵе ке шуг-секытэн нюръяськоно, кыӵе ке юанды вань яке Библиысь мае ке умойгес валамды потэ.