Пәнд-нәсиһәтләр
31 Падиша Лемуилниң сөзлири.
Униң аниси бәргән муһим нәсиһәтләр.
2 Оғлум, саңа немә ейтай? Ич-қарнимниң оғли
Вә қәсәмлиримниң оғли, саңа немә дәй?
3 Өз күчүңни аялларға сәрип қилма вә шаһларни
Һалакәткә апиридиған йоллар билән маңма.
4 Лемуил, падишаларға шарапни көп ичиш
Лайиқ әмәс вә һөкүмдарларға һарақ-шарап
Ичимликлирини издәш ярашмайду.
5 Улар көп ичивелип, Қанунни унтуп қалиду,
Гадайларниң һоқуқлирини дәпсәндә қилиду.
6 Дәрт-һалакқа учриғанларға һарақни
Бериветиңлар вә шарапни хапа җанларға.
7 Улар ичип, кәмбәғәллигини унтисун
Вә дәрдидин тәсәлли тапсун.
8 Еғизлириңни өзини қоғдамайдиғанлар
Пайдисиға ачқин вә барлиқ бечариләр
Үчүн һимайичи болғин.
9 Һәққаний сот болуши үчүн ағзиңни ечип,
Тәқипләнгән вә езилгәнни һимайә қил.
א [Алеф]
10 Ким яхши аялни тапиду?
Униң баһаси мәрвайитлардин бәк үстүн.
ב [Бет]
11 Униң йолдиши пүткүл жүриги билән униңға
Ишиниду вә һеч муһтаҗлиқ тартмайду.
ג [Гимел]
12 Аяли униңға өмриниң барлиқ күнлиридә
Яманлиқ әмәс, бәлки пәқәт яхшилиқ әкелиду.
ד [Далет]
13 У жуң билән зиғирни тәйярлап,
Өз қоли билән ишләйду.
ה [Хе]
14 У кәби содигәр кемиләрдәк,
Жирақтин ненини тапиду.
ו [Вав]
15 У техи таң атмиғанда туруп, өйдикилиригә
Озуқни таритип, хизмәткарлириға
Тәәллуқ барлиқ нәрсиләрни бериду.
ז [Зайин]
16 Етизни сетивелишни ойлап, уни алиду.
Өз әмгиги билән тапқан хираҗәткә
Үзүмзарлиқни тикип, асрайду.
ט [Хет]
17 У белини күч билән бағлап, еғир ишқа
Киришиду. У қоллирини мәккәм-чиң қилиду.
ט [Тет]
18 Шуни һис қилидуки, униң содиси яхшидур,
Кирим әкәлмәктә, шуңлашқа чириғи һәтта
Узун түндиму өчмәйду.
י [Йод]
19 Қоллирини жип егиргүчигә созуп,
Бармақлири дукқа жипни орайду.
כ [Каф]
20 Алиқинини гадайға ечип, мәртлик
Билән намратни тәминләйду.
ל [Ламед]
21 У өйдикилири үчүн соғдин қорқмайду,
Чүнки униң пүтүн өйи қатмуқат иссиқ
Җуга-кийимләргә кийилгән.
מ [Мем]
22 У өзи гиләмләрни тоқуйду вә униң
Кийими есил зиғир билән сөсүн жуңдур.
נ [Нун]
23 Униң йолдишини шәһәр дәрвазилири
Йенида яхши билиду. У шу йәрдә хәлиқ
Ақсақаллири билән олтириду.
ס [Самех]
24 Мәзкүр аял тикип, зиғир кийимләрни
Сатиду вә содигәрләргә бәлбағларни
Чаққан тәйярлап бериду.
ע [Айин]
25 Униң кийими сапалиқ һәм гөзәл. У
Келәчәккә ишәшлик, хошал қарайду.
פ [Пе]
26 У еғизлирини данишмәнлик билән ачиду
Вә униң тилида вапа муһәббәт қанунидур.
צ [Цаде]
27 У өйидики ишларниң беҗиришини байқайду
Вә һечқачан һорунлуқ ненини йемәйду.
ק [Коф]
28 Балилири охинип, уни мәдһийиләйду,
Йолдиши туруп, уни мол махтайду:
ר [Реш]
29 «Нурғунлиған мунасип аяллар бар,
Лекин сән һәммисидин ешип чүштиң!»
ש [Шин]
30 Гөзәллик алдамчи болиду вә йеқимлиқ чирай
Қуруқ-бекар болуши мүмкин. Амма Йәһвадин
Қорқудиған аял һәрқандақ махташқа лайиқтур!
ת [Тав]
31 Униң қилған ишлириниң мевилиригә мувапиқ
Мукапат бериңлар. Уни ишлири үчүн шәһәр
Дәрвазилири қешида дайим махтисун!