Салоникилиқларға 2-хәт
2 Қериндашлар, Һакимдаримиз Әйса Мәсиһниң һазирлиниши һәм бизниң униңға жиғилишимиз тоғрисида өтүнүмизки, 2 силәр өз мулаһизилириңларда иккилинишкә алдиримай, йә роһландурулған хәвәрдин, йә Йәһваниң күни йетип кәлди, дегән бизниңмиш хәттин вайимға чүшмәңлар.
3 Силәрни һечким у яки бу усул билән езиқтурмисун, чүнки у күн авал һәқиқәттин чәтнәшлик кәлмигичә вә һалакәтниң оғли, қанунсизлиқниң адими ечилмиғичә кәлмәйду. 4 Ушбу дүшмән «худа» яки ибадәт қилидиған зат, дәп атилидиған нәрсидин өзини үстүн қойиду. У Худаниң ибадәтханисида олтирип, өзини Худадәк көрситиду. 5 Мән силәрдә болғанда, мошу тоғрилиқ ейтқанлиғим есиңларда әмәсму?
6 Әнди силәр билисиләрки, у өз вақтида ечилғичә уни ким тутуватиду. 7 Шундиму, бу қанунсизлиқниң сири мана һәрикәткә кәлди, лекин һазирчә, уни тосуп келиватқанлар йолдин кәткичә, у йошурун болиду. 8 Шу чағда қанун бузғучи ашкарилиниду, лекин уни Һакимдаримиз Әйса еғизиниң роһи билән өлтүриду вә һазирлинишиниң һадисиси билән ахирлаштуриду. 9 Қанунсизниң һазир болуши Шәйтанниң һәрқандақ қудрәтлик ишлири һәм сахта мөҗүзилири вә карамәтлири арқилиқ жүргүзүлиду. 10 У һәрқандақ һәққанийсиз алдамчилиқ билән һәрикәтлиниду — бу өлүватқанларға өз қутқузулуши үчүн һәқиқәткә сөйгүни қобул қилмиғанлиғиға интиқам болиду. 11 Шу сәвәптин Худа уларниң ялғанчилиққа ишинишиға, аздурулуш һәрикитиниң уларға тәсир қилишиға йол қоюватиду. 12 Ақивәттә шундақлар һәқиқәткә ишәнмәй, һәққанийсизлиқта раһәтләнгәнлиги үчүн сотлиниду.
13 Лекин биз һәрқачан силәр үчүн, Йәһва сөйгән қериндашлар, Худаға шүкүр ейтимиз, чүнки Худа силәрни Өз роһи билән муқәддәсләп һәм һәқиқәткә болған ишәнчәңлар арқилиқ баштин ниҗатқа таллиди. 14 У силәрниң Һакимдаримиз Әйса Мәсиһниң шан-шәрипигә егә болушиңлар үчүн, биз ейтиватқан хуш хәвәр арқилиқ бу ниҗатқа чақирди. 15 Шуңлашқа, қериндашлар, мәккәм туруп, үгәнгән әнъәниләргә, мәйли еғизчә яки хетимиз арқилиқ болсун, әмәл қилиңлар. 16 Һакимдаримиз Әйса Мәсиһ вә бизни сөйгән һәм мол меһирлиги түпәйлидин мәңгү тәсәлли вә меһриван үмүт бәргән Худа Атимиз 17 қәлблириңларни хатирҗәм қилип, силәрни һәрқандақ яхши ишта һәм сөздә мустәһкәмлисун.