Пәнд-нәсиһәтләр

21 Падишаниң жүриги кәби сулар еқинидәк

Йәһва Худаниң қолида. У уни халиған

Тәрәпләргә әвәтишкә қабилдур.

 2 Һәрқандақ йол инсанниң көзидә дурус көрүнәр,

Амма Йәһва жүрәкләрни өлчәйду.

 3 Йәһва үчүн тоғра һәм қанунлуқ ишлар

Көплигән қурбанлиқлардин ошуғирақ.

 4 Чоңчи қарашлар вә тәкәббур жүрәк

Явузларға чирақ болиду. Бу гунадур.

 5 Тиришчан адәмниң реҗилири уттур

Молчилиққа апириду, барлиқ алдирақсан

Кишини йоқсизчилиқ күтиду.

 6 Ялғанчилиқ билән тапқан ғәзниләр —

Йоқап кетидиған туман вә өлүм җазаси.

 7 Беқанунлар тарқитиватқан һалакәт

Өзлириниму елип кетиду, чүнки улар

Адаләтликкә өч рәзилләр.

 8 Әйипкарниң йоли әгир, пакниң

Жүригиму һәм ишлириму уттур.

 9 Өгүзниң булуңида яшаш — бир өйдә

Урушқақ аял билән яшаштин яхширақ.

 10 Зомигәр зулум ишларға амрақ,

У ағинисиғиму ич ағритмайду.

 11 Йолидин чиққанни җазалисаң, тәҗрибисизму

Әқиллигирәк болиду. Данани үгәтсәң, у

Қандақ иш тутуш керәклигини билип чиқиду.

 12 Қанунсизниң өйи үстидин Һәққаний қарайду.

Рәзилләрни У һалакәткә әкелиду.

 13 Ким қулиғини бечариниң вақиришидин япса,

Өзи вақириғанда, һечким аңлимайду.

 14 Мәхпий берилгән һәдийә ғәзәп-аччиқни

Басиду вә пара — қаттиқ қәһәрни.

 15 Һәққаний үчүн адил иш қилиш

Хошаллиқ беғишлайду, явузлар болса,

Һәққанийлиқтин қорқуйду.

 16 Сағлампикирсиз, йолдин адашқан киши

Өлүкләр арисида ятиду.

 17 Тамашиға амрақ һаллиқ киши болмайду.

Ким шарап билән яққа һәвәс бағлиса,

У бай болмайду.

 18 Һәққаний үчүн төләмгә қанунсиз

Берилиду вә растчил үчүн қув киши.

 19 Чөл-тақирда ялғуз яшаш териккәк һәм

Котулдақ аял билән яшаштин артуқ.

 20 Баһалиқ затлар һәм зәйтун мейи

Данишмәнниң маканида болиду.

Надан өз өйини вәйран қиливетиду.

 21 Һәқ билән вапа сөйүмгә интизар киши һаятлиқ,

Һәққанийлиқ һәм шөһрәт тапиду.

 22 Күчлүкләр шәһиригә дана кирәләйду,

Улар таянған қорамташни гумран қилиду.

 23 Ким өзиниң еғизлирини беқип, тилини тизгинлисә,

Җенини дәртләрдин сақлайду.

 24 Мәғрур, тәкәббурни көрәң, дәп атайду.

У мәнмәнлиғиниң ишқида шундақтур.

 25 Бели бошниң ачкөзлүги уни өлтүриду,

Чүнки униң қоллири әмгәккә үгәнмигән.

 26 Һәр күни у бир нәрсини һәсәт қилиду,

Һәққаний болса, барини берип, айимайду.

 27 Һарамларниң қурбанлиғи — жиркинич нәрсә,

Болупму уни яман нийәтләр билән тәғдим қилса.

 28 Ялған гувачи қаза тапиду, өзи аңлиғанни

Ейтидиған киши ахириғичә утуқлуқ.

 29 Қанунсиз киши чирайини ишәшлик тутиду,

Диянәтлик тоғра йолда жүриду.

 30 Йәһва Рәббкә қарши йә даналиқ,

Йә әқил, йә мәслиһәт йоқтур!

 31 Атни җәң күнигә тәйярлайду,

Лекин ниҗатни Йәһва Тәңри бериду.