Марк
16 Шәнбә күни өтүп кәткәндә, Мәрийәм Мәҗдала, Яқупниң аниси Мәрийәм вә Саломия Әйсаниң җәсидигә сүркәш үчүн, хушпурақлиқ кокатларни сетивелишти. 2 Һәптиниң биринчи күни таң сәһәрдә, күн чиққан мәзгилдила, улар қәбиргә кәлди. 3 Йолда келиветип, бир-бирсигә: «Ким бизгә қәбирниң ағзидики ташни домулитип берәр?»— дәтти. 4 Бирақ улар келип қариса, ташниң йоған болушиға қаримастин, униң нери ятқинини көрүшти. 5 Қәбир ичигә киргәндә, улар оң тәрәптә узун ақ кийим кийгән яш жигитниң олтарғинини көрүп, һәйран болуп қетип қалди. 6 У уларға: «Һаң-таң қалмаңлар. Силәр түврүктә өлтүрүлгән насирәлик Әйсани издәватқиниңларни билимән. У тирилди, у бу йәрдә йоқ. Қараңлар, мана бу — у қоюлған орун. 7 Әнди берип, Петрусқа һәм шагиртларға мундақ дәңлар: «У силәрни Җәлилийәдә күтиду. Шу йәрдә, у ейтқинидәк, уни көрисиләр»,— деди. 8 Улар қәбирдин чиқишип жүгриди, чүнки қаттиқ қорқушуп, алақзадә болуп кәтти. Шундақ қорқуп кәткәчкә, улар һечкимгә һечнәрсә ейтмиди.