Апрель

Муқәддәс китапта Йәһваниң қедимқи замандики хизмәтчилириниң күтмигән синақларға дуч кәлгәнлиги йезилған. Яқуп пәйғәмбәрниң мисалини көрүп бақайли. Дадиси уни ишәнчлик дәп қариған Лабанниң қизлиридин бири билән той қилишқа буйриған вә Йәһваниң униңға мол бәрикәтләрни яғдуридиғанлиғиға ишәнгән (Ярит. 28:1—4). Шуниң билән Яқуп тоғра иш қилған. У Қанан зиминидин айрилип, Лабанниң өйигә барған. Лабанниң Лия вә Раһилә исимлиқ қизлири бар еди. Яқуп Лабанниң кичик қизи Раһиләни яхши көрүп қалған вә униң билән той қилиштин бурун дадиси Лабанға йәттә жил ишләп беришкә қошулған (Ярит. 29:18). Бирақ, ишлар Яқуп үмүт қилғандәк болмиған. Лабан уни алдап, чоң қизи Лия билән тойини қилип қойған. Лабан Яқупниң бир һәптидин кейин Раһилә билән той қилишиға рухсәт қилған, амма буниң үчүн Яқуп йәнә йәттә жил униңға ишләп бериши керәк еди (Ярит. 29:26, 27). Лабан йәнә Яқуп билән түзгән сода келишимлиридә адил болмиған. Шундақ қилип, Яқуп җәми 20 жил Лабанға ишләп бәргән! (Ярит. 31:41, 42) w23.04 15-б., 5-абз.

Биз тәсәлли вә көрсәтмиләргә муһтаҗ болғанда, кимдин ярдәм соралаймиз? Соалниң җавави ениқ, биз Йәһва Худаға дуа қилалаймиз. Йәһва Худа бизни дәл шундақ қилишқа чақириду. Муқәддәс китап бизгә: «Үзлүксиз дуа қилиңлар»,— дәйду (Сал. 1-х. 5:17). Биз дуада бемалал Униңға йеқинлишалаймиз вә һаятимизниң һәр саһасида Униңдин көрсәтмиләрни соралаймиз (Пәнд н. 3:5, 6). Худайимиз Йәһва сехий болғачқа, бизниң қанчә қетим яки қанчә узун вақит дуа қилишимизға чәк қоймайду. Йәһва дуалиримизни интайин қәдирләйдиғанлиғини Әйса чүшәнгән еди. У йәр йүзигә келиштин узун заман илгири Атисиниң садиқ әр-аял хизмәтчилириниң дуасиға җавап бәргәнлигини көргән. Мәсилән, Һанна, Давут вә Илияс пәйғәмбәрләрниң чин қәлбидин қилған дуалириға Атиси җавап бәргәндә, Әйса Униң йенида еди (Сам. 1-яз. 1:10, 11, 20; Пад. 1-яз. 19:4—6; Зәб. 32:5). Шуңа, Әйса өз шагиртлириға дайим ишәнч билән дуа қилишни үгәткән (Мәт. 7:7—11). w23.05 2-б., 1, 3-абз.

Баш роһаний болған Йәһоядаһ Йәһвадин әймәнгән. Изәбәлниң қизи Аталия Йәһуда падишалиғиниң тәхтини тартивалмақчи болғанда, Йәһоядаһниң Худадин әйминидиғанлиғи ениқ көрүнгән. Аталия рәһимсиз вә ачкөз болуп, һоқуқни қолға кәлтүрүш үчүн, һәтта пүтүн хан-җәмәтини, йәни өзиниң нәврилирини өлтүрмәкчи болған (Тар. 2-яз. 22:10, 11). Шуларниң арисидики бири Йәһоаш аман қалған, чүнки Йәһоядаһниң аяли Йәһошеба уни қутқузуп қалған. У вә униң ери балини йошуруп қоюп униңға ғәмхорлуқ қилған. Мошу арқилиқ Йәһоядаһ вә Йәһошеба Давутниң тәхтигә варислиқ қилидиған падишани қоғдап қалған. Йәһоядаһ Йәһваға садиқ болғачқа, у Аталиядин қорқуп вәһимигә чүшмигән. Йәһоаш йәттә яшқа киргәндә, Йәһоядаһ йәнә бир қетим Йәһваға болған садақитини көрсәткән. У бир план түзгән. Әгәр план оңушлуқ болса, Йәһоаш Давутниң тәхтигә варислиқ қилатти. Әгәр бу план мәғлуп болса, Йәһоядаһ җәзмән һаятидин айрилатти. Бирақ Йәһваниң бәрикәтлиши билән бу план оңушлуқ болған. w23.06 17-б., 12, 13-абз.

Небуқаднисар падиша шуларни аңлиғанда, Даниялни өзиниң дүшмини дәп қарап, уни өлтүрүши мүмкин еди. Амма Даниял җасарәт билән йәнила шу хәвәрни йәткүзгән. Даниялға немә ярдәм бәргән? Наһайити ениқки, Даниял яш вақтида өз ата-анисиниң үлгисидин үгәнгән (Қ. шәр. 6:6—9). Даниял он пәрманға охшаш Тәвраттики асасий қануннила әмәс, бәлки немини йейишкә болидиғанлиғи яки болмайдиғанлиғи тоғрисидики нурғун тәпсилатларниму билгән (Лав. 11:4—8; Дан. 1:8, 11—13). Даниял йәнә Худа хәлқиниң тарихини үгәнгән вә улар Йәһваниң өлчәмлири бойичә яшимиғанда немә болғанлиғини билгән (Дан. 9:10, 11). Даниялниң һаятидики кәчүрмишләр уни Йәһва Худа вә Униң күчлүк пәриштилириниң өзини қоллиғанлиғиға ишәндүргән (Дан. 2:19—24; 10:12, 18, 19). w23.08 3-б., 5, 6-абз.

Рәбәкә әқиллиқ вә керәк вақитта җасур қарарларни қилалиған аял еди. У қачан вә қандақ иш қилишни яхши билгән (Ярит. 24:58; 27:5—17). Шундақтиму Рәбәкә һөрмәт көрсәткән вә көрсәтмиләргә бойсунушқа тәйяр болған (Ярит. 24:17, 18, 65). Сизму униңға охшаш Йәһваниң орунлаштурушини кәмтәрлик билән қоллап-қувәтләш арқилиқ аилиңизгә вә җамаәттики қериндашларға яхши тәсир қилалайсиз. Кичик пеиллиқ пишип йетилгән Худа хизмәтчилири үчүн муһим бир пәзиләт. Әстәр Худадин әйминидиған интайин кичик пейил аял болған. Шуңлашқа, Әстәр ханиш болғандин кейинму өз бешимчилиқ қилмиған. У акиси Мордикайниң мәслиһитигә қулақ селип, униң сөзлири бойичә иш қилған (Әст. 2:10, 20, 22). Сизму нәсиһәткә қулақ селип, уни һаятиңизда ишлитиш арқилиқ Әстәргә охшаш кичик пеиллиқни нәмаян қилалайсиз (Тит. 2:3—5). Әстәр кичик пеиллиқни йәнә башқа бир тәрәптин көрсәткән. У «келишкән һәм нурҗамаллиқ» болсиму, бирақ башқиларниң диққитини өзигә тартишқа һәрикәт қилмиған (Әст. 2:7, 15). w23.12 19, 20-б., 6—8 абз.

Йәһва һәрдайим өзүмизни гунакар һис қилишимизни халимайду. Әгәр гуналиримизни етирап қилип, товва қилсақ вә уларни қайтилимаслиқ үчүн һәрикәт қилсақ, Йәһваниң бизни кәчүргәнлигигә ишәнсәк болиду (Әлч. 3:19). Бу қәдәмләрни қилғандин кейин Йәһва Худа өзүмизни давамлиқ гунакар һис қилишимизни халимайду, чүнки У буниң биз үчүн зиянлиқ екәнлигини билиду (Зәб. 31:10). Әгәр һәддидин зиядә қайғу-һәсрәт чәксәк, һаятлиқ мусабиқисини давамлаштуруштин ваз кечишимиз мүмкин (Кор. 2-х. 2:7). Дайим өзүңизни гунакар һис қилсиңиз, Йәһваниң һәққаний кишиләрни чин дилдин кәчүрүм қилидиған Худа екәнлигини әстин чиқармаң (Зәб. 130:4). У чин қәлбидин товва қилғанларни кәчүргәндә, уларниң гуналирини есигә алмайдиғанлиғини вәдә қилған (Йәр. 31:34). Демәк, Йәһва кәчүргәндин кейин, илгири өткүзгән гуналиримизни қайта әскә алмайду. Өтмүштики хаталиқлар сәвәплик җамаәттики бәзи мәсъулийәтләрни орунлаштин мәһрум қалсиңиз, көңлүңизни йерим қилмаң. Йәһва Худа өткүзгән гуналириңиз тоғрилиқ дайим ойлимайду. Шундақ екән, сизму ойлимаслиғиңиз керәк. w23.08 30, 31-б., 14, 15-абз.

Таҗсиман вируси тарқалғанда, кишиләрни қаймуқтуридиған сөзләргә қулақ салидиғанлар орунсиз ғәм-әндишиләрни қилған. Амма тәшкилатимизниң көрсәтмилиригә қулақ салған Йәһва гувачилири буниңдин сақлиналиған (Мәт. 24:45). Биз чоқум диққитимизни техиму муһим ишларға қаритишимиз керәк (Флп. 1:9, 10). Диққитимизни чачидиған ишлар бәк көп вақтимизни вә зеһнимизни исрап қилиду. Адәттә турмушимиздики ишлар, мәсилән, йәп-ичиш, көңүл ечиш вә ишләп пул тепиш һаятимизда әң муһим орунда болса, диққитимиз чечилип кетиши мүмкин (Луқа 21:34, 35). Униңдин башқа һәр күни җәмийәттә болуватқан талаш-тартишлар вә сәясий мәсилиләр тоғрилиқ хәвәрләрни аңлап туримиз яки оқуймиз. Биз чоқум әшу талаш-тартиш ишқа арилишип қелиштин өзүмизни тартишимиз керәк. Болмиса, биз ой-пикиримиз яки қәлбимиздә мәлум бир тәрәпни қоллашқа башлишимиз мүмкин. Шәйтан һәр түрлүк усулларни ишлитиду, униң мәхсити — тоғра иш қилиш ирадимизни аҗизлаштуруш. w23.07 16, 17-б., 12, 13-абз.

Йәһва Худаниң хәлқи үчүн жилниң әң муһим күни — Әйса Мәсиһниң өлүмини Хатириләш мәрасими. Һәзрити Әйса өз әгәшкүчилиригә уни әсләп туруш үчүн шундақ қилишни буйриған (Луқа 22:19, 20). Хатириләш мәрасими Әйсаниң қурбанлиғи үчүн миннәтдарлиғимизни билдүрүшниң усуллирини есимизгә салиду (Кор. 2-х. 5:14, 15). Йәнә бу жиғилиш қериндашлар билән җәм болуп, «өз ара илһам» елиш үчүн пурсәт яритиду (Рим. 1:12). Һәқиқәткә қизиқидиған кишиләр бу алаһидә учришишта аңлиғанлири вә көргәнлиридин тәсирлинип, Муқәддәс китапни үгинишни қарар қилиду. Униңдин башқа, бу алаһидә мәрасим дунияниң һәр қайси җайлиридики қериндашларни қандақ бирләштүридиғанлиғини ойлап көрүң. Шуңа, бу Мәсиһниң өз һаятини төләм қурбанлиғи үчүн бәргәнлигини әсләйдиған күн қәлбимиздә алаһидә орун егилиши һәйран қаларлиқ әмәс. w24.01 8-б., 1—3 абз.

Йәһва Худа билән Әйса Мәсиһниң биз үчүн шунчә чоң қурбанлиқ бәргәнлиги һәққидә ойланғансири, уларниң һәрбиримизни қанчилик чоңқур сөйидиғанлиғини техиму яхши чүшинимиз (Гал. 2:20). Йәһва Худа төләм арқилиқ бизгә сөйгү-муһәббитини ипадиләйдиған бир соға бәргән. Йәһва Өзиниң әң сөйүмлүк Оғлини төләм сүпитидә бәргәнлиги арқилиқ бизни қаттиқ сөйидиғанлиғини испатлиған. Йәһва Худа бизгә ярдәм қилиш үчүн Әйса Мәсиһниң азап-оқубәт чекип өлүшигә йол қойған. Йәһва Өз қәлбидики һис-туйғулирини йошурмай, сөйгү-муһәббитини очуқ-ашкарә ипадилигән (Йәр. 31:3). Йәһва Худа бизни чин қәлбидин сөйгәчкә, Өзигә җәлип қилди (Қанун шәрһи 7:7, 8 селиштуруң). Һечнәрсә вә һечким бизни Униң сөйгү-муһәббитидин айриветәлмәйду (Рим. 8:38, 39). Униң меһир-муһәббити сизгә немини һис қилдуриду? w24.01 28-б., 10, 11-абз.

Майланған етиқатчилар асмандики үмүтини интайин қәдирләйду. Шуларниң бири Фредерик Френц бурадәр болған. У 1991-жили мону сөзләрни ейтқан: «Үмүтимиз чоқум әмәлгә ашиду. 144 000 кишиниң һәрбири Худаниң вәдә қилған мукапатиға еришип, һәтта өзлири тәсәввур қилғандинму артуқ бәрикәтләргә еришиду. . . Үмүтүмиз өз қиммитини һәргиз йоқатмайду. Үмитимизниң әмәлгә ешишини қанчә узун күтсәк, шунчә көп миннәтдар болумиз. Күтүшкә тоғра кәлсиму, бу күтүшимизгә әрзийду. Һазир еришкән үмүтүмни техиму қәдирләймән». Мәйли асманда яки йәрдә болсун, мәңгү яшаш үмити бизгә хошаллиқ әта қилиду. Бизниң хошаллиғимиз үмүтүмизни техиму күчәйтиду. w23.12 9-б., 6-абз.; 10-б., 8-абз.

Қедимки Муқәддәс чедирниң алдида Йәһва Худаға қурбанлиқларни сунидиған бир мис қурбанлиқ суписи бар еди (Чиқ. 27:1, 2; 40:29). Бирақ әшу қурбанлиқлар инсанларни гуналардин толуқ кәчүрүмгә ериштүрәлмәтти (Ибр. 10:1—3). Муқәддәс чедирда давамлиқ түрдә һайванларни қурбанлиққа елип келиш келәчәктә инсанийәтни гуналиридин пүтүнләй кәчүрүмгә ериштүридиған бир қурбанлиқ муһтаҗ болидиғанлиғини көрситип бәргән. Әйса шуни ениқ билгәнки, Йәһва уни йәр йүзигә инсанийәт үчүн төләм сүпитидә җенини қурбан қилишқа әвәткән еди (Мәт. 20:28). Шуңлашқа, Әйса чөмдүрүлүштин өтүп, Йәһваниң ирадисини орунлашқа тәйяр болғанлиғини көрсәткән (Йоһ. 6:38; Гал. 1:4). Буниңға ишинидиған кишиләрниң гуналири пүтүнләй йепилиду, йәни кәчүрүм қилиниду (Ибр. 10:5—7, 10). w23.10 26, 27-б., 10, 11-абз.

Биз һәргизму өз күчимиз билән гуна вә өлүмниң қуллиғидин азат болалмаймиз (Зәб. 49:7, 8). Бизни қутқузуш үчүн Атимиз Йәһва шундақ бир орунлаштурушни қилған, йәни Әйса биз үчүн өз җенини қурбан қилған. Бу Йәһва билән Әйса үчүн асанға чүшмигән еди. Уларниң биз үчүн қилғанлири һәққидә қанчә көп ойлиғансири, төләм үчүн техиму миннәтдар болумиз. Адәм ата гуна қилғандин кейин өзи вә барлиқ әвлатлирини мәңгү яшаш пурситидин мәһрум қилди. Адәм ата йоқатқанни қайтуруп сетивелиш үчүн Әйса мукәммәл һаятини төләм сүпитидә бәргән. Һәзрити Әйса йәрдә болғанда «гуна қилмиған, еғизидинму ялғанчилиқ тепилмиған» (Пет. 1-х. 2:22). Әйса Мәсиһ өлгәндә, у мукәммәл һаяти билән Адәм ата йоқатқан һаятқа тәң қиммәттики төләмни төлигән (Кор. 1-х. 15:45; Тим. 1-х. 2:6). w24.01 10-б., 5, 6-абз.

Әйса тирилгәндин кейин роһий ибадәтханиниң Әң муқәддәс җайиға кирди. Көргинимиздәк, Мәсиһ әгәшкүчилириниң бу ибадәт орунлаштуруши қедимқи ибадәт орунлаштурушидин һәқиқәтән техиму яхши. Чүнки Йәһва Худа бу пак ибадәт орунлаштурушни Әйса Мәсиһниң төләм қурбанлиғи вә роһанийлиқ вәзиписи асасида орунлаштурған. Қедимқи Исраилда баш роһаний һайванларниң қурбанлиқ қени билән инсан ясиған чедирдики Әң муқәддәс җайға киргән еди. Лекин, Әйса Мәсиһ «асманниң өзигә кирди». У аләмдики әң муқәддәс йәргә кирип, «гунани йоқ қилиш үчүн, бир қетим һәм мәңгүгә өзини пида қилди», йәни, биз үчүн өзиниң мукәммәл һаятини Худаға сунған (Ибр. 9:24—26). Үмүтимиз мәйли асманда яки йәрдә яшаш болсун, һәммимиз роһий ибадәтханида Йәһваға ибадәт қилалаймиз. w23.10 28-б., 13, 14-абз.

Әйсаниң бизниң Падишайимиз вә бизгә һисдашлиқ қилидиған Баш роһаний сүпитидә асманда һөкүмранлиқ қиливатқанлиғи һәққидә чоңқур ойлап көрүң. Биз у арқилиқ дуада Худаниң тәхтигә йеқинлишалаймиз вә дәл муһтаҗ болған чағда рәһим-шәпқәт соралаймиз (Ибр. 4:14, 15). Йәһва билән Әйса Мәсиһниң бизгә қилған вә қиливатқан ишлири һәққидә һәр күни ойлинайли. Уларниң бизгә көрсәткән сөйгү-муһәббити қәлбимизгә чоңқур тәсир қилип, бизни қизғин вәз қилишқа вә ибадәт қилишқа дәвәт қилиши керәк (Кор. 2-х. 5:14, 15). Миннәтдарлиғимизни билдүрүшниң әң яхши йоллиридин бири — башқиларға Йәһва гувачиси вә Әйсаниң шагирти болушқа ярдәм бериштур (Мәт. 28:19, 20). Әлчи Паул дәл шундақ қилған. У Йәһваниң ирадиси «һәммә инсанларниң һәқиқәт тоғрилиқ тоғра билимгә егә болуп қутқузулушидур» дегән һәқиқәтни яхши билгән еди (Тим. 1-х. 2:3, 4). w23.10 22, 23-б., 13, 14-абз.

Нурғунлиримиз башқиларға вәз қилғанда кишини һаяҗанға салидиған җәннәт һәққидики мошу айәтни пайдилинимиз. Биз Вәһий 21:3, 4-айәтләрдә тилға елинған бәрикәтләрниң әмәлгә ашидиғанлиғиға өзүмизни вә башқиларни қандақ ишәндүрәләймиз? Йәһва бу әҗайип вәдиләрни берипла қалмай, униңға ишинишимизгә ярдәм беридиған дәлил-испатларни тәминләп бәргән. Келәрки айәтләрдә Йәһваниң җәннәт тоғрилиқ қилған вәдисигә ишәнч қилишимизниң бәзи сәвәплирини тапимиз. «Тәхттә Олтарғучи: “Мана, Мән һәммә йеңи нәрсини яритиватимән”,— йәнә қошуп: “Йезип қой, чүнки бу сөзләр ишәнчлик вә һәқтур”,— деди. Андин У маңа йәнә: “Улар әмәлгә ашти! Мән Альфа вә Омега, Беши вә Айиғидурмән”» (Вәһ. 21:5, 6а). w23.11 3-б., 3—5 абз.

Чоңқур ойлиниш иқтидарини йетилдүргән яшлар кийим-кечәк вә чач фасонлирини таллашта яхши қарарларни чиқириду. Дайим йеңилиниватқан мода еқими көпинчә Йәһва Худани һөрмәтлимәйдиған яки әхлақсиз турмуш кәчүридиған кишиләр үчүн лайиһиләнгән вә тәшвиқ қилинған. Шундақ әхлақсиз көзқариши бар кишиләр тар йепишип туридиған яки аялларниң кийимигә охшаш кийимләрни чиқириду. Шуңа, яш бурадәрләр роһий җәһәттин пишип йетилишини халиса, чоқум Муқәддәс китаптики принциплар бойичә кийиниши вә җамаәттики үлгилик Мәсиһ әгәшкүчилиридин үгиниши лазим. У өзигә мундақ соал қойса болиду: «Ташқи көрүнүшүм сағлам ой-пикирлик екәнлигимни вә башқиларни һөрмәтләйдиғанлиғимни көрситәмду? Кийимим башқиларниң нәзәридә мениң Худаға садиқ хизмәтчиси екәнлигимни көрситәмду?» (Кор. 1-х. 10:31—33) Чоңқур ойлиниш иқтидариға егә киши пәқәт етиқатчи қериндашларниң әмәс, асмандики Атисиниңму иззәт-һөрмитигә еришиду. w23.12 26-б., 7-абз.

Өтмүштә җәнубий падиша һәм Йәһваниң хәлқигә беваситә һуҗум қилған (Дан. 11:40). Мәсилән, 20-әсирниң алдинқи йеримида нурғун қериндашлар бетәрәпликни сақлиғини үчүн түрмигә ташланған вә бәзи Гувачиларниң балилири шу сәвәптин мәктәптин қоғланған. Бирақ йеқинки нәччә он жилда җәнубий падишаниң һөкүмранлиғи астидики Йәһва гувачилири башқичә синақларға дуч келиватиду. Мәсилән, сайлам тәшвиқати елип бериливатқан мәзгилдә Мәсиһ әгәшкүчиси бир партияни яки бир намзатни башқиларға қариғанда яхширақ дегән ой-пикир яки һис-туйғуда болуши мүмкин. Бирақ шуни унтумаслиғимиз керәкки, пәқәт иш-һәрикәтлиримиздила әмәс, бәлки ой-пикирлиримиз вә һис-туйғулиримизда бетәрәпликни сақлишимиз муһим (Йоһ. 15:18, 19). w23.08 12-б., 17-абз.

Һаятлиқ мусабиқисидә чоқум ғәлибә қилиш үчүн жүгүрүшимиз керәк (Кор. 1-х. 9:24). Әйса Мәсиһ мундақ дегән: «Өзүңларни зиядә көп йәп-ичиш вә турмушниң ғәм-әндишилири билән бихудлаштурмаңлар» (Луқа 21:34). Бу вә башқа айәтләр һаятлиқ мусабиқисидә жүгүрүватқанда қилишиңиз керәк өзгиришләрни көрүп йетишиңизгә ярдәм бериду. Биз һаятлиқ мусабиқисидә ғәлибә қилалайдиғанлиғимизға ишинәләймиз, чүнки Йәһва бизгә керәклик күч-қувәтни бериду (Йәшая 40:29—31). Шуңа, қәдәмлириңизни астилатмаң. Келәчәктә еришидиған мукапат үчүн пүтүн күчи билән жүгригән әлчи Паулни үлгә қилиң (Флп. 3:13, 14). Һечким бу мусабиқини сиз үчүн жүгрәп берәлмәйду, амма Худаниң ярдими билән сиз ғәлибә қазиналайсиз. Йәһва Худа сизниң зөрүр болған жүкләрни көтирип жүрүшиңизгә вә зөрүр болмиған жүкләрни ташлишиңизға ярдәм берәләйду. У дайим йениңизда болғачқа, чидам-ғәйрәт билән мусабиқини ахирғичә тамамлалайсиз вә ғәлибигә еришәләйсиз! w23.08 31-б., 16, 17-абз.

Әйса 12 яшқа киргәндә, ата-аниси Йерусалимға қайтқан вақитта, униң йоқлиғини байқиған еди (Луқа 2:46—52). Әслидә мәйрәм өткүзгәндин кейин балилириниң өйигә қайтип маңған бир топлар арисида бар-йоқлиғини җәзм қилиш Йүсүп билән Мәрийәмниң мәсъулийити еди. Бирақ улар Әйсани тапқанда, аваричилик кәлтүргини үчүн аниси уни әйиплигән еди. Әйса буниң адаләтсизлик екәнлигини көрситип берәләтти, бирақ у ата-анисиға аддий вә һөрмәт билән җавап қайтурған. Амма Йүсүп билән Мәрийәм Әйсаниң уларға ейтқан сөзлирини чүшәнмигән. Шундақтиму, Әйса уларға бойсунған. Яшлар, ата-анаңлар хаталиқларни өткүзгәндә яки силәрни хата чүшәнгәндә, уларға бойсунушни қийин көрәмсиләр? Шундақ әһвалда силәргә немә ярдәм берәләйду? Йәһваниң қандақ һис-туйғуда болидиғанлиғи һәққидә ойлиниңлар. Муқәддәс китапта ата-анаңларға итаәт қилғиниңларда «бу Һакимдаримизға яқиду» дәп йезилған (Кол. 3:20). Йәһва ата-анаңларниң силәрни толуқ чүшәнмигәнлигини яки намукәммәл қаидә-түзүмләрни чиқарғанлиғини билиду, амма уларға бойсунушни таллисаңлар, Йәһвани хурсән қилисиләр. w23.10 7-б., 5, 6-абз.

Мәлум бир савақдаш Йәһва гувачилири охшаш җинислиқларниң муһәббәтлишишигә болған көзқаришини өзгәртиши керәк дейиши мүмкин. Биз униңға өзүмизниң һәрбир адәмниң таллаш әркинлигигә вә һоқуқиға һөрмәт көрситидиғанлиғимизни ейтсақ болиду (Пет. 1-х. 2:17). Шундақла, биз Муқәддәс китапниң әхлақ өлчәмлири билән яшашниң пайдилиқ екәнлигини тәкитлисәк болиду. Әгәр башқилар көзқаришимизға қарши турса, биз униң немигә ишинидиғанлиғини билимән дәп дәрһал хуласә қилмаслиғимиз керәк. Мәсилән, әгәр бир савақдишиңиз Худаға ишиниш күлкилик бир иш десичу? У эволюцияға қәтъий ишиниду вә бу тоғрисида көп нәрсиләрни билиду дәп хуласә чиқирамсиз? Әмәлийәттә, у бу мавзу һәққидә көп ойланмиған болуши мүмкин. Савақдишиңизға jw.org торбетидики яритилиш һәққидә материалларниң уланмисини әвәтсиңиз болиду. Кейинирәк, у торбәттики видеолар яки мақалиләр тоғрилиқ сиз билән сөһбәтлишишни халиши мүмкин. Һөрмәт билән җавап бериш уни Муқәддәс китапта немә дейилгәнлиги һәққидә көпирәк билишкә қизиқтуруши мүмкин. w23.09 17-б., 12, 13-абз.

Биз хаталиқ өткүзүшимиз мүмкин. Лекин хаталиғимизни түзитиш үчүн қолумиздин келишичә тиришсақ вә давамлиқ Йәһваға таянсақ, У бизни чоқум Өз ирадисини орунлаш үчүн қоллинип, бизни бәрикәтләйду (Пәнд н. 28:13). Шимшон намукәммәл болған вә Делила билән өткүзгән хаталиғиға қаримай, Йәһваға хизмәт қилишни тохтатмиған. Йәһва Худаму Шимшондин үмүт үзмигән. У Шимшонни күчләндүрүп, уни йәнә бир қетим Өз ирадисини әмәлгә ашурушта қолланған. Йәһваниң нәзиридә Шимшонниң етиқади күчлүк еди. Шуңа, Худа униң исмини Ибранийларға йезилған хәт 11-баптики садиқ хизмәтчиләр қатарида яздурған. Болупму аҗиз болғанда, бизни күчләндүрүшни халайдиған көйүмчан Атимизға хизмәт қиливатқанлиғимизни билиш бизгә зор илһам-мәдәт бериду! Шуниң үчүн бизму Шимшонға охшаш, Йәһваға: «Мени яд қилип. . . маңа күч ата қилғайсән»,— дәп ялвурайли (Һак. 16:28, КТ). w23.09 7-б., 18, 19-абз.

Йәһваниң күни интайин йеқин екәнлигини билгәчкә, мүмкинқәдәр техиму көпирәк кишиләргә хуш хәвәрни ейтишни халаймиз. Шундақтиму, бәзидә қорқуп сөзлимәслигимиз мүмкин. Чүнки биз «инсанлар немә дәп қалар» яки «маңа зиянлиқ қилиду» дәп әнсиришимиз мүмкин. Петрусму шундақ вәзийәтни баштин кәчүргән. Әйса Мәсиһ сотлинип сорақ қилинған кечидә, Петрус өзиниң Әйсаниң шагиртлиридин бири дәп тонутуштин қорқуп, һәтта уни тонуйдиғанлиғини қайта-қайта инкар қилған (Мәт. 26:69—75). Бирақ бу әлчи өз қорқунучини йеңип, кейинирәк, ишәнч билән мошу сөзләрни язған: «Улар қорқудиған нәрсиләрдин қорқмаңлар һәм тәшвишләнмәңлар» (Пет. 1-х. 3:14). Петрусниң сөзлири биз инсанлардин қорқушни йеңәләйдиғанлимизға ишәндүриду. Инсанлардин қорқушни йеңишимизгә немә ярдәм берәләйду? Петрус бизгә мундақ дегән: «Мәсиһни Һакимдар сүпитидә қәлбиңларда муқәддәс тутуңлар» (Пет. 1-х. 3:15). Демәк, биз Әйса Мәсиһ Падишайимиз вә униң зор күч-қудрити барлиғини өзүмизгә әскәртәләймиз. w23.09 27, 28-б., 6—8 абз.

Биз «қараңғулуқниң мевисиз ишлириға» қайта шерик болуп қелиштин сақлиниш үчүн давамлиқ күрәш қилишимиз керәк (Әфәс. 5:11). Нурғун мисаллар шуни испатлайдуки, бир адәм напак, әхлақсиз ишлар һәққидики параңлар яки сөһбәтләрни көп көрсә, аңлиса, у өзи асанла хата ишларни қилип қалиду (Ярит. 3:6; Яқуп 1:14, 15). Шәйтанниң дунияси бизни аздуруп, Йәһваниң нәзәридики әхлақсиз вә напак ишларни бизгә һечқандақ хата әмәстәк көрситип, шуниңға бизни ишәндүрүшкә уруниду (Пет. 2-х. 2:19). Шәйтан Иблис узундин буян қоллинип келиватқан усуллардин бири — кишиләрни қаймақтуруш. Шу сәвәп кишиләр немә хата, немә тоғра екәнлигини пәриқ қилалмай қалиду (Йәшая 5:20; Кор. 2-х. 4:4). Шуңлашқа бүгүнки күндә нурғунлиған кинолар, телевизия программилири вә торбәтләрдә Йәһваниң һәққаний өлчәм қаидилиригә зит келидиған ой-пикирләрни тәшвиқ қилишини һәргизму әҗәплинәрлик әмәс. Шәйтан бизни алдашқа урунуп, бу дунияда мода болуватқан напак иш-һәрикәтләрни вә турмуш кәчүрүш усуллирини бехәтәр дәп ойлишимизни халайду (Әфәс. 5:6). w24.03 22-б., 8—10 абз.

Исраиллар бир җайдин башқа җайға көчкәндә, муқәддәс чедирни өзлири билән елип маңған. Улар муқәддәс чедирни Йерусалимда ибадәтхана селинғанға қәдәр тәхминән 500 жил қолланған еди (Чиқ. 25:8, 9; Сан. 9:22). Муқәддәс чедир исраилларниң Худаға ибадәт қилидиған вә қурбанлиқлирини сунидиған җай еди (Чиқ. 29:43—46). Бу чедир болса, техиму яхши орунлаштурушниң символи болған. У чедир «асмандики хизмәтниң. . . көләңгиси». У Йәһваниң улуқ роһий ибадәтханисини тәсвирләп бәргән. Әлчи Паул «бу чедир бәлгүлүк бир вақитниң мисали болуп хизмәт қилиду» дегән (Ибр. 9:9). Әлчи Паул ибранийларға хәт язғанда, аллиқачан роһий ибадәтхана пәйда болуп болған. Милади 29-жили Әйса чөмдүрүлгәндә, Мәсиһ болған вә роһий ибадәтханида «Баш роһаний» сүпитидә хизмәт қилишни башлиған (Ибр. 4:14; Әлч. 10:37, 38). w23.10 26-б., 6, 7-абз.

Роһий җәһәттин пишип йетилгән Мәсиһ әгәшкүчилири чоқум әвришимчан, йәни егилишкә тәйяр болуши керәк. Буни қандақ қилалаймиз? Шәхсий вәзийәтлиримиздә өзгиришләр болғанда, уларға маслишиш вә башқиларниң көзқариши вә чиқарған қарарлирини һөрмәтләш арқилиқ өзүмизниң әқил-парасәтлик киши екәнлигини көрситишимиз керәк. Йәһваниң хизмәтчилири болуш сүпитидә биз әқил-парасәтлик киши болушни халаймиз. Йәнә кәмтәр вә көйүмчан киши болушниму халаймиз. Йәһва қәтъий тәврәнмәс, мустәһкәм болғачқа, «Қорам таш» дәп аталған (Қ. шәр. 32:4). Шундақтиму, У әқил-парасәтлик, йәни вәзийәтни нәзәргә алиду. Бу дунияда вәзийәтләр өзгириватқанда, Йәһва вәзийәтләрни көздә тутқан һалда Өз вәдилириниң әмәлгә ешишиға капаләтлик қилиду. Йәһва Худа бизни Өз образида яратқан. Шуңа, У бизгиму вәзийәтниң өзгиришигә маслишиш қабилийитини бәргән. Қандақ қийинчилиқларға йолуқушимиздин қәтъийнәзәр, дана қарар чиқиришимиз үчүн ярдәм беридиған ениқ Муқәддәс китап принциплирини бәргән. Йәһваниң үлгиси вә принциплири шуни көрүп йетишимизгә ярдәм бериду: У Қорам таштәк мәһкәм болуп қалмай, йәнә әқил-парасәтлик. w23.07 20-б., 1—3 абз.

Муқәддәс китапта Йәһва Худа Өзини меһрибан ана билән селиштурған (Йәшая 66:12, 13). Меһрибан аниниң пәрзәнтини өз қучиғиға елип, униңға мулайим аваз билән сөзләватқанлиғини көз алдиңизға кәлтүрүң. Ана униңға ярдәм беришкә һәрқачан тәйяр. Худди шуниңдәк, биз ғәм-әндишә қилсақ, Йәһва бизгә меһир-муһәббитини көрситишкә һәрдайим тәйяр. Биз хата иш қилип қойсақму, У биздин ваз кәчмәйду (Зәб. 103:8). Исраиллар Йәһваниң көңлини қайта-қайта рәнҗиткән, лекин улар товва қилғанда, Йәһва Худа уларни яхши көрүшни тохтатмиғанлиғиға ишәндүргән. У мундақ дегән: «Сән Мениң көзүмдә қиммәтликсән, Сән һөрмәткә лайиқ һәм Мән сени сөйүмән» (Йәшая 43:4, 5). Йәһва Худаниң бизгә сөйгү-муһәббити өзгәрмәйду вә вақит өткәнсири совуп кәтмәйду. Һәтта еғир хаталиқларни өткүзүп қойған болсақму, товва қилип, Униңға қайтип кәлсәк, У бизни бурунқидәкла сөйиду. У бизни чин қәлбтин кәчүрүшкә вәдә қилиду (Йәшая 55:7). Муқәддәс китапта Йәһва Худаниң кәчүрүмигә еришкәндә, җенимиз арам тапиду дәп чүшәндүрүлгән (Әлч. 3:19). w24.01 27-б., 4, 5-абз.

Биз қийинчилиққа дуч кәлгәндә Йәһва бизгә ярдәм берәләйду. Мәсилән, конгрессқа қатнишиш үчүн башлиғимиздин рухсәт сорашқа яки җамаәт учришишлириға қатнишиш үчүн иш вақтимизни өзгәртишни сорашқа тоғра келиши мүмкин. Мошу чағларда Йәһваниң ярдимини көрүшкә пурситимиз болиду. Нәтиҗидә, ишлар биз ойлиғандинму яхширақ болуши мүмкин. Шу чағда Йәһваға болған етиқадимиз техиму күчийиду. Әзра кәмтәрлик билән Йәһвадин ярдәм сориған. У һәр қетим вәзипини өз үстигә алғанда бесим һис қилғанда, Йәһва Худаға кәмтәрлик билән дуа қилған (Әзра 8:21—23; 9:3—5). Башқилар Әзраниң Йәһваға шундақ таянғанлиғини көргәндә, улар Әзрани қоллашқа вә униң ишәнчини үлгә қилишқа һәрикәт қилған (Әзра 10:1—4). Биз маддий еһтияҗлиримиз яки аилимизниң бехәтәрлиги тоғрилиқ ғәм-әндишә қилип бесим һис қилғанда, чоқум ишәнч билән Йәһваға дуа қилишимиз керәк. w23.11 18-б., 15—17 абз.

Һәққаний болушимиз үчүн Йәһва Худа биздин Ибраһим қилған ишларни қилишимизни тәләп қилмайду. Әмәлийәттә, иш-һәрикәтлиримиз арқилиқ етиқадимизни нәмаян қилишниң нурғун йоллири бар. Биз җамаәткә йеңидин кәлгәнләрни иллиқ қарши алалаймиз, ярдәмгә муһтаҗ қериндашлиримизға ярдәм қолини суналаймиз, аилә әзалиримизға яхшилиқ қилалаймиз. Бу ишларниң һәммиси Худани хурсән қилиду вә Униң бәрикитигә ериштүриду (Рим. 15:7; Тим. 1-х. 5:4, 8; Йоһ. 1-х. 3:18). Ишәнчимизни иш-һәрикәтлиримиз билән көрситишниң муһим йоли — хуш хәвәрни қизғинлиқ билән вәз қилиш (Тим. 1-х. 4:16). Һәммимиз Йәһваниң вәдилири әмәлгә ашидиғанлиғи вә Униң йоллири әң яхши екәнлигигә ишинидиғанлиғимизни иш-һәрикитимиз арқилиқ ениқ нәмаян қилалаймиз. Әгәр шундақ қилсақ, Худа бизни һәққаний киши дәп атайду вә Униң дости болалаймиз. w23.12 3-б., 3-абз.; 6-б., 15-абз.

Давут падиша һаятиниң ахирида оғли Сулайманға җуқурида кәлтүрүлгән нәсиһәтни бәргән (Пад. 1-яз. 2:1, 3). Бүгүнки күндиму барлиқ Мәсиһ әгәшкүчиси болған әрләр бу нәсиһәткә қулақ селип, Әйса Мәсиһни үлгә қилиши бәк муһим. Ишлирида мувәппәқийәт қазиниш үчүн, чоқум Худаниң қанунлириға бойсунушни үгиниши вә Муқәддәс китап принциплирини һаятиниң һәрқайси саһасида әмәлий қоллиниши керәк (Луқа 2:52). Яш бурадәрләрниң етиқатта пишип йетилгән әр болуши немә үчүн шунчә муһим? Бурадәрниң һәм аилидә, һәм җамаәттә интайин муһим вәзипилири бар. Яш бурадәрләр, шәк-шүбһисизки, силәр кәлгүсидики мәсъулийитиңлар һәққидә ойлидиңлар. Силәр Йәһваға толуқ вақитлиқ хизмәт қилалайсиләр. Хизмәт ярдәмчиси, кейин җамаәт ақсақали болалайсиләр. Униңдин башқа, той қилип, балилиқ болушуңлар мүмкин (Әфәс. 6:4; Тим. 1-х. 3:1). Бу мәхсәтләргә йетиш үчүн вә хизмитиңлар утуқлуқ болуши үчүн, етиқатта пишип йетилгән Мәсиһ әгәшкүчиси болушуңлар керәк. w23.12 24-б., 1, 2-абз.

Җамаәттики ақсақаллар Йәһваниң қиммәтлик қойлириға ғәмхорлуқ қилиши керәк. Бу садақәтмән әр кишиләр Йәһва Худа уларға ишәнгәнлиги үчүн миннәтдар. Улар падичилар сүпитидә тәр төкүп хизмәт қилиду (Йәр. 23:4; Пет. 1-х. 5:2). Җамаитимиздә шундақ кишиләрниң болғини үчүн һәқиқәтән миннәтдармиз! Ақсақаллар Исраилда һаким болған Гидеонниң мисалидин үгинәләйду (Ибр. 6:12). У Худа хәлқиниң қоғдиғучиси вә падичиси еди (Һак. 2:16; Тар. 1-яз. 17:6). Гидеонға охшаш, ақсақаллар мошу ахирқи заман күнлиридә Худа хәлқигә ғәмхорлуқ қилишқа тәйинләнгән (Әлч. 20:28; Тим. 2-х. 3:1). Биз Гидеонниң кәмтәр, кичик пеил вә итаәтчанлиғидин үгинәләймиз. У вәзипилирини орунлиғанда, униң чидамчанлиғи синалған. Мәйли биз ақсақал сүпитидә хизмәт қилайли яки қилмайли, ақсақалларға техиму көпирәк миннәтдарлиқ билдүрүшни үгинәләймиз. Бу тиришчан хизмәтчиләрни қоллап-қувәтләләймиз (Ибр. 13:17). w23.06 2-б., 1-абз.; 3-б., 3-абз.