«Һаятимиз вә хизмитимиз. Иш дәптири» үчүн мәлумат мәнбәлири
© 2024 Watch Tower Bible and Tract Society of Pennsylvania
6—12 ЯНВАРЬ
ХУДА СӨЗИДИКИ ҒӘЗНӘ | ЗӘБУР 127—134
Ата-анилар, Худаниң бәргән қиммәтлик соғисиға давамлиқ ғәмхорлуқ қилиңлар
w21.08 5-б., 9-абз.
9 Йәһва инсанларға пәрзәнтлик болуш қабилийитини берип, уларға Худани сөйүш вә Униңға хизмәт қилиш мәсъулийитини тапшурған. Әгәр ата-ана болсиңиз, сиз бу соғат үчүн миннәтдарму? Гәрчә Йәһва пәриштиләрни көпирәк бәрикәткә ериштүргән болсиму, амма бу имтиязни уларға бәрмигән. Шуни әстә тутқан һалда, пәрзәнтләрни өстүрүватқан ата-анилар бу пурсәтни қәдирлиши керәк. Шуңа ата-анилар, силәргә тапшурулған муқәддәс вәзипини қәдирләп, балиларни «Йәһва буйриғандәк тәрбийиләңлар һәм нәсиһәт бериңлар» (Әфәс. 6:4; Қ. шәр. 6:5—7; Зәб. 127:3). Ата-аниларға ярдәм бериш үчүн, Худаниң тәшкилати Муқәддәс китапқа асасланған видео, музыка вә тордики мақалиләр билән тәминлимәктә. Шәк-шүбһисизки, Йәһва Худа вә Әйса Мәсиһ балиларни интайин қәдирләйду (Луқа 18:15—17). Ата-анилар Яратқучиға тайинип, сөйүмлүк пәрзәнтлирини қолидин келишичә яхши тәрбийилисә, Йәһва хошал болиду. Униңдин башқа, улар өз пәрзәнтлиригә Йәһваниң аилисиниң мәңгүлүк әзаси болушиға ярдәм бериду!
w19.12 27-б., 20-абз.
20 Балилириңизни яхши билиң. Балилар оқя оқлири билән селиштурулған (Зәбур 127:4ни оқуң). Оқлар һәр түрлүк материаллардин, һәрхил шәкилдә вә чоң-кичикликтә ясилиду. Балиларму бир-биригә охшимайду, шуңа ата-анилар һәрбир балисиға қандақ тәлим-тәрбийә беришни билиши керәк. Израильда яшайдиған бир җүп икки балисини қатарға қошуп, Йәһваға хизмәт қилишиға ярдәм бәргән. Бу бир җүп балилириға тәлим-тәрбийәни қандақ үнүмлүк сиңдүрәлигән? Улар мундақ дәйду: «Муқәддәс китапни һәрбир балимизға айрим-айрим үгитәттуқ». Әлвәттә, һәрхил аилиниң вәзийити охшимайду, шуңа һәр аилә беши балилири билән Муқәддәс китапни қайси усулда үгинишни өзи қарар қилиду.
Роһий гөһәрләрни издәйли
w21.07 22-б., 6-абз.
Давут күчүм йәтмәйдиған ғайәт зор ишларға арилашмидим, йәни қилмидим дегән. У кәмтәр, кичик пейил болуп, өз көңлини хатирҗәм сақлиған. Давутниң шу сөзлиридин ата-анилар немини үгинәләйду? Улар кәмтәр болуш үчүн өз-өзигә вә балисиға һәддидин зиядә тәләпчан болмаслиғи керәк. Пәрзәнтиниң өзигә лайиқ мәхсәтләрни қоюшиға ярдәм бәргәндә, униң артуқчилиқ яки камчилиқ тәрипини нәзәрдә тутса, балиниң өз қәдир-қиммитини һис қилишиға ярдәм берәләйду. Қериндишимиз Марина мундақ дәйду: «Апам һәргизму мени бир қосақ үч қериндишим билән яки башқа балилар билән селиштурматти. У маңа һәрбир кишиниң охшимайдиған қабилийәтлири барлиғини вә Йәһваниң көз алдида һәммимизниң қәдир-қиммәтлик екәнлигимизни үгәткән. Шу сәвәп, мән өзүмни башқилар билән камдин-кам селиштуримән. Апамға бәк миннәтдармән».
13—19 ЯНВАРЬ
ХУДА СӨЗИДИКИ ҒӘЗНӘ | ЗӘБУР 135—137
«Пәрвәрдигар пүткүл худалардин үстүн»
w15 6/15 6-б., 15-абз.
Әйса Мәсиһниң күчиниң мәнбәси Йәһва Худаниң Өзи болғанлиқтин, Һәммигә Қадир Худаниң тәбиәт күчлирини башқуруш һоқуқи барлиғиға гуман қилмаймиз. Бирнәччә мисалларни көрүп бақайли. Топан сүйидин илгири Йәһва мундақ дегән: «Йәттә күндин кейин Мән ямғурға қириқ кечә-күндүз йәр бетигә йеғишини буйруймән» (Ярит. 7:4). Шундақла Чиқиш 14:21дә Йәһва Худа «суларни бөлүп, қаттиқ шәрқий боранни чиқарди». Юнус 1:4тә мундақ дәп йезилған: «Йәһва Худа деңизда қаттиқ шамални көтәрди вә дәһшәтлик боран чиқти».
w21.11 6-б., 16-абз.
16 Йәһва бизниң Башпанайимиз болғанда, биз өзүмизни бехәтәр һис қилимиз. Бирақ биз қийинчилиқларға дуч келип, үмүтсизләнгәндә, өзүмизни шундақ бехәтәр һис қилмаслиғимиз мүмкин. Шундақ вақитларда Йәһва биз үчүн немә қилиду? (Зәбур 136:23ни оқуң) У биләклири билән бизни йөләп, мулайимлиқ билән турғузиду. Путлиримиз тейилип жиқилғанда, орнимиздин дәс турушқа ярдәм бериду (Зәб. 28:9; 94:18). Биз үчүн ярдими: Һәрқачан Йәһваға тайиналайдиғанлиғимизни билиш икки нәрсини әстә сақлишимизға ярдәм бериду. Биринчи, мәйли қәйәрдә яшимайли, Йәһва бизгә башпана болуп, бизни қоғдайду. Иккинчи, бизниң асмандики меһир-муһәббәтлик Атимиз бизгә интайин көңүл бөлиду.
Роһий гөһәрләрни издәйли
w22.10 15-б., 12-абз.
Тәңри Йәһва Өзиниң барлиқ һөкүмран һоқуқдарлардин жуқури туридиған әң Алий Һөкүмран екәнлигини ениқ көрсәткән. Буниң үч мисалини көрүп бақайли. Мисирлиқ пирәвн Йәһва Худаниң хәлқини қул қилған вә уларни азат қилишни қайта-қайта рәт қилған. Бирақ Худа хәлқини азат қилип, пирәвнни Қизил деңизда ғәриқ қилған (Чиқ. 14:26—28; Зәб. 136:15). Бабил падишаси Бәлшазар бир зияпәт өткүзүп, өзини улуқлап, асманларниң Худасиға қарши чиқип, Яратқучи Йәһвани әмәс, алтун-күмүчтин ясалған илаһларни мәдһийилигән (Дан. 5:22, 23). Бирақ Худа әшу һакавур адәмни әдәплигән. Шу күни кечиси Бәлшазар өлтүрүлүп, униң падишалиғи мидиянлар билән парсларниң қолиға тапшурулған (Дан. 5:28, 30, 31). Палестинаниң падишаси Һирод Агриппа I әлчи Яқупни өлтүргән вә Петрусни түрмигә ташлатқузған һәмдә уни өлтүрмәкчи болған. Бирақ Йәһва Һиродниң планини әмәлгә ашурушиға тосқунлуқ қилған. Худаниң пәриштиси уни урған вә у өлгән (Әлч. 12:1—5, 21—23).
20—26 ЯНВАРЬ
ХУДА СӨЗИДИКИ ҒӘЗНӘ | ЗӘБУР 138, 139
Җиддийлишиш сизгә тосалғу болмисун
w19.01 10-б., 10-абз.
10 Қол көтирип җавап бәрмәкчи болғанда, жүригиңиз ағзиңизға тиқиламду? Әгәр шундақ болса, сиз ялғуз әмәс. Әмәлийәттә, җавап бәргәндә көпинчимиз әнсирәймиз. Қорқунучни йеңиш үчүн авал униң сәвәвини ениқлишиңиз керәк. Сиз немини ейтишни унтуп қелиштин яки натоғра җавап бериштин қорқамсиз? Йә болмиса, башқилардәк яхши җавап берәлмәймән дәп ойламсиз? Бир тәрәптин шундақ қорқунуч сизниң кәмтәр екәнлигиңизни вә башқиларни өзүңиздин үстүн көридиғанлиғиңизни көрситиду. Йәһва кәмтәр адәмләрни яхши көриду (Зәб. 138:6; Флп. 2:3). Амма Йәһва сизниң Уни мәдһийиләп, учришишта башқиларни илһамландурушиңизни халайду (Сал. 1-х. 5:11). У сизни яхши көриду вә сизгә керәклик җасарәтни бериду.
w23.04 21-б., 7-абз.
7 «Күзитиш мунари» журналиниң бурунқи санлириниң биридин сизгә ярдәм беридиған бәзи әмәлий мәслиһәтләрни тапалишиңиз мүмкин. Мәсилән, яхши тәйярлиқ қилиң (Пәнд н. 21:5). Үгинидиған мәзмунларни яхширақ чүшәнсиңиз, қол көтиришкә һәрқачан тәйяр болалайсиз. Шундила җавап бериш сизгә қийин туюлмайду (Пәнд н. 15:23; 17:27). Лекин, җаваплириңиз қисқа болсун. Шундақ болғанда, җиддийлишип қорқушму аз болиду. Бир-икки җүмлә сөз билән җавап беришкә болиду. Көп ой-пикирни өз ичигә алған узун җавапларға қариғанда, қисқа, меғизлиқ җавапларни қериндашлар асанирақ чүшиниду. Өз сөзлириңиз билән қисқа җавапларни бериш арқилиқ яхши тәйярлиқ қилғанлиғиңизни вә үгинидиған мәзмунларни ениқ чүшәнгәнлигиңизни көрситәләйсиз.
Роһий гөһәрләрни издәйли
it «Кәчүрүш»
Мәсиһийләр болғачқа, башқилар бизни қанчә қетим хапа қилсиму, биз уларни кәчүрүшимиз зөрүр (Лқ 17:3, 4; Әф 4:32; Кл 3:13). Әгәр биз башқиларни кәчүрмисәк, Худаму бизни кәчүрмәйду (Мт 6:14, 15). Бирақ һәтта еғир гуна қилған «явуз» киши җамаәттин чиқирилғандин кейин, йетәрлик вақитниң ичидә һәқиқәтән товва қилғанлиғини испатлиса, у кәчүрүлиду. Шу чағда җамаәттикиләрниң һәммиси уни өзлириниң меһир-муһәббитигә ишәндүрәләйду (К1х 5:13; К2х 2:6—11). Бирақ товва қилмай, давамлиқ қара нийәт билән гуна қиливатқан кишиләрни мәсиһийләрниң кәчүрүши шәрт әмәс. Шундақ кишиләр Худаниң дүшмәнлиригә айлиниду (Иб 10:26—31; Зб 139:21, 22).
27 ЯНВАРЬ—2 ФЕВРАЛЬ
ХУДА СӨЗИДИКИ ҒӘЗНӘ | ЗӘБУР 140—143
Дуайиңизға мас һәрикәт қилиң
w22.02 12-б., 13, 14-абз.
13 Нәсиһәтни Йәһваниң сөйгү-муһәббитиниң ипадиси дәп қараң. Яратқучимиз һемишәм биз үчүн яхши болушини ойлайду (Пәнд н. 4:20—22). У Өз сөзи болған Муқәддәс китап, униңға асасланған нәшири материаллар яки пишип йетилгән етиқатчилар арқилиқ нәсиһәт берип, бизгә болған сөйгү-муһәббитини ипадиләйду. Ибранийларға 12: 9, 10-айәтләр Униң бундақ қилиши «бизниң пайдимиз үчүндур» дәйду.
14 Нәсиһәтниң берилиш усулиға әмәс, униң мәзмуниға диққәт ағдуруң. Бәзидә биз башқиларниң нәсиһәт қилиш усулини яхши әмәстәк һис қилишимиз мүмкин. Әлвәттә, нәсиһәт бәргүчи қарши тәрәп асан қобул қилалайдиған усулда ой-пикирини оттурға қоюшқа тиришиши керәк (Гал. 6:1). Амма биз нәсиһәт аңлиғучи болсақ, қандақ қилишимиз керәк? Биз нәсиһәтниң қандақ берилишигә әмәс, бәлки униң мәзмуниға диққәт қилишимиз керәк. Өз-өзүмиздин мундақ сорап көрсәк болиду: «Нәсиһәт бериш усулини яқтурмисамму, шу ейтилған сөзләр һәқиқәтән орунлуқму? Нәсиһәт бәргүчиниң камчилиғиға диққәт қилмай, нәсиһәттин қандақ пайдилиқ нәрсини үгинәләймән?» Нәсиһәт қандақ усулда берилишигә қаримай, униң пайдисини көрүп йетишкә тиришсақ, дана иш қилған болимиз (Пәнд н. 15:31).
w23.05 27-б., 5-абз.
Йәһва сиз үчүн немиләрни қиливатқанлиғини ойлаң (Зәб. 143:5). Әлчи Паул Йәһваниң униңға көрсәткән меһир-шәпқити һәққидә ойланған вә бу униң Йәһва үчүн тиришип ишләш арзу-истигини күчәйткән (Кор. 1-х. 15:9, 10; Тим. 1-х. 1:12—14). Худди шуниңдәк, Йәһваниң сиз үчүн қиливатқан ишлири үстидә ойлиғансири, сизниңму өз мәхситиңизгә йетиш арзу-истигиңиз барғансири күчийиду (Зәб. 116:12). Гондурастики бир қериндашниң пионер болуш мәхситигә йетишигә немә ярдәм қилғанлиғини көрүп бақайли. У мундақ дәйду: «Мән Йәһваниң мени қанчилик яхши көридиғанлиғи һәққидә ойландим. У мени өз хәлқи арисиға елип кирди. У маңа көңүл бөлиду вә мени қоғдайду. Бундақ чоңқур ойлиниш Униңға болған сөйгү муһәббитимни күчәйтип, арзу-истәклиримни ашурди».
w15 3/15 32-б., 2-абз.
Бәзидә биз өзүмизни Давутқа охшаш һис қилишимиз мүмкин. У мундақ дегән: «Тезирәк маңа җавап қайтурғина, Йәһва, чүнки күч-мағдирим йоқиди. Мәндин йүзүңни йошурмиғина» (Зәб. 143:5—7, 10). Мошундақ вәзийәтләрдә, Асмандики Атиңизниң сизгә тегишлик нийити қандақ екәнлигини билиш үчүн вақит чиқириң. Униң үчүн Муқәддәс китапни оқуп, оқуғанлириңиз үстидин мулаһизә қилиң. Шундақ қилип сиз Униң вәсийәтлирини билип, өтмүштә Өз хәлқигә мунасивәтлик қандақ иш-һәрикәт қилғанлиғини биләләйсиз. Униңға бойсунсиңиз, буниң қанчилик даналиқ екәнлигигә көз йәткүзисиз.
Роһий гөһәрләрни издәйли
it «Һайванларниң зәһири»
Образлиқ мәнаси. Ялған сөзләр вә рәзилләрниң төһмити иланниң өлтүрүдиған зәһиридәк башқиларниң нам-абройини төкиду (Зб 58:3, 4). Төһмәтхорлар тоғрилиқ «еғизида қара иланниң оғиси бар» дейилгән (Зәб. 140:3; Рим. 3:13). Иланниң зәһәр бәзлири инәкниң үстүнки чишлириниң кәйнидә болидиғанлиғини етибарға алсақ, бу мисал бизгә яхши чүшинишлик болиду. Адәмниң тили, төһмәт вә һақарәтлик сөзләр, ялған тәлимләр вә шуниңға охшаш яман гәпләр — «өлүм әкелидиған, зәһәргә толған» (Яқуп 3:8).
3—9 ФЕВРАЛЬ
ХУДА СӨЗИДИКИ ҒӘЗНӘ | ЗӘБУР 144—146
«Худайи Йәһва Илаһ болған хәлиқ нәқәдәр бәхтиярдур!»
w18.04-U 32-б., 3, 4-абз.
2. Пересмотренный перевод этих стихов хорошо согласуется с контекстом. Слово «тогда», которое теперь используется в 12-м стихе, указывает на то, что благословения, перечисленные в стихах с 12-го по 14-й, относятся к праведным людям — к тем, кто просит освободить их и избавить от чужеземцев, которые совершают зло (11-й стих). Это изменение нашло отражение и в 15-м стихе, в котором слово «счастлив» теперь появляется в параллельной конструкции и в обоих предложениях относится к одному и тому же народу, то есть к народу, «чей Бог — Иегова». Также нужно учитывать, что в оригинальном тексте на еврейском языке не было пунктуации, в том числе кавычек. Поэтому задача переводчиков состоит в том, чтобы определить подлинный смысл отрывка, принимая во внимание древнееврейскую стихотворную форму, контекст и похожие библейские отрывки.
3. Пересмотренный перевод согласуется с другими библейскими отрывками, в которых говорится об обещании Бога благословить его верных служителей. Теперь, когда слово ашер в 144-м Псалме передано иначе, суть этого псалма заключается в том, что у Давида была обоснованная надежда на то, что, избавив израильтян от врагов, Иегова благословит свой народ и дарует ему счастье и процветание (Лев. 26:9, 10; Втор. 7:13; Пс. 128:1—6). Например, во Второзаконии 28:4 сказано: «Будет благословлен плод твоей утробы, плод твоей земли и плод твоих домашних животных, приплод твоего крупного скота и потомство твоего мелкого скота». Именно таким было правление сына Давида Соломона, во время которого в народе царили невиданные прежде мир и процветание. К тому же правление Соломона пророчески указывало на правление Мессии (1 Цар. 4:20, 21; Пс. 72:1—20).
w22.10 28-б., 16, 17-абз.
16 Мәңгүлүк һаят үмүтимиз Худадин кәлгән қиммәтлик соғаттур. Биз келәчәккә болған бу гөзәл үмүт әмәлгә ашидиған күнни интизарлиқ билән күтиватимиз вә бир күни әшу күн чоқум келидиғанлиғиға ишинимиз. Худди кемә ләңгиригә охшаш үмүтимиз синақлар, зиянкәшликләр вә һәтта өлүмгә дуч кәлгәндә, бәрдашлиқ берип, Йәһвадин жирақлап кәтмәслигимиз үчүн бизни мустәһкәмләйду. Униңдин башқа, үмүт дубулға кәби, зеһнимизни қоғдайду. Шу арқилиқ хата ой-пикирләрни рәт қилип, тоғра ишни қилишта чиң туралаймиз. Муқәддәс китапқа асасланған үмүтимиз бизни Худаға йеқинлаштуриду вә Униң бизгә болған сөйгү-муһәббитиниң қанчилик чоңқурлиғини чүшинишимизгә ярдәм бериду. Әгәр үмүтимизни күчләндүрсәк, буниң көп пайдисини көримиз.
17 Әлчи Паул римлиқларға язған хетидә: «Үмүттә хурсән болуңлар» дегән (Рим. 12:12). Паул хошал болалиған, чүнки у садақәтмәнликни сақлап қалса, асманда мәңгүлүк һаятқа еришидиғанлиғиға ишәнгән. Бизму үмүтимизниң болғини үчүн хошал болалаймиз. Чүнки Йәһва Өз вәдилирини әмәлгә ашуридиғанлиғиға ишинимиз. Зәбур язғучиси язғандәк: «Ким өз Пәрвәрдигари Йәһваға үмүт бағлиса, шу киши бәхитликтур!... У мәңгүгә садақәтмәндур» (Зәб. 146:5, 6).
w18.01 26-б., 19, 20-абз.
19 Адәмләр Шәйтанниң дуниясида 6000 жилдин ошуқ вақит қийнилип кәлмәктә. Һазир, бу дунияниң ахирқи күнлиридә, йәр йүзи пәқәт өзинила сөйидиған, пулхумар вә Худани әмәс, һузурлинишни яхши көридиған адәмләргә толған. Улар пәқәт елишни көзләйду вә өз һәвәслирини биринчи орунға қойиду. Амма мундақ адәмләр һечқачан һәқиқий бәхиткә еришәлмәйду! Муқәддәс китапта: «Яқупниң Тәңриси өзиниң мәдити болған адәм, Пәрвәрдигар [Йәһва, ЙД] униң Худаси, униң үмүти болған адәм бәхитликтур!»— дәп йезилған (Зәбур 146:5, КТ).
20 Йәһваниң хизмәтчилири уни чин дилидин яхши көриду. Һәр жили көплигән йеңи адәмләр уни тонуп-билип, яхши көрмәктә. Бу Худа Падишалиғиниң һөкүмранлиқ қиливатқанлиғини вә униң пат арида биз һәтта тәсәввур қилалмайдиған бәрикәтләрни әкелидиғанлиғини испатлайду! Йәһва халайдиған ишни қилсақ, уни бәк хурсән қилимиз вә бу өзүмизгиму хошаллиқ әта қилиду. Йәһвани яхши көридиғанлар мәңгү хошал болиду! Келәрки мақалидә шәхсийәтчи муһәббәт туғдиридиған яман хисләтләрниң бәзилирини қараштуримиз. Андин уларниң Худаниң хизмәтчилири көрситидиған яхши хисләтләргә қандақларчә қариму-қарши екәнлигини көримиз.
Роһий гөһәрләрни издәйли
bh 13-бап, 9-абз.
Һайванларниң һаятичу? Һайванларниң һаяти һәм Яратқучиниң нәзирдә улуқтур. Худа инсанларниң һайванларни озуқлуқ вә кийим-кечәк яки һайванлар елип келидиған хәтәрдин қоғдиниш үчүн өлтүрүшигә рухсәт қилған (Яритилиш 3:21; 9:3; Чиқиш 21:28). Лекин, көңүл ечиш үчүн һайванларни хорлаш яки өлтүрүш хата. Һайванларни хорлап өлтүрүш һаятниң муқәддәслигини һөрмәтлимигәнликни ипадиләйду (Пәнди-нәсиһәт 12:10).
10—16 ФЕВРАЛЬ
ХУДА СӨЗИДИКИ ҒӘЗНӘ | ЗӘБУР 147—150
Биздә Йәһва Худани мәдһийиләшкә нурғун сәвәпләр бар
w17.07 16-б., 5, 6-абз.
5 Йәһва пәқәт Исраил хәлқигә әмәс, һәрбир исраиллиққиму тәсәлли бәргән. Бүгүнки күндиму У һәққидә: «У көңли сунуқларни теңип қойиду, уларниң ярилирини теңип бериду»,— дегән (Зәбур 147:3). Демәк, саламәтлигимиз начарлашқанда яки чүшкүнлүккә чүшкинимиздә, Йәһва йенимизда болуп, бизгә ғәмхорлуқ қилидиғанлиғиға ишинәләймиз. У көңлүмизгә тәсәлли берип, қәлб яримизни сақайтишқа тәшна (Зәбур 34:18; Йәшая 57:15). Бешимизға күн чүшкәндә қийинчилиқларға қарши турушимиз үчүн у бизгә даналиқ билән күч бериду (Яқуп 1:5).
6 Андин кейин зәбур язғучиси асманға қарап, Йәһва «юлтузларниң санини санайду, уларниң һәммисигә бир-бирләп исим қойиду» дегән (Зәбур 147:4). У асмандики юлтузларни көргини билән, уларниң сани һәқиқәтән қанчилик көп екәнлиги тоғрилиқ мутләқ хәвәрсиз болған. Бүгүнки күндә алимларниң ейтишичә, бизниң галактикимизда миллиардлиған юлтузлар бар. Каинатта болса, триллионлиған галактика болуши мүмкин! Адәм балиси юлтузларни һесаплалмиғанлиғи билән, Яратқучимизға бу һеч қийин әмәс. У һәрбир юлтузни шунчилик яхши билидуки, һәтта һәрбиригә исим бәргән (Коринтлиқларға 1-хәт 15:41). Һәрбир юлтузниң қәйәрдә җайлашқанлиғини билидиған Худа сизниму билиду. У сизниң нәқ қәйәрдә вә қандақ кәйпиятта һәм немигә муһтаҗ екәнлигиңизни дайим билиду.
w17.07 17-б., 7-абз.
7 Йәһва сизниң немини баштин кәчүриватқанлиғиңизни чүшиниду вә сизгә ярдәм беришкә қудрити йетиду (Зәбур 147:5ни оқуң). Бәлким, сиз мениң әһвалим бәк қийин, күришишкә күчүм йәтмәйду дәп ойлайдиғансиз. Худа мүмкинчиликлиримизниң чәклик екәнлигини чүшиниду, сәвәви «тупрақтин екәнлигимизни У ядқа алиду» (Зәбур 103:14). Мукәммәлсиз болғанлиқтин, биз бир хаталиқни қайта-қайта қилимиз, бәзидә шуниң үчүн өз гөшимизни өзүмиз йәйдиғандимиз. Бәзидә рәнҗитидиған сөзләрни ейтқинимиз, яман хаһишларға яки ич тарлиққа берилгәнлигимиз үчүн бәк пушайман қилимиз! Йәһва Худада мошундақ камчилиқлар болмисиму, у бизниң һис-туйғулиримизни яхши чүшиниду (Йәшая 40:28).
w17.07 20-б., 18-абз.
18 Зәбур язғучиси Йәһваниң йәр йүзидики барлиқ хәлиқләрниң ичидин қедимдики Исраилни өз хәлқи сүпитидә таллавалғанлиғини билгән. Пәқәт шу хәлиққә Худаниң «сөз-калами» билән «бәлгүлимилири» берилгән еди (Зәбур 147:19, 20ни оқуң). Бүгүн бизму Худаниң исми билән атилиш шәрипигә егә болдуқ. Йәһвани билгинимиз, униң билән зич мунасивәттә болғунимиз вә униң Сөзи бизни йетәкләйдиғанлиғи үчүн чәксиз миннәтдармиз. Зәбурниң 147-бабини язған кишигә охшаш, сизни вә башқиларни «Яһни мәдһийләңлар!» дәп нахша ейтишқа дәвәт қилидиған көплигән сәвәп бар.
Роһий гөһәрләрни издәйли
it «Қушлар»
Зәбур язғучиси «учар қанатларни» Йәһва Худани мәдһийиләшкә үндигән (Зб 148:1, 10). Улар әҗайип вә мурәккәп қилип яритилғанлиқтин, һәқиқәтән Йәһвани мәдһийиләйду. Бир қуш пәйлириниң сани 1000дин 20000чә йетиши мүмкин. Һәрбир пәйни йеқиндин қарисақ, униң оқи, бурутлири, бурутчилири вә илмәклири бар. Буниңдин пәйниң өзи қанчилик мурәккәп екәнлигини көрүмиз. Мәсилән, кәптәрниң 15 см болидиған бир пейидә йүз миңдәк бурутчилири вә миллионлиған илмәклири болиду. Аэродинамика принциплири бойичә қушқачларниң түзүлүши заманавий самолетларниң қурулушиға қариғанда интайин мурәккәп. Қушқачларниң устиханлири кавак болғанлиқтин, уларниң салмиғи йеник болиду. Мәсилән, фрегат намлиқ қушқач қанатлирини яйғанда 2 метр болуп, амма униң скелетиниң салмиғи 110 граммни тәшкил қилиду.
17—23 ФЕВРАЛЬ
ХУДА СӨЗИДИКИ ҒӘЗНӘ | ПӘНД-НӘСИҺӘТЛӘР 1
Яшлар, силәр кимгә қулақ салисиләр?
w17.11 29-б., 16, 17-абз.
16 Яш болсиңиз, ата-аниңиз сизни чүшәнмәйдиғандәк яки һәддидин ташқири тәләпчан көринидиғанду. Буниңға қаттиқ рәнҗип, һәтта Йәһваға хизмәт қилғуңиз кәлмәй қелиши мүмкин. Лекин Йәһвани қалдурсиңиз, бу дунияда сизни Худаға хизмәт қилидиған ата-аниңиз билән җамаәттики достлириңизға охшаш һечким яхши көрмәйдиғанлиғини чүшинисиз.
17 Ойлап көрүң, әгәр ата-аниңиз сизни түзәтмисә, улар сизгә һәқиқәтән ғәмхорлуқ қилиду дәп ейтишқа болаттиму? (Ибранийларға 12:8). Әлвәттә, ата-аниңиз намукәммәл болғанлиқтин, уларниң сизни қандақ түзитидиғанлиғи сизгә яқмаслиғи мүмкин. Бирақ буниңға терикишниң орниға, улар мундақ қилғанлиғиниң сәвәвини чүшинишкә күч селиң. Еғир бесиқлиқни сақлап, һис-туйғулириңизға берилмәң. Худаниң Сөзидә: «Билими бар киши кам сөзлүк болар, йорутулған адәм болса, қалтис еғир бесиқ болар»,— дәп йезилған (Пәнд-нәсиһәтләр 17:27). Мәслиһәт қандақ берилгәнлигигә қаримастин, уни қобул қилип, униңдин савақ алалайдиған йетилгән адәм болушқа мәхсәт қоюң (Пәнд-нәсиһәтләр 1:8). Йәһвани яхши көридиған ата-аниңизниң бар болғанлиғи тәңдиши йоқ һәдийә екәнлигини унтумаң. Улар сизниң мәңгү яшаш мукапитини елишиңиз үчүн һаримай-талмай ярдәм бериду.
w05 2/15 19, 20-б., 11, 12-абз.
11 Адәмләргә әмәс, Худаға йеқишқа тиришиң. Биз башқилар бизни һөрмәтлисә екән дәймиз. Һәрбиримизгә достлар керәк, вә бизни һөрмәтлигәндә, өзүмизни яхши һис қилимиз. Өсмүр чағда вә чоң болғандиму, тәңдашларниң бесими күчлүк болғанлиқтин, башқиларниң көңлидин чиқишни вә уларни дорашни қаттиқ халишимиз мүмкин. Бирақ адәттә улар чиң көңлидин бизниң ғемимизни йемәйду. Бәзидә уларға яман нәрсиләрни қилиш үчүн қешида адәмләр керәк (Пәнд-нәсиһәтләр 1:11—19). Мәсиһ әгәшкүчиси тәңдашлириниң яман бесимиға берилсә, у өзиниң ким екәнлигини йошурушқа башлайду (Зәбур 26:4). Әлчи Паул мундақ дәп агаһландурған: «Бу дуния қурулумиға башқа маслашмаңлар» (Римлиқларға 12:2). Бесимларға қарши туруш үчүн Йәһва Худа бизгә керәклик күч бериду (Ибранийларға 13:6).
12 Башқилар бизгә бесим қилип, Худа билән болған мунасивитимизгә зиян йәткүзмәкчи болса, Худаға болған садиқлиғимиз көпчиликниң ойидин муһимирақ екәнлигини әстә тутушимиз керәк. Чиқиш 23:2тә: «Явузлуққа көпчиликниң кәйнидин жүрмә» дегән мәслиһити йезилған. Исраиллиқлар Йәһва Худа Өз вәдисини орунлайдиғанлиғиға гуман қилғанда, Халеб башқиларниң гепигә кирмигән. У Худа Өз вәдилирини орунлайдиғанлиғиға ишәнгән, шу ишәнчиси үчүн бәрикәткә еришкән (Санлар 13:30; Йәшуа 14:6—11). Сиз Халебқа охшаш Худа билән болған мунасивитиңизни қоғдаш үчүн көпчиликниң бесимиға қарши турушқа тәйярму?
Роһий гөһәрләрни издәйли
w22.10 21-б., 11-абз.
Үчинчи түрдики кишиләр болса, даналиқни рәт қилидиған әқилсизләр. Улар надан кишиләр, чүнки Йәһваниң әхлақ өлчәм қаидилиригә мас яшашни рәт қилиду. Улар өз көзидә тоғра дәп қариған ишларни қилиду (Пәнд н. 12:15). Даналиқниң мәнбәси болған Йәһвани рәт қилиду (Зәб. 53:1). Биз вәз хизмитидә уларни учратқанда, Муқәддәс китапниң өлчәмлирини һөрмәтлигинимиз үчүн, улар дайим қопаллиқ билән бизни тәңқит қилиду. Бирақ улар бизниң яхширақ турмуш кәчүрүшимиз үчүн мәслиһәт берәлмәйду. Муқәддәс китап мундақ дәйду: «Надан һәқ даналиққа йетәлмәс, у сот дәрвазилири алдида ағзиниму ачалмас» (Пәнд н. 24:7). Ахмақларниң ейталиғидәк һәқиқий дана сөзлири йоқ. Шуңа Йәһва бизни улардин жирақ турушқа агаһландуриду (Пәнд н. 14:7).
24 ФЕВРАЛЬ—2 МАРТ
ХУДА СӨЗИДИКИ ҒӘЗНӘ | ПӘНД-НӘСИҺӘТЛӘР 2
Шәхсий үгиниш өткүзүштә немишкә бар күчни селишимиз керәк?
w22.08 18-б., 16-абз.
16 Һәммимизла оқушни вә үгинишни яхши көрмәймиз. Амма Тәңри Йәһва һәқиқәтни техиму чоңқур чүшинишимиз үчүн бизни тохтимай издәшкә яки давамлиқ издинишкә дәвәт қилған (Пәнд-нәсиһәтләр 2:4—6ни оқуң). Биз бундақ тиришчанлиқ көрсәтсәк, һемишәм пайдисини көримиз. Кори исимлиқ қериндаш бир қетимда бир айәткә диққәт ағдуридиғанлиғини ейтқан. У чүшәндүрүп мундақ дегән: «Мән һәрбир изаһәтни оқуймән, һәрбир бағлинишлиқ айәтләргә қараймән вә қошумчә издинимән... Бу усул нурғун нәрсиләрни үгинишимгә ярдәм бәрди!» Мәйли шу усулни яки башқа усулни қоллинайли, Худа Сөзини тәтқиқ қилишқа вақит вә күч сәрип қилғанда, өзүмизниң һәқиқәткә болған миннәтдарлиғимизни көрситимиз (Зәб. 1:1—3).
w22.10 19-б., 3, 4-абз.
3 Даналиқ биз билидиған билим асасида тоғра қарарларни чиқириш қабилийитидур. Бирақ һәқиқий даналиқ техиму көпирәк нәрсини өз ичигә алиду. Муқәддәс китап мундақ дәйду: «Йәһва Рәббниң алдида қорқуш — бу даналиқниң бешидур. Әң Муқәддәс тоғрилиқ билимләр инсанни зерәк қилиду» (Пәнд н. 9:10). Шуңа биз муһим қарарни чиқарғанда, чоқум әң муқәддәс болғучи Йәһваниң ой-пикригә асаслинип, қарар чиқиришимиз керәк. Буниң үчүн Муқәддәс китап вә униңға асасланған нәшир материаллиримизни тәтқиқ қилип үгинишимиз лазим. Шундақ қилсақ, һәқиқий даналиққа егә болғанлиғимизни көрситимиз (Пәнд н. 2:5—7).
4 Пәқәт Йәһва Худа бизгә һәқиқий даналиқни берәләйду (Рим. 16:27). Немә үчүн У даналиқниң мәнбәси? Биринчидин, Йәһва Яратқучидур вә Униң Өзи яратқан нәрсиләр һәққидә чоңқур билими бар (Зәб. 104:24). Иккинчидин, барлиқ иш-һәрикәтлири Униң даналиғини әкс әттүриду (Рим. 11:33). Үчинчидин, Тәңри Йәһваниң дана нәсиһити һемишәм нәсиһәткә қулақ салғанлар үчүн пайдилиқ (Пәнд н. 2:10—12). Әгәр һәқиқий даналиққа еришмәкчи болсақ, чоқум бу асасий һәқиқәтләрни қобул қилишимиз вә қарар чиқарғанда яки мәлум ишни қилғанда, шу һәқиқәтләрниң бизни йетәклишигә йол қоюшимиз керәк.
w16.09 23-б., 2, 3-абз.
2 Сиз Йәһваниң яш хизмәтчиси яки Муқәддәс китапни үгиниватқан болсиңиз, башқилар сизни көпчилик ишинидиған тәлимләргә, мәсилән, Яратқучиға әмәс, эволюцияға ишинишкә мәҗбурламду? Шундақ болса, сиз өзүңизниң етиқадиңизни күчәйтип, уни мәһкәм тутуш үчүн немә қилалайсиз? Униң бир йоли — сизни һимайә қилидиған Худаниң бәргән ойлаш қабилийитини қоллиниш. У сизни етиқадиңизни аҗизлаштуридиған мошу дунияниң пәлсәпәсидин қоғдайду (Пәнд-нәсиһәтләр 2:10—12ни оқуң).
3 Һәқиқий етиқат Худа тоғрилиқ тоғра билимгә асаслиниду (Тим. 1-х. 2:4). Муқәддәс китапни вә бизниң әдәбиятлиримизни оқуғанда, пәқәтла көз жүгәртип чиқмаң. Оқуғанлириңизниң мәнасини чүшиниш үчүн ойлаш қабилийитиңизни қоллиниң (Мәт. 13:23).
Роһий гөһәрләрни издәйли
w22.08 18, 19-б., 16-абз.
Һәммимизла оқушни вә үгинишни яхши көрмәймиз. Амма Тәңри Йәһва һәқиқәтни техиму чоңқур чүшинишимиз үчүн бизни тохтимай издәшкә яки давамлиқ издинишкә дәвәт қилған (Пәнд-нәсиһәтләр 2:4—6ни оқуң). Биз бундақ тиришчанлиқ көрсәтсәк, һемишәм пайдисини көримиз. Кори исимлиқ қериндаш бир қетимда бир айәткә диққәт ағдуридиғанлиғини ейтқан. У чүшәндүрүп мундақ дегән: «Мән һәрбир изаһәтни оқуймән, һәрбир бағлинишлиқ айәтләргә қараймән вә қошумчә издинимән... Бу усул нурғун нәрсиләрни үгинишимгә ярдәм бәрди!» Мәйли шу усулни яки башқа усулни қоллинайли, Худа Сөзини тәтқиқ қилишқа вақит вә күч сәрип қилғанда, өзүмизниң һәқиқәткә болған миннәтдарлиғимизни көрситимиз (Зәб. 1:1—3).