Аюпниң Худаға садиқ болуши

БУ АДӘМГӘ ичиңиз ағридиму? Униң исми Аюп, бу униң аяли. Униң аялиниң Аюпқа немә дәватқанлиғини биләмсиз? “Худадин тенип өлгин”, деди. Униң немә үчүн шундақ сөзләрни қилғанлиғини вә немә үчүн Аюп пәйғәмбәрниң шунчә көп азап чәккәнлигини көрүп бақайли.

Аюп садақәтмән киши болуп, Йәһваға итаәт қилатти. У Қанандин анчә жирақ әмәс Уз дегән җайда яшатти. Йәһва Аюп пәйғәмбәрни әҗайип яхши көрәтти. Амма, уни өч көридиған бири бар еди. Сиз биләмсиз, у ким?

У болса Иблис Шәйтан еди. Ядиңизда барму, Шәйтан, у яман периштә, Йәһвани өч көриду. Шәйтан илгири Адәм ата билән Һава анини Йәһваға итаәт қилмаслиққа һәрикәт қилдурған. Шуңа, у өзичә, мән йәнә барлиқ кишиләрни Йәһваға итаәт қилмаслиққа һәрикәт қилдуралаймән, дәп ойлиған еди. Лекин, у шундақ қилалидиму? Яқ. Биз оқуп өткән садақәтмән әрләр вә аяллар һәққидә ойлинип, әсләп беқиң. Қанчисиниң исмини атап берәләйсиз?

Яқуп вә Йүсүп пәйғәмбәрләр Мисирда өлүп кәткәндин кейин, йәр йүзидә Йәһва Худаға әң садиқ болған киши Аюп еди. Шуңа Йәһва, Шәйтанниң барлиқ кишиләрни яманлиқ қилишқа һәрикәт қилдуралмайдиғанлиғини, униңға билдүрүш үчүн: “Аюпқа қара, у маңа нәқәдәр садиқ”, дегән еди.

Шәйтан сөз қилип: “Униң садиқ болуши, униңға берикәт берип, уни һәммә яхши нәрсиләргә егә қилғиниң үчүндур. Лекин, шу нәрсиләрни униңдин елип кәтсәң, у сәндин таниду”, деди.

Шуңа, Йәһва: “Барә, униң һәммә нәрсилирини елип кәт. Аюпқа барлиқ яманлиқлириңни қил. Көрүп бақайли, у мениңдин тенип кетәмду. Амма, уни өлтүрмигин”, деди.

Авал, Шәйтан оғри-қарақчиларни ишлитип, Аюпниң кала вә төгә падилирини елип кәтти вә қойлирини өлтүрди. Арқидин, қаттиқ боран-чапқун арқилиқ оғул-қизлирини, йәни 10 пәрзәнтини өлтүрди. Ахирида, Шәйтан Аюпни қорқунчлуқ кесәл билән азаплиди. Аюп көп җапа-мәшәқәт тартти. Шу сәвәп, аяли Аюпқа: “Худадин тенип өлгин”, дегән еди. Лекин, Аюп ундақ қилмиди. Кейин, униң үч ялған дости келип, уни яман иш қилғиниң үчүн мошу ишларға дучар болдуң, дәп әйиплиди. Амма, Аюп йәнила садиқлиғини сақлиди.

Бу Йәһвани толиму хурсән қилди. Кейин, худди сиз рәсимдә көрүп турғандәк, Пәрвәрдигар Йәһва Аюпни бәрикәтлиди. Худа Аюпниң кесилини сақайтти. Аюп чирайлиқ келишкән 10 пәрзәнткә қайтидин егә болди. Һәм илгирикидин бир һәссә көп қой-кала вә төгиләргә еришти.

Сизму Аюпқа охшаш, һемишәм Йәһва Худаға садиқ боламсиз? Әгәр шундақ қилсиңиз, Йәһва сизниму бәрикәтләйду. Пүткүл йәр йүзи Ерәм беғиға охшаш чирайлиқ һаләткә кәлтүрүлгәндә, сиз мәңгү яшайсиз.