5-савақ

Худаниң йәргә тегишлик нийәтлири қандақ?

Йәһва Худа йәрни немә үчүн яратти? (1, 2)

Немишкә һазир йәр җәннәт әмәс? (3)

Зулум адәмләр билән немә болиду? (4)

Әйса келәчәктә ағриқлар? қерилар? өлгәнләр үчүн немә қилиду? (5, 6)

Кәләчәктики яхшилиқларни елиш үчүн немә қилиш керәк? (7)

1. Йәһва Худа йәрни адәмләр униңда мәңгү вә бәхитлик өмүрдә яшиғай дәп яратқан. Худа йәрдә дайим адил вә хошал адәмзатниң яшишини халиған (Зәбур 113:24; Әйсайә 45:18). Йәр һеч қачан вәйран болмайду, у мәңгү бар болиду (Зәбур 103:5; Жиққучи 1:4).

2. Инсанни яритиштин авал, Худа йәрдә бир җайни таллавелип, шу җайни гөзәл җәннәт қилди. Худа уни Ерәм беғи дәп атиди. Шу йәргә биринчи әр киши һәм аялни — Адәм-ата билән Һава-анини орунлаштурди. Худа уларниң балилири көпийип, йәрни толтарғинини халиди. Аста-аста адәмләр пүткүл йәрни җәннәткә айландурған болатти (Яритилиш 1:28; 2:8, 15).

3. Худанниң қанунини қәстән бузуп, Адәм-ата билән Һава-ана, гуна қилди. Шуниң үчүн Йәһва Худа уларни Ерәм беғидин қоғлап чиқти. Улар җәннәттин айрилди (Яритилиш 3:1—6, 23). Лекин Йәһва Худа йәрни немә үчүн яратқинини унтиғини йоқ. У йәрни җәннәткә айландуруп, униңда мәңгү һаят кәчүрүдиған адәмләр яшайдиғини тоғрилиқ вәдә бериватиду. Худа өз нийитини қандақ орунлайду? (Зәбур 36:29).

4. Йәр йүзи җәннәт болуштин авал, һәммә зулум адәмләр йоқитилиши лазим (Зәбур 36:38). Бу Худа урушида — Һармагедонда әмәлгә ашиду, униңда явузлуқ тохтитилиду. Шуниңдин кейин Шәйтан 1000 жилға кишәнлиниду. Бу йәргә зиян кәлтүрүдиған һеч ким болмайду дегәнликни билдүриду. Худаниң хәлқила тирик қалиду (Вәһий 16:14, 16; 20:1—3).

5. Андин Падиша Әйса Мәсиһ 1000 жил йәр үстидин һөкүмралиқ қилиду (Вәһий 20:6). Аста-аста Әйса адәмләрниң ойини вә тенини гунадин тазилайду. Адәм-ата вә Һава-ана гуна қилишидин бурун қандақ камил болған болса, адәмләрму шундақ камаләткә йетиду. Шу чағда ағриқлар, қерилиқ вә өлүм болмайду. Кессәлләр сақийиду, қерилар яшириду (Аюп 33:25; Әйсайә 33:24; Вәһий 21:3, 4).

6. Әйсаниң миңжиллиқ һөкүмралиғида, Худаға садиқлиқ адәмләр пүткүл йәрни җәннәткә айландуриду (Луқа 23:43). Буниңдин башқа Худа миллионлиған өлгән адәмләрни йәрдә өмүр сүрүшкә тирилдүриду (Әлчиләр 24:15). Әгәр әшу адәмләр Худаниң тәләплирини орунлиса, улар йәрдә мәңгү өмүр сүриду. Әгәр орунлимиса — мәңгүгә йоқитилиду (Йоһан 5:28, 29; Вәһий 20:11—15).

7. Шундақ қилип, Худаниң йәргә нисбәтән барлиқ дәсләпки нийәтлири әмәлгә ашурулиду. Келәчәктә сиз әшу яхшилиқларни алғуңиз келәмду? Шуниң үчүн Йәһва Худа тоғрилиқ билим елишни давамлаштуруш вә тәләплиригә беқиниш керәк. Буни орунлашта Йәһва Гувачилириниң Падишалиқ сарайлирида өтүдиған жиғинларға қатнишиш сизгә ярдәм бериду (Әйсайә 11:9; Ибранийлар 10:24, 25).

[10-бәттики рәсим]

Улар җәннәттин айрилди.

[11-бәттики рәсимләр]

Һәрмәгидондин кейин йәр қайтидин җәннәт болиду.