«Муқәддәс китапта немә ейтилиду?» китавиниң алаһидиликлирини үнүмлүк пайдилиниң

Тәтқиқ қилғучи Муқәддәс китапта немә ейтилғанлиғини билгәнсири вә алған билимини әмәлийәттә қолланғансири, у роһий җәһәттин өсүп, яхши мевә әкелиду (Зәб. 1:1—3). «Муқәддәс китапта немә ейтилиду?» китавини үнүмлүк пайдилиниш арқилик биз тәтқиқ қилғучиға роһий җәһәттин алға бесишқа ярдәм берәләймиз.

Бапниң бешидики соаллар. Һәрбир бап соаллар билән башлинип, уларниң җаваплирини тәтқиқ давамида тепишқа болиду. Бу соалларни тәтқиқ қилғучини мулаһизигә қизиқтуруш үчүн риторик соаллар сүпитидә сорисиңиз болиду. Болмиса, уни һәрбир соалға қисқичә җавап беришни сорисиңизму болиду. Әгәр у натоғра ой-пикирни ейтса, уни дәрру түзитиш һаҗәт әмәс. Тәтқиқ қилғучиниң җаваплири немигә диққәт қоюп, немини тәкитләш керәк екәнлигини чүшинишиңизгә ярдәм бериду (Пәнд н. 16:23; 18:13).

Қошумчә изаһат. Әгәр тәтқиқ қилғучи мәтиндики асасий ойларни чүшинип, уларни қобул қилса, қошумчә изаһаттики мәлуматни өз алдиға қараштурушқа дәвәт қилиң. Келәрки тәтқиқ дәрисидә бирнәччә минут бөлүп, униң мәлуматни чүшәнгәнлигигә көз йәткүзүң. Әгәр буни һаҗәтлик дәп ойлисиңиз, қошумчә изаһатни яки униң бәзибир абзацлирини тәтқиқ қилиш дәрисидә муһакимә қилсиңиз болиду. Буниң үчүн алдин-ала соалларни тәйярлишиңиз керәк.

Рамка. Һәрбир бапниң ахиридики рамкиниң ичидә бапниң бешидики соалларниң җаваплири йезилған. Бу алаһидиликни пайдилинип, тәтқиқ қилғучиниң муһим ойларни чүшинип, уларни чүшәндүрәләйдиғанлиғиға көз йәткүзәләйсиз. Һәрбир җавапни вә кәлтүрүлгән айәтләрни биллә үнлүк авазда оқуң. Кейин тәтқиқ қилғучи кәлтүрүлгән айәтләрни пайдилинип, немишкә бу җавап тоғра екәнлигини чүшәндүрсун (Әлч. 17:2, 3).